Aposel 16:1 - Label

¹ Ana tinan ane Pol pa e Sailas dia hanot uting e Derbe pa lamur uting e Listra. Ning tagun a tarai a asasaerla i kes ting na hanua Listra, a risana e Timoti, a nat a hane Juda, a tena tortorot, pa e tamana a te Grik.

Aposel 16:1 Referencias Cruzadas

Aposel 14:1

E Pol pa e Barnabas dia kas uting na rumai lotu anuna tarai Juda tumo e Ikonion, lar ot ning dia sira toli ana hananuala. Ning dia warwara, anundia na warwara i talapor, pa a galis a tarai Juda pa dingla na tarai otleng, la tortorot.

Aposel 14:21

Ning e Pol pa e Barnabas dia ka warawai pas ana Wakak a Warwara tumo e Derbe pa dia ka asaer tar a galis a tarai sur la a kakak a asaerla, dia ulak utumo e Listra, Ikonion, pa e Antiok.

Aposel 14:6

Ika, ning e Pol pa e Barnabas dia longori, dia han masik uto na papar Likonia, sur naur a hanua Listra pa e Derbe, pa dingla na hananua otleng ning la kes milau.

Aposel 17:14

Pa la ning la tas ana tortorot la sune kapit e Pol utumo latasi. Ika e Sailas dia ma e Timoti dia kes ot tumo e Beria.

Aposel 18:5

Ning e Sailas pa e Timoti dia hanot mitimo na papar e Makedonia, e Pol bel i manah kusun a warawai ana warwara ane God, pa i apuasa i tetek a tarai Juda mang e Iesu a Karisito ning e God i sune i ute.

Aposel 19:22

I sune nigon e Timoti pa e Erastus, dia tagun la ning la sira nangani, utumo e Makedonia, pa i, i kes kaba to na papar Esia.

A Pas ane Pol tetek a tarai Rom 16:21

E Timoti, esaning mia titol taum ana titol ane Karisito, i saran anuna marmaris tetek mulo. Pa natola maik otleng, e Lusius, Jeson pa e Sosipater, ditol saran tar anunditol a marmaris tetek mulo.

1 Korin 16:10

Ning e Timoti ir hanot tetek mulo, mulor tai alari sur gong i matmataut ning i kes napirimulo, anasa i tol a titol anuna Leklek, arlar hok otleng ning a toli.

1 Korin 4:17

Ine i a kamna ning a sune sen e Timoti tetek mulo. I a natuklik ning a mang kol suri, pa i sira momol ana titol anuna Leklek. Ir anuknuk tar mulo ulak ana nuk na toltol, ning i kamna pas ana nuk a keskes taum o e Karisito Iesu. Anuk na toltol i arlar ana nuk a asaer tetek a tarai a lotu ana hananuala rop.

1 Korin 7:14

Anasa a barsan ning bel a tena tortorot, i ane God, anasa ana nuna hane ning i tortorot. Pa a hane ning bel a tena tortorot, i ane God, anasa ana nuna barsan ning i tortorot Ning bel, na natnatumulo lar dur. Ika, la ka totoh, la a tarai ane God.

2 Korin 1:1

Iau e Pol, a aposel anun e Karisito Iesu ana nuknuk e God, miau ma e Timoti a tasindala, mia tumus a pas ne tetek mulo a tarai a lotu ane God tingia e Korin, pa a tarai rop ane God ting na papar Akaia.

2 Korin 1:19

Iau, Sailas pa e Timoti, mitol warawai tetek mulo o e Iesu Karisito, a Nat e God. E Karisito bel i sira malmaling pas pa lamur ir puai. Ir tolsot pasi ot anuna warwara.

Pilipai 1:1

Iau e Pol, miau ma e Timoti, naur a tena titol oros ane Karisito Iesu, mia tumtumus tetek mulo na tarai rop ane God, ning mulo laun o e Karisito Iesu, ting na hanua Pilipai, taum ana ningnigola tagun a lotu pa na tena harnangai.

Pilipai 2:19

Ning a Leklek i malmaling ana nuknukik, bel ir bongnani ar sune sen e Timoti tetek mulo, sur iau otleng ar gas ning ar longor na warwara talapor o mulo.

Kolosi 1:1

Iau e Pol, aposel ane Karisito Iesu ana nuknuk ane God. Miau ma e Timoti a tasindala ana tortorot, mia tumtumus

1 Tesalonika 1:1

Iau e Pol, Sailas, pa e Timoti, mitol tumtumus tetek mulo a tarai a lotu to e Tesalonika, mulo ning mulo laun o e God e Tamandala pa a Leklek e Iesu Karisito. A marmaris pa a bal molmol tetek mulo.

1 Tesalonika 3:2

Pa mia ka sune tar e Timoti a tasindala, pa a tena titol ane God taum o miau, ning mitol sira warwara talapor ana Wakak a Warwara o e Karisito. Mia ka sune seni tetek mulo, sur ir arakrakai mulo, pa ir warwara na harnangai tetek mulo ana numulo na tortorot,

1 Tesalonika 3:6

Ika onone e Timoti ka ulak kusun mulo tingia ute tetek miau. I abaran a wakak a warwara talapor o mulo tetek miau, ana numulo a tortorot pa anumulo a marmaris. I atai miau mang mulo sira gas ning mulo sira nuk ulak pas anundala keskes taum nating, pa mulo mang kol sur mulor oroi mitol, larning mitol otleng mitol mang kol sur mitol ar oroi mulo.

2 Tesalonika 1:1

Iau e Pol, Sailas pa e Timoti, mitol tumtumus tetek mulo a tarai a lotu to e Tesalonika, mulo ning mulo laun o e God e Tamandala pa a Leklek e Iesu Karisito.

1 Timoti 1:18

E Timoti a natuklik, a asasaerla ne a sarani tam, i arlar ana warwara na propet ning di ka atong tari hom ning la nunung hom. Ning ur mur a asasaerla ne, u ning a wakak a tena harum ana Wakak a Warwara.

1 Timoti 1:2

A tumus a pas ne tetek u e Timoti, a natuklik momol ana tortorot. A marmaris pa a wakak a toltol taum ana bal molmol, ta e God a Tamandala pa e Karisito Iesu anundala Leklek, ir kes taum hom.

2 Timoti 1:2

A tumus a pas ne tetek u Timoti a wakak a natuklik ana tortorot. A marmaris pa a wakak a toltol pa a bal molmol, miting ta e God a Tamandala pa e Karisito Iesu anundala Leklek ir kes tetek u.

2 Timoti 1:5

A nuk pas anuma momol a tortorot, ning i arlar ana tortorot ana naur a hane ne, e tubum Lois pa etnam Iunis. A tasmani mang a ngasa tortorot ne, ka kes otleng hom.

2 Timoti 3:11

a toltol ning la toli hok, pa a kankan a kilangi. U tasman rop a tnan kankan ning a kilangi to e Antiok, Ikonion pa e Listra. Ika a Leklek ot i alaun pas iau kusun a mamahatla rop ne.

Pilimon 1:1

Iau, e Pol, a kes ting na rumai a dodot anasa a tortorot o e Karisito Iesu. Miau ma e Timoti a tasindala, mia tumus a pas ne tetek u Pilimon, a wakak a halimila ana titol,

Hibru 13:23

Ar atai mulo mang, a tasindala e Timoti, di ka apurum seni kusun a rumai a dodot. Ning ir hanot kapit ute, miau rop miar hanot tetek mulo.