Zakaria 9:9 - Bibl Koad 21: Ar Bibl e Brezhoneg evit ar Vretoned

⁹ Bez laouen, merc'h Sion! Laosk kriadennoù a levenez, merc'h Jeruzalem! Setu, da Roue a zeu da'z kavout, reizh ha trec'hus, uvel ha pignet war un azen, war un azenig, ebeul un azenez.

Zakaria 9:9 Referencias Cruzadas

1 Rouaned 1:38

Neuze an aberzhour Zadok a ziskennas gant ar profed Natan, Benaja mab Jehojada, ar Geretiz hag ar Beletiz, hag e rejont da Salomon pignat war vulez ar roue David, hag e kasjont anezhañ da C'hihon.

Salmoù 149:2

Ra laouenaio Israel en e Grouer, ra drido a levenez mibien Sion en o Roue!

Salmoù 2:6

Me am eus santelaet va roue war Sion, va menez santel.

Salmoù 45:1

D'ar mestr-kaner; "Maskil" mibien Kora; kanaouenn-eured war "Shoshannim".

Izaia 12:6

Youc'h ha kan a levenez, te hag a zo o chom e Sion! Rak bras ez kreiz eo Sant Israel.

Izaia 30:6

Diougan diwar-benn loened ar c'hreisteiz. E douar an dristidigezh hag an enkrez, ma teu diouti al leonez hag al leon, an naer-wiber hag an naer loskus o nijal, e tougont war gein ezen o finvidigezhioù ha war dorgenn gañvaled o zeñzorioù, etrezek ur bobl na servijo dezho da netra.

Izaia 33:22

Rak an AOTROU eo hor barner, an AOTROU eo hol lezennour, an AOTROU eo hor roue, eñ eo a savetaio ac'hanomp.

Izaia 40:9

Pign war ur menez uhel, te hag a embann keloù mat da Sion, sav da vouezh gant nerzh, te hag a embann keloù mat da Jeruzalem, sav anezhi, na'z pez ket aon, lavar da gêrioù Juda: Setu ho Toue!

Izaia 43:11

Me eo, me eo an hini a zo an AOTROU, n'eus salver ebet estregedon.

Izaia 43:3

Rak me eo an AOTROU da Zoue, Sant Israel, da Salver, roet em eus an Ejipt evit da zaspren, Etiopia ha Seba ez lec'h.

Izaia 45:21

Disklêriit, lakait anezho da zont, en em guzuilhit kenetrezoc'h! Piv en deus roet da glevout an traoù-se abaoe ar penn-kentañ, hag en deus o disklêriet abaoe pell 'zo? Ha n'eo ket me, an AOTROU? N'eus doue all ebet estregedon. Un Doue reizh hag a salv, n'eus ket unan all estregedon.

Izaia 52:7

Pegen kaer eo war ar menezioù treid an hini a zegas keleier mat, a embann ar peoc'h, a zegas keleier mat diwar-benn ar gwellañ, a embann ar silvidigezh, hag a lavar da Sion: Emañ da Zoue o ren!

Izaia 57:15

Evel-henn e komz an Uhel-Meurbet, hag a zo o chom er beurbadelezh, hag a zo santel e anv: Emaon o chom en ul lec'h uhel ha santel, hag ivez gant an den glac'haret hag uvel a spered, evit bevaat spered ar re zilorc'h hag evit bevaat kalon ar re c'hlac'haret.

Izaia 62:11

Setu an AOTROU a laka da glevout betek pennoù an douar: Lavarit da verc'h Sion: Setu ma teu da silvidigezh, emañ he gopr ganti, hag hec'h oberenn dirazi.

Jeremiaz 30:9

Servijañ a raint an AOTROU o Doue, ha David o roue a savin dezho.

Ezekiel 21:32

A-dammoù, a-dammoù, a-dammoù, me a lakaio anezhi. Met kement-se ne c'hoarvezo nemet pa zeuio an hini en deus ar varnedigezh am bo roet dezhañ.

Ozea 1:7

Met truez am bo ouzh ti Juda, o saveteiñ a rin dre an AOTROU o Doue, ha ne savetein ket anezho dre ar wareg, na dre ar c'hleze, na dre ar brezelioù, na dre ar c'hezeg, na dre ar varc'hegerien.

Mika 4:8

Ha te, tour an tropell, krec'hienn merc'h Sion, betek ennout e teuio hag ec'h erruo ar vestroniezh kentañ; ar roueelezh a vo da verc'h Jeruzalem.

Mika 5:2

Ha te, Betlehem Efrata, bihan e-touez milieroù Juda, ac'hanout eo e teuio din an hini a zle bezañ penn en Israel, an hini a zeu eus an amzerioù kentañ, a-dal an deizioù a-holl-viskoazh.

Zakaria 2:10

Laosk kriadennoù a levenez, ha bez laouen, merc'h Sion! Rak setu e teuan hag e chomin ez kreiz, eme an AOTROU.

Mazhev 1:21

hag e c’hano ur mab, hag e roi dezhañ Jezuz da anv, rak eñ a saveteo e bobl eus e bec’hedoù.

Mazhev 11:29

Kemerit va yev warnoc’h ha deskit diganin, rak me a zo dous hag izelek a galon, hag e kavot diskuizh d’hoc’h eneoù.

Mazhev 2:2

en ur lavarout: Pelec’h emañ an hini a zo ganet da roue d’ar Yuzevien? Rak gwelet hon eus e steredenn er sav-heol ha deuet omp d’e azeuliñ.

Sant Marc 11:7

Degas a rejont an azenig da Jezuz, e lakajont o dilhad warnañ, hag ec’h azezas warnañ.

Sant Lucas 24:27

Hag e tisplegas dezho an holl Skriturioù a gomze diwar e benn adalek Moizez betek an holl brofeded.

Sant Ian 1:49

Natanael a respontas dezhañ: Mestr, te eo Mab Doue, te eo roue Israel.

Sant Ian 19:15

Met int a grias: Lam anezhañ! Lam anezhañ! Ouzh ar groaz! Pilat a lavaras dezho: Ha kroazstagañ a rin ho roue? Ar veleien vras a respontas: N’hon eus roue all ebet nemet Kezar.

Ar Varnerien 10:4

Bez' en doa tregont mab, a yae war dregont azenig, hag o doa tregont kêr, a zo anvet c'hoazh hiziv kêrioù Jair. E bro C'halaad emaint.