Salmoù 20:8 - Bibl Koad 21: Ar Bibl e Brezhoneg evit ar Vretoned

⁸ Ur re o deus fiziañs en o c'hirri, reoù all en o c'hezeg, met evidomp eo en anv an AOTROU hon Doue.

Levr ar Psalmou 1873 (Williams)

⁸ Hi a zo bet strôbet hag a zo kouezet; hogen ni a zo savet, hag a zo choumet enn hon sâ.

Salmoù 20:8 Referencias Cruzadas

2 Rouned 19:23

Dre da gannaded ec'h eus dismegañset an Aotrou, hag ec'h eus lavaret: Gant niver va c'hirri em eus pignet war-lein ar menezioù, war grec'hioù al Liban. Troc'hañ a rin e wez-sedrez uhelañ hag e wez-siprez kaerañ, mont a rin betek e lein diwezhañ, betek koadeg ar C'harmel.

2 Danevelloù 14:10

Asa a yeas en arbenn dezhañ, hag en em renkjont evit an emgann e traonienn Zefata, e-kichen Maresha.

2 Danevelloù 14:11

Asa a grias d'an AOTROU e Zoue hag a lavaras: AOTROU! Evidout, ken aes eo sikour ar re a zo kalz hag ar re a zo dinerzh. Sikour ac'hanomp, AOTROU hon Doue! Rak warnout ez omp en em harpet, hag ez anv ez omp deuet a-enep an engroez-mañ. Te eo an AOTROU hon Doue, ra ne drec'ho ket an den warnout!

Ezdra 8:22

Rak mezh am bije bet o c'houlenn soudarded ha marc'hegerien evit hon difenn diouzh hon enebourien e-pad an hent, rak lavaret hor boa d'ar roue: Dorn hon Doue a zo war an holl re a glask anezhañ, met e nerzh hag e gounnar a zo a-enep an holl re a zilez anezhañ.

Salmoù 124:8

Emañ hor sikour en anv an AOTROU, en deus graet an neñvoù hag an douar.

Salmoù 125:1

Kanaouenn ar "Maalod". Ar re a fiz en AOTROU a zo evel Menez Sion, na c'hell ket bezañ brañsellet, hag a bad da viken.

Salmoù 33:16

Ar roue n'eo ket saveteet dre e c'halloud bras, hag an den galloudek n'eo ket dieubet dre e nerzh bras.

Salmoù 33:17

Ar marc'h a vank da saveteiñ, ne zieub ket dre vraster e nerzh.

Krennlavarioù 21:31

Ar marc'h a zo prest evit deiz an emgann, met dont a ra an dieubidigezh a-berzh an AOTROU.

Ozea 14:4

Yac'haat a rin o emsavadeg, o c'harout a rin a-volontez-vat, rak va c'hounnar a zo distroet diouto.

Mika 7:8

Na laouena ket diwar va fenn, te va enebourez! Mard on kouezhet, ec'h adsavin, mard on azezet en deñvalijenn, an AOTROU a vo va sklêrijenn.

Jozue 11:4

Mont a rejont er-maez gant o holl luioù, ur bobl diniver, ken niverus hag an traezh a zo war ribl ar mor, gant kezeg ha kirri niverus-meurbet.

Ar Varnerien 5:31

Ra yelo da get evel-se, o AOTROU, da holl enebourien! Ra vo ar re a gar ac'hanout evel an heol pa en em ziskouez en e nerzh! Hag ar vro a voe sioul e-pad daou-ugent vloaz.

1 Samuel 17:45

David a lavaras d'ar Filistin: Dont a rez a-enep din gant ar c'hleze, ar goaf hag ar skoed, met me a zeu a-enep dit en anv AOTROU an armeoù, Doue armeoù Israel, ac'h eus dismegañset.