Sofonia 2:8 - Bibl Koad 21: Ar Bibl e Brezhoneg evit ar Vretoned

⁸ Klevet em eus dismegañsoù Moab ha kunujennoù mibien Ammon, p'o deus dismegañset va fobl hag en em savet gant rogentez a-enep he harzoù.

Sofonia 2:8 Referencias Cruzadas

Geneliezh 19:37

An hini henañ a c'hanas ur mab hag en galvas Moab. Hemañ eo tad ar Voabiz betek hiziv.

Geneliezh 19:38

An hini yaouankañ ivez a c'hanas ur mab hag en galvas Ben-Ammi. Hemañ eo tad an Ammoniz betek hiziv.

Izaia 15:1

Diougan diwar-benn Moab. En un nozvezh Ar-Moab a zo bet distrujet, kaset da get; en un nozvezh Kir-Moab a zo bet distrujet, kaset da get.

Izaia 16:6

Klevet hon eus lorc'h Moab, lorc'hus-kenañ eo, e ourgouilh, e lorc'h, e rogentez, hag e gomzoù goullo.

Jeremiaz 12:14

Evel-henn e komz an AOTROU a-enep va holl amezeien fall a zorn war an hêrezh am eus roet da'm fobl Israel: Setu ez an d'o diframmañ eus o bro, hag e tiframmin ti Juda eus o c'hreiz.

Jeremiaz 48:1

Diwar-benn Moab, evel-henn e komz AOTROU an armeoù, Doue Israel: Gwalleur da Nebo, rak gwastet eo! Kirjataim a zo mezhek, tapet eo. Ar gêr greñv a zo mezhet ha spontet.

Jeremiaz 49:1

Diwar-benn mibien Ammon, evel-henn e komz an AOTROU: Israel, ha n'en deus mab ebet? Ha n'en deus heritour ebet? Perak en deus heritet Malkam eus Gad? Perak emañ o chom e bobl en e gêrioù?

Klemmganoù 3:61

AOTROU, klevet ec'h eus o dismegañs hag o holl iriennoù a-enep din,

Ezekiel 21:28

Dirak o daoulagad eo un arouez touellus, int hag o deus le al leoù. Hag eñ a zegaso soñj eus o drougiezh pa vint tapet.

Ezekiel 25:1

Komz an AOTROU a voe disklêriet din o lavarout:

Ezekiel 35:12

Hag e ouezi am eus me an AOTROU klevet an dismegañsoù ac'h eus disklêriet a-enep menezioù Israel o lavarout: Drastet int, roet int deomp da voued.

Ezekiel 36:2

Evel-henn e komz an Aotrou AOTROU: Peogwir en deus lavaret an enebour a-enep deoc'h: A! A! An uhelennoù kozh-se a zo deuet da vezañ hon dalc'h,

Amoz 1:13

Evel-henn e komz an AOTROU: En abeg da deir disentidigezh a-berzh mibien Ammon, ha peder zoken, ne zistroin ket diouto, dre m'o deus faoutet kof dougerezed Galaad evit astenn o harzoù.

Amoz 2:1

Evel-henn e komz an AOTROU: En abeg da deir disentidigezh a-berzh Moab, ha peder zoken, ne zistroin ket diouto, dre m'o deus devet ha pulluc'het eskern roue Edom.

Sofonia 2:10

Kement-se a c'hoarvezo dezho en abeg d'o lorc'hentez, dre m'o deus dismegañset ha goapaet pobl AOTROU an armeoù.

Jozue 5:9

An AOTROU a lavaras da Jozue: Hiziv em eus ruilhet diwarnoc'h dismegañs an Ejipt. Al lec'h-se a voe galvet Gilgal, a zo e anv betek hiziv.