Aposel 13:10 - Label

¹⁰ pa i atai i mange, “U a nat e Satan, u a hirua ana tostos a toltol rop. U bukus ana urmatana asasongo pa ana asobor. Nangse ma ur manah kusun anuma toltol ning u lingir kol a tostos a ngas anuna Leklek?

Aposel 13:10 Referencias Cruzadas

Matiu 13:38

A barim, i a rakrakan hanua, pa a wakak a pata witla, la a tarai tagun a matanitu misaot na langit, pa a karapala, la na natnat a laulau a barsan,

Matiu 15:19

Ine a ututnala ning i sira purum miting na nuknukna: a nuknuk laulau, umkol a mainla, a toltol laulau ana ta hane anuna tik o ta barsan anuna tik, na toltol a pamuk, a kinkinau, a artitiu asasongo, pa di anan saksakan tik.

Matiu 23:13

E Iesu i atongi mang, “Ir laulau kol tetek mulo a tena asaerla tagun a warkurai pa a Parisaiola, mulo na tena asasongo. Mulo tagar alar a tarai sur gong la kas ana matanitu misaot na langit. Pa mulo ot, bel mulo kas ono, pa a tarai ning la mang sur lar kas, bel mulo noren la sur lar kas.

Matiu 3:7

E Jon i oroi a galis a Parisaiola pa a Sadusila la han sur ir baptais la, pa i atongi tanla mang, “Ai, mulo na natnat a soila! Bel mulor tolsot pasi sur mulor liu kumna kusun a warkurai na arkeles ane God, ning ir hanot.

Luk 11:39

A Leklek i atai i mang, “Mulo a Parisaiola mulo gos pas ka a risris a kap pa a pelet, ika a balamulo i bukus ana kinkinau pa a toltol laulaula.

Luk 11:52

Ir laulau kol tetek mulo a tena asaerla tagun a warkurai, anasa mulo kepsen sen a ki na taman a tastasman. Mulo ot bel mulo kas tingui, pa mulo sairas la ning la mang sur lar kas tingui.”

Jon 1:23

E Jon i keles la mange, “Iau a barsan ning a propet Aisaia i warwara nigo ono mang, ‘A elngena mainla i arkabah ting na hanua bel mang: Mulor atostos a ngas anuna Leklek.’” Ais 40:3

Jon 8:44

E tamamulo e Satan, pa mulo mang ot sur mulor mur na nuknukna. Tagun nating ot, i a tena umkol a taraila, pa bel i tasman a momolna, anasa bel ta momolna i kes onoi. Ning i asasongo, i warwara ana nuna warwara momol ot, anasa i ot a tena asasongo pa a tamana asasongo.

Aposel 20:30

Pa al tarai otleng o mulo lar tur ot, pa lar lingir a momolna, sur a tarai a lotu lar mur la.

2 Korin 11:3

Ika onone, a matmataut sakana dir ben rongon a nuknukimulo kusun anumulo a toltol ning bel ta dur onoi, pa anumulo a tortorot momol o e Karisito, arlar ana soi i asongo pas e Iwa.

Galesia 1:7

A asasaer ning, bel a Wakak a Warwara, ika onone dingla na tarai la aloklokron mulo pa la mang sur lar lingir a Wakak a Warwara o e Karisito.

Epeses 4:14

I maining bel ma dalar arlar ulak ana kakakla ning nunla tortorot i maler, arlar ana utna ning a wuwu taum ana top i minggen taltali utumo pa ute. Bel dalar mur a asasaerla anuna tena asasongola, ning la mang sur lar ben rongon a taraila taum ana nunla na namnamin a warwarala.

2 Pita 2:15

La ka han kusun a tostos a ngas, pa la ka rongo. La ka mur a ngas ane Balam a nat e Beor, esaning i tol a toltol laulau, anasa i mang kol sur a mani.

1 Jon 3:8

Pa esining i tol a toltol laulau, i ane Satan, anasa e Satan i tol a laulauna turpasi ot ana turturkamna. Pa a Nat e God i hanot sur ir kamar sen a titolla ane Satan.