Aposel 11:16 - Label

¹⁶ Pa a nuk pas a warwara anuna Leklek, ning i atongi mange, ‘E Jon i baptais ana malum, pa lamur dir baptais mulo ana Talngan Tabu.’

Aposel 11:16 Referencias Cruzadas

Matiu 3:11

A baptais mulo ana malum sur ir apuasa i mang mulo ka lingir a nuknukimulo. Ika esaning ir mur tak, a rakrakaina i itna tana rakrakaik. Bel a tostos sur ar los anuna su. A natarna kol tana. Ir baptais mulo ana Talngan Tabu pa iah.

Matiu 3:6

La patuai talapor ana nunla na toltol laulaula, pa i baptais la ting na malum Jodan.

A Wakak a Warwara o e Iesu Karisito i tumusi 1:8

Iau ar baptais mulo ana malum, pa i ir baptais mulo ana Talngan Tabu.”

Luk 24:8

Pa gurara ning, la nuk pas a warwara ane Iesu.

Luk 3:16

Pa e Jon i atai la rop mang, “A baptais mulo ana malum, ika esaning a rakrakaina i itna tana rakrakaik ir hanot. Pa bel a tolsot pasi sur ar paksen a inau ana anuna su. A natarna kol tana. I ir baptais mulo ana Talngan Tabu pa iah.

Jon 1:26

E Jon i keles la mange, “A baptais mulo ana malum, ika takai kane i tur na arpotor ta mulo ning bel mulo tasman lalani.

Jon 14:26

A Tena Arnangai, a Talngan Tabu, ning e Tata ir sune i ana risak, ir asaer mulo ana ututnala rop, pa ir anuknuk mulo ana warwarala ning ia ka atai tar mulo ono.

Jon 16:4

A atai tar mulo ana warwarala ne, sur ning a taem ir hanot, mulor tasmani mang ia ka atumarang nigon tar mulo. Ana kamkama nuka titol, bel a atai tar mulo ana warwarala ne, anasa kanet a kes taum o mulo.

Aposel 1:5

E Jon i baptais ana malum, pa bel i bongnani ning dir baptais mulo ana Talngan Tabu.”

Aposel 20:35

Iau ot a pas benben mulo ana rakrakai a titol sur mulo otleng mulor sira toli larning, pa mulor nangan la ning la ngoro, pa mulor nuk pas a warwara ning a Leklek e Iesu ka atong tari mange, ‘La ning la artabar la angis tanla ning la kibas a utna.’”

1 Korin 12:13

Anasa takai ka a Talngan Tabu i baptais dala rop, sur dala takai ka palaona e Karisito, dala a tarai Juda, pa dala ning bel a tarai Juda, dala na tena titol oros pa dala ning bel dala tena titol oros. Pa e God i saran takai ka a Talngan Tabu tetek dala rop sur dalar gang ono.

2 Pita 3:1

Na halalik, ine a munaur a pas ning a tumusi tetek mulo. Pa te na naur taum a pas ne, a anuknuk mulo ulak ana ututnala, sur a nuknukimulo ir tostos.