Aposel 1:16 - Label

¹⁶ “Na tastasikla, a warwara anuna Talngan Tabu, ning e Dewit i warwara tar onoi nating ot ting na Buk Tabu, onone di ka tolsot pasi. I warwara o e Judas esaning i nigon la ning la tong pas e Iesu.

Aposel 1:16 Referencias Cruzadas

Matiu 26:14

E Judas Iskariot, a halin ning a bonot pa pisir naur a kakak a asaer, i han tetek a leklek na tena artabarla tetek e God.

Matiu 26:47

Ning e Iesu kaning ot i warwara, e Judas, a hala ning a bonot pa pisir naur a kakak a asaer, i hanot, la taum ana kunum a tarai. La los na liwan a harum pa na nalnal. A leklek a tena artabarla tetek e God pa na ningnigo anuna tarai, la sune sen la.

Matiu 26:54

Ika, ning ar toli larne, bel dir tolsot pas a warwarala ting na Buk Tabu ana ututnala ning i sot sur dir toli hok.”

Matiu 26:56

Ika a ututnala rop ne i hanot sur dir tolsot pas na tumtumus anuna propetla.” Lamur anuna kakak a asaerla rop la liu sarara pas kusuni.

A Wakak a Warwara o e Iesu Karisito i tumusi 12:36

A Talngan Tabu i nigon e Dewit pa i atongi mange, ‘A Leklek i atongi tetek anuka Leklek, “Ur kes te na sot a kuk, tuk ning ar tolsot pas anum na hiruala sur lar kes nahaim.” ’ Buk Song 110:1

A Wakak a Warwara o e Iesu Karisito i tumusi 14:43

Kaning ot e Iesu i warwara, e Judas, ning tagun a ning a bonot pa pisir naur a kakak a asaerla, i hanot taum ana kunum a taraila. La los a liwanla na harum taum ana puka buturla. A leklek a tena artabarla tetek e God, taum ana tena asaerla tagun a warkurai pa a ningnigola la sune la.

Luk 22:47

Ning e Iesu kaning ot i warwara, a tnan kunum a tarai la hanot. Pa e Judas, ning tagun a ning a bonot pa naur a kakak a asaerla, i nigon pas la. I han tetek e Iesu sur ir goro a ris a pahana.

Jon 10:35

I atong la mang la a godla, la ning di saran tar a warwarala ane God tanla. Bel tik ir kepsen lar pas a warwara na Buk Tabu.

Jon 13:18

“Bel a warwara o mulo rop, a tasman la ot ning ia ka aslang pas la. Ika dir tolsot pas ot asaning di ka tumus tari ting na Buk Tabu mange, ‘A barsan ning mia hangan taum, ir talingir ulak sur iau, pa ir pas gorgoron iau.’ Buk Song 41:9

Jon 17:12

Ning a kes taum onla, a tai alar la ana rakrakai a risam, ning u saran tari tak, pa bel tik ta halinla i hirua. Takai sot ka ir hirua, esaning ir han sur a hinirua tikin. Manglarning, a warwara ning di ka tumus tari ting na Buk Tabu ir hanot momol.

Jon 19:36

Di tol a ututnala ne, sur dir tolsot pas a warwara, ning di ka tumus tari ting na Buk Tabu mange, “Bel dir kuben ta surna.” Buk Song 34:20

Aposel 1:20

E Pita i atongi mang, “Di ka tumus tari ana Saksakla ane Dewit mang, ‘Anuna rumai ir belbel, pa gong tik i kes tingia.’ Buk Song 69:25 Pa di tumusi otleng manglarne, ‘Tik ir kelesi ana nuna titol.’ Buk Song 109:8

Aposel 13:15

Ning di ka was tar a warwarala ana Buk a warkurai ane Moses pa ana tumtumus ana propetla, a ningnigola ana rumai lotu la arsune tetek diau mang, “Naur a tastasimila, ning ta warwara na arakrakai kaning sur mur atai a taraila ono, mur warwara ka ono.”

Aposel 13:38

“Manglarning, na tastasikla, mila warawai tetek mulo mange: Mulor tasmani mang e Iesu i hanot sur ir kepsen a laulau a ginimulo.

Aposel 15:13

Ning dia manah na warwara, e Jems i atongi mang, “Na tastasikla, mulor longor iau.

Aposel 15:7

Ning la ka warwara kol pas onoi, e Pita i tur pa i atai la mange, “Na tastasikla, mulo tasmani mang nating ot, e God i aslang pas iau kusun mulo, sur ar warawai ana Wakak a Warwara tetek la ning bel a tarai Juda, sur lar longori pa lar tortorot ono.

Aposel 2:23

Di saran tar e Iesu ta mulo, pa mulo taum ana laulau a taraila mulo sai ahati saot na rakai kutus. E God ka tasman nigon tari mang a ututnala ne ir hanot arlar ana nuknukna.

Aposel 2:37

Ning la longor a warwara ne, i sot na balanla, pa la deken e Pita taum ana dingla na aposella mang, “Na tastasimila, asaning milar toli?”

Aposel 22:1

“Na tastasikla, pa na tamtamangla mulor longor a warwara ning ar atalapor iau ono.”

Aposel 23:1

E Pol i tai tostos sur a tarai a kiwung, pa i atai la mange, “Na tastasik, tuk onone ia ka han tostos namatana e God, pa a balak bel i arup iau ana ta utna.”

Aposel 23:6

Ning e Pol i tasmani mang dingla na tarai tagun la, a Sadusila, pa dingla a Parisaiola, i kukuk ting na kiwung mange, “A tastasikla, iau a Parisaio, pa a nat a Parisaio, onone di arup iau kamna ana nuka tortorot ana lalaun ulak kusun a minat.”

Aposel 28:17

Lamur ana natola pukakiar, e Pol i kabah taum a ningnigola anuna tarai Juda. Pa ning la hanot taum, i atai la mange, “Na tastasikla, bel a alaulau anundala na tarai, pa a toltol anuna tumtubundala tagun nating. Ika la tong akes pas iau, pa la saran tar iau tana tarai Rom saot e Jerusalem.

Aposel 28:25

La arlak na arpotor in la. Ning la tur sur lar han, e Pol i atong a ararop na warwara tetek la mange, “A momolna ot ning a Talngan Tabu i atongi ana pahana propet Aisaia, tetek na tumtubumulo tagun nating mange,

Aposel 7:2

Pa i kelesi mange, “Na tastasikla, taum ana tatala, mulor longor tak. A God na matatar i hanot tetek e tubundala e Abaram, ning kaning ot i kes ting e Mesopotemia, pa belot i kes tumo e Haran.

1 Pita 1:11

A Inguna e Karisito i kes onla, pa i atai nigon la ana mamahatla ning e Karisito ir kilangi, pa ana nun a matatar lamur. La tiktikin mang nangse momol, pa esi na barsan ning a utna ne ir hanot onoi.

2 Pita 1:21

Anasa bel ta warwara na propet i hanot miting na nuknukin ta barsan. A Talngan Tabu ot i nigon a taraila ning la warwara ana warwara miting ta e God.

2 Pita 2:21

Ngandek ning bel la tasman a ngas ana tostos a toltol, kar wakak tetek la. Ika onone, i laulau kol tetek la, ning la ka tasmani, ika la gilam masik kusun a totoh a warkurai ning di ka abaran tari tanla.