Aposel 12:4 - Label

⁴ Ning ka dat pas e Pita, lamur i akasi uting na rumai a dodot. Pa diat a kunum a tarai a harum la tai alari, la areiat ana ning a kunum. E Herot i mang sur ir beni sur dir warkurai i namatana tarai, lamur ana lotu na Han Lakai.

Aposel 12:4 Referencias Cruzadas

Matiu 24:9

“Kaning lamur, dir saran tar mulo sur dir alaulau mulo, pa dir umkol mulo, pa na tarai miting na matanitu rop lar nget mulo, anasa mulo anuki.

Matiu 26:5

La atongi mang, “Gong dala toli ana tnan pukakiar a lotu, sakana a taraila lar akamtur ta harum.”

A Wakak a Warwara o e Iesu Karisito i tumusi 14:1

Naura pukakiar lanigo ana lotu na Han Lakai, pa ana lotu na bret ning belal is ono, a leklek a tena artabarla tetek e God taum ana tena asaerla tagun a warkurai la nuknuk sur ta ngas sur lar tong kumnan pas e Iesu pa lar umkoli.

Luk 21:12

“Lanigo ning a ututnala ne belot la hanot, dir dat pas mulo, dir akadik mulo, pa dir dat mulo uting na rumai lotula sur dir warkurai mulo, pa dir akas mulo uting na rumai dodotla. Pa mulor tur na warkurai namatan a kingla, pa tatatnan ningnigola, anasa mulo anuki.

Luk 22:33

E Pita i atongi tana mang, “Leklek, bel a matmataut ning ar mur u uting na rumai a dodot pa ana minat.”

Jon 19:23

Ning a tarai a harum la ka sai ahat tar e Iesu saot na rakai kutus, la los pas anuna na kaenla ning i polpol alar anuna mermer onoi, pa la asauran pasi ana diat a tinibo, ning a tena harum, anuna ning a tinibo. La los pas otleng anuna kaen ning i pipisi. A kaen ning bel ta sunusuk onoi, a kidol a kaen ka.

Jon 21:18

“A atong momoli tam, ning u barman, u ot u amermer pas u, pa u han ana pukna ning u mang sur ur han ia. Ika ning u ka bun, ur atostos naur a kum, pa tik masik ot ir amermer u, pa ir ben u ana pukna ning bel u mang sur ur han ia.”

Aposel 12:3

Ning i oroi a tarai Juda la gas ana minat e Jems, i dat pas e Pita otleng ana ning a pukakiar ana lotu ana bret ning belal is ono.

Aposel 12:5

Ning e Pita i kes ting na rumai a dodot, a tarai a lotu rop bel la manah ana nunung tetek e God suri.

Aposel 4:28

Ning la toli manglarning, la tolsot pas a ututnala ning nating u ka sang tari ana rakrakaim pa ana nuknukim sur ir hanot.

Aposel 4:3

La dat pas diau pa la akas diau ting na rumai a dodot, sur diar kes tuk latu, anasa ka rah.

Aposel 5:18

Pa la dat pas a aposella, pa la akas la ting na rumai a dodot.

Aposel 8:3

Ika e Sol i alaulau a tarai a lotula, i kas ana nunla na rumaila, pa i rih a taraila pa gurarala, pa i akas la ting na rumai a dodot.