Aposel 12:6 - Label

⁶ Ana morom lanigo ona pukakiar ning e Herot ir ben pas e Pita sur a warkurai, e Pita i borbor tar na arpotor tana naur a tena harum. La ka dot tar naur a kuna taum ana naur a sen. Pa dingla na tena harum la tur ting na taman pa la tai alar a rumai a dodot.

Aposel 12:6 Referencias Cruzadas

Matiu 28:4

Na tena tai alar la matatan koli, la koloron, pa la arlar kama ana minatla.

Aposel 12:5

Ning e Pita i kes ting na rumai a dodot, a tarai a lotu rop bel la manah ana nunung tetek e God suri.

Aposel 21:33

A tnan ningnigo i han tetek e Pol, pa i tong akes pasi, pa i arsune sur dir dot akesi ana naur a sen. Pa i deken la mange, “Esi na barsan ne? Asa ning i tol rongon tari?”

Aposel 28:20

A kamkamna ne ning a arsune sur mulo sur ar oroi mulo, pa dalar warwara taum. Di sen akes tar iau anasa a harnanai ana tortorot sur esaning a tarai Israel otleng la harnanai suri.”

Aposel 5:23

“Ning mila hanot ting na rumai a dodot, mila oroi mang di ka tagar rakrakai tar ot, pa a tena tai alarla kaning ot la tur ana tamanla, ika ning mila sapang a tamanla, bel ma mila oroi la.”

Epeses 6:20

E God ka suah tar iau sur ar tena warawai ana Wakak a Warwara, pa ana titol ne a kes na dodot. Mulor nunung hok sur ar warawai, pa bel ar matmataut, larning i wakak sur ar toli.

2 Timoti 1:16

A nunung sur e God ir maris e Onesiporus latamana, anasa e Onesiporus i sira agasgas iau, pa bel i meme hok ning a kes ana dodot.

Hibru 13:6

I maining bel dalar matmataut, dalar atongi ka larne, “A Leklek anuka tena harnangai, pa bel ar matmataut. Asa ning a tarai lar toli hok?” Buk Song 118:6-7