1 Timoti 4:3 - Label

³ A ngas a tarai ne, la sairas a tinaulai pa la sairas a tarai sur gong la ien al ngas a utna na hangan. A utna na hangan ning, e God i akes tari, sur a tarai a tortorot ning la tasman a momolna, lar atong wakak tetek e God onoi pa lar ieni.

1 Timoti 4:3 Referencias Cruzadas

Matiu 14:19

Pa i arsune sur a kunum a tarai lar kes ting na ulai. I kibas pas dilima na bret pa naur a sis, i tadai usaot na langit, i atong wakak tetek e God onoi, i kibik dilima na bret, pa i sarani tana nuna kakak a asaerla. Pa la asalar a kunum a tarai ono.

Matiu 15:11

Asaning ir kas uting na pahana barsan, bel ir aduri namatana e God. Ika, asaning i atongi ana pahana, i ning ir aduri namatana e God.”

Matiu 15:36

I kibas pas mais a bret pa naisa na sis ning, i atong wakak pas onoi tetek e God, pa i tibiki pa i sarani tetek a kakak a asaerla sur lar tabar a taraila ono.

Luk 24:30

Ning ditol kes sur ditol ar hangan, e Iesu i los pas a bret, i atong wakak pas ono, i kibik pasi, pa i tabar diau ono.

Jon 6:23

Lamur dingla na mon mitimo e Tiberias la sot milau ana pukna ning a Leklek i atong wakak ana bret pa a kunum a tarai la hangan ano.

Aposel 27:35

Ning e Pol i atong tari larne, i los pas a bret, i atong wakak pas ono tetek e God namatanla rop, i kibiki, pa i hangan.

A Pas ane Pol tetek a tarai Rom 14:17

Anasa a matanitu ane God bel tagun a hangan pa gang. A matanitu ane God tagun a tostos a toltol, a bal molmol pa gasgas ana Talngan Tabu.

A Pas ane Pol tetek a tarai Rom 14:3

Esining i sira ien a ututnala rop, gong i oroi purpurum esaning bel i ien a utna rop. Pa esining bel i ien a ututnala rop, gong i nuki mang esaning i ien a ututnala rop i tol a toltol laulau, anasa e God ka gas pasi.

A Pas ane Pol tetek a tarai Rom 14:6

Esining i nuki mang ning a pukakiar ka i itna, a nuknukna i larne, sur ir aleklek pas a Leklek ono. Pa esaning i ien a ututnala rop, i hangan larne, sur ir aleklek pas a Leklek ono, anasa ka atong wakak pas tetek e God onoi. Pa esi otleng ning i ien ka a ututnala ning di omani, i hangan otleng, sur ir aleklek pas a Leklek ono, pa i atong wakak tetek e God onoi.

1 Korin 6:13

Sakana tik ir atongi otleng larne, “A utna na hangan sur a balandala, pa a balandala sur a utna na hangan.” Ika e God ir kamar sen diau rop. A palaondala bel sur dir tol a pamuk a toltolla. A palaondala sur a Leklek ot, pa a Leklek sur a palaondala.

1 Korin 7:28

Ika, ning ur taulai, bel u tol a toltol laulau. Pa ning ta basbas ir taulai, bel i tol a toltol laulau. Ika, la ning la taulai lar kilang a galis a mamahat ting na nunla a lalaun, pa bel a mang sur mulor pastetek a mamahatla ne.

1 Korin 8:8

Ika, a utna na hangan bel i nangan dala sur dalar tostos namatana e God. Ning bel dala hangan, bel dalar laulau namatana e God, pa ning dalar hangan otleng, bel ir nangan dala sur dalar wakak namatana e God.

Kolosi 2:16

I maining gong mulo noren tar tik sur ir tiu mulo mang bel mulo tolsot pas a warkuraila ana asaning mulo ieni pa mulor gangi, o ana asaning mulo toli ana tnan pukakiar a lotu, o ana kalang ning i hanot kamna, o ana Pukakiar Sabat.

Kolosi 3:17

Ana ututnala rop ning mulo toli pa mulo atongi, mulor toli ot ana risan a Leklek e Iesu, pa mulor atong wakak tetek e God a Tamandala, anasa ana titol ning e Karisito i toli o mulo.

1 Timoti 2:4

I mang sur ir alaun a taraila rop, pa lar tasman a momolna.

1 Timoti 4:4

Anasa a ututnala rop ning e God i akes tar la, la wakak, pa gong dala bilbilor la. Dalar atong wakak tetek e God onoi ning dalar ieni.

1 Timoti 5:14

Pa a mang sur a laola ning la rakrakai ot, lar taulai ulak, lar agon ulak, pa lar tai alar anunla rumaila, sur gong la tol ta utna ning anundala hiruala lar atong laulau dala onoi.

Hibru 13:4

I wakak ning mulo rop, mulor hanrawai a keskes a tinaulai, pa gong ta dur a toltol ir kes ono. Anasa e God ir warkurai tik ning i tol a laulau a toltol ana ta hane ana tik, pa tik otleng ning i tol a pamuk a toltolla.

Hibru 13:9

Gong mulo mur a urmatana ngas a asasaerla ning ir ben rongon mulo. I wakak ning a marmaris ane God ir arakrakai a ingundala. Ning dala mur a warkuraila ana utna na hangan bel ir arakrakai a ingundala, pa bel ir nangan la ning la muri.