Aposel 1:14 - Label

¹⁴ La taum ma e Maria, etana e Iesu, pa na tastasna e Iesu, pa dingla na gurarala otleng. La rop bel la manah ona nunung ana pukakiarla.

Aposel 1:14 Referencias Cruzadas

Matiu 12:46

Ning e Iesu kaning ot i warwara tetek a kunum a tarai, e tana pa na tastasna la hanot, pa la tur tumo lapiu, anasa la mang sur lar warwara taum onoi.

Matiu 21:22

Ning mulo tortorot, a ututnala rop ning mulo nunung suri, mulor kibasi.”

Matiu 27:55

A galis a gurarala otleng ning la mur e Iesu mitumo e Galili sur lar nangani, la tur bakbak tar ot pa la oroi a ututnala ne.

A Wakak a Warwara o e Iesu Karisito i tumusi 15:40

Dingla na gurarala otleng la ororoi miting na bakbak. Ting na arpotor inla, e Maria Magdalen, pa e Salome pa e Maria otleng tana e Josep pa e Jems a barman.

A Wakak a Warwara o e Iesu Karisito i tumusi 16:1

Ning a Pukakiar Sabat ka rop, e Maria Magdalen, pa e Maria tana e Jems, pa e Salome ditol lou pas a ututnala ning i tomtobo sur ditol ar atomtobo a minat e Iesu ono.

Luk 11:13

Mulo na laulau a tarai, mulo tasman ot a wakak a artabarla sur mulor tabar na natnatumulola ono. Ning mulo sira toli larne, i momol kol mang, e Tamamulo ning i kes saot na langit, ir saran a Talngan Tabu tetek la ning la nunungi.”

Luk 18:1

E Iesu i warwara ana warwara larlar tetek anuna kakak a asaerla sur ir asaer la sur lar nunung bolbolos pa gong la ngoro.

Luk 23:49

Ika na halalna e Iesu, pa a gurarala ning la muri mitumo e Galili, la tur bakbak tar ot, pa la oroi a ututnala ne.

Luk 23:55

Pa a gurarala ning la han taum o e Iesu mitumo e Galili, la mur e Josep, pa la oroi tar a kulam a minat pa a ngas a aborbor ning di toli ana minat o e Iesu.

Luk 24:10

A gurarala ning la atai a aposella ana ututnala ne, la ne: E Maria Magdalen, e Joana, pa e Maria e tana e Jems, pa dingla na gurara otleng ning la han taum on ditol.

Luk 24:33

Ana pukakiar ot ning, dia kamtur pa dia ulak usaot e Jerusalem, pa dia han tetek ning a bonot pa takai a kakak a asaerla pa dingla na tarai otleng ning la kes taum.

Luk 24:53

Pa la keskes tingui na rumai a artabar, la atong aleklek pas e God.

Luk 8:20

Pa di atai e Iesu mang, “E tnam pa na tastasim, kanumo la tur tumo lapiu. La mang sur lar oroi u.”

Aposel 2:1

Ning a pukakiar na Pentikos i hanot, a tena tortorotla rop la kes taum ona ning a rumai.

Aposel 2:42

Pa la saran tar la ana asasaer anuna aposella, ana kes taum ana marmaris, pa ana utna na hangan taum, pa ana nunung.

Aposel 2:46

La sira kes taum ting na rumai a artabar ana pukakiarla rop. La hangan taum ting na nunla na rumaila ana gasgas taum ana momolna ting na balanla.

Aposel 6:4

Pa mila, milar molot ka ana nunung pa a titol na warwara talapor ana warwara ane God.”

A Pas ane Pol tetek a tarai Rom 12:12

Mulor harnanai taum ana gasgas sur a ututnala ning e God ir tabar mulo onoi lamur. Ning mulo pastek a mamahatla, mulor tur rakrakai, pa gong mulo manah ana nunung.

1 Korin 14:13

Ning ir manglarning, i wakak sur esining i warwara ana urmatana ngas a warwara, ir nunung sur ir tolsot pasi sur ir pak a kamkama nuna warwara.

Epeses 6:18

Mulor nunung taum ana rakrakai ana Talngan Tabu ana pukakiarla rop, taum ana urmatana nunung rop. Mulor kes na sang, pa mulor sira nunung bolbolos ana taraila rop ane God.

Kolosi 4:2

Mulor rakrakai ana nunung. Ning mulo nunung, a nuknukimulo ir talapor, pa mulor atong wakak tetek e God.