Romaned 7:7 - Bibl Koad 21: Ar Bibl e Brezhoneg evit ar Vretoned

⁷ Petra a lavarimp eta? Hag eo pec’hed al lezenn? N’eo ket! Met ne’m eus anavezet ar pec’hed nemet dre al lezenn. Rak ne’m bije ket anavezet an droukc’hoant ma n’en dije ket al lezenn lavaret: Ne zroukc’hoantai ket.

Testamant Nevez 1897 (Jenkins)

⁷ Petra eta a livirimp‐ni? Ez eo al lezen pen‐caoz d’ar pec’hed? Doue ra viro! Koulskoude n’am euz anavezet ar pec’hed nemed dre al lezen; rag n’am bije ket anavezet ar gwall‐ioul, ma n’hen divije ket lavaret al lezen: Na c’hoantai ket.

Romaned 7:7 Referencias Cruzadas

Geneliezh 3:6

Pa welas ar wreg e oa ar frouezh mat da zebriñ ha plijus d'an daoulagad, ha ma oa prizius evit digeriñ ar skiant, e kemeras eus he frouezh hag e tebras diouto. Reiñ a reas ivez diouto d'he fried a oa ganti, hag hemañ a zebras diouto.

2 Samuel 11:2

D'abardaez ec'h erruas ma savas David a-ziwar e wele, hag evel ma pourmene war doenn ti ar roue, e welas diwar an doenn ur vaouez oc'h en em walc'hiñ. Ar vaouez a oa kaer-meurbet da welout.

Salmoù 119:96

Gwelet em eus harzoù da gement a zo peurvat, da c'hourc'hemenn a zo astennet diharz.

Ermaeziadeg 20:17

Ne c'hoantai ket ti da nesañ, ne c'hoantai ket gwreg da nesañ, nag e servijer, nag e vatezh, nag e ejen, nag e azen, na tra ebet a vefe da'z nesañ.

Mika 2:2

C'hoantaat a reont parkeier hag o c'hemeront, tiez hag o skrapont. Gwaskañ a reont an den hag e diegezh, an den hag e hêrezh.

Mazhev 5:28

Met me a lavar deoc’h penaos piv bennak a sell ouzh ur vaouez gant c’hoantegezh anezhi, en deus dija graet avoultriezh ganti en e galon.

Sant Lucas 12:15

Hag e lavaras dezho: Diwallit gant evezh diouzh ar bizhoni, rak un den n’en deus ket ar vuhez diouzh puilhentez e vadoù.

Sant Lucas 20:16

Dont a raio da zistrujañ ar winierien-se hag e roio ar winieg da re all. O vezañ klevet kement-se, e lavarjont: Ra ne c’hoarvezo ket-se!

Actou an Ebestel 20:33

Ne’m eus c’hoantaet nag arc’hant, nag aour, na dilhad eus den.

Romaned 13:9

Rak: Ne ri ket avoultriezh, ne vi ket muntrer, ne laeri ket, ne zougi ket a fals-testeni, ne zroukc’hoantai ket, ha pep gourc’hemenn all, kement-se holl a zo dalc’het er ger-mañ: Karout a ri da nesañ eveldout da-unan.

Romaned 3:20

Rak kig ebet ne vo reishaet dirazañ dre oberoù al lezenn, rak dre al lezenn eo e teu anaoudegezh ar pec’hed.

Romaned 3:5

Met mar deu hon direizhder da ziskouez reizhder Doue, petra a lavarimp? Daoust hag eo Doue direizh pa ziskouez e gounnar? Komz a ran evel an dud.

Romaned 4:1

Petra a lavarimp eta diwar-benn ar pezh en deus Abraham hon tad kavet hervez ar c’hig?

Romaned 4:15

Al lezenn a zegas ar gounnar, peogwir e-lec’h n’eus lezenn ebet n’eus ket a dorridigezh-lezenn.

Romaned 5:20

Hogen al lezenn a zo deuet evit lakaat ar pec’hed da fonnañ; met e-lec’h m’en deus ar pec’hed fonnet, ar c’hras he deus dreistfonnet,

Romaned 6:15

Petra eta? Ha pec’hiñ a raimp dre ma n’emaomp ket dindan al lezenn met dindan ar c’hras? N’eo ket!

Romaned 7:11

Rak ar pec’hed, o kemer an tu eus ar gourc’hemenn, en deus tromplet ac’hanon, ha drezañ en deus va lazhet.

Romaned 7:13

Ha roet en deus din neuze ar marv ar pezh a zo mat? N’eo ket! Met ar pec’hed eo, evit m’en em ziskouez evel pec’hed en ur reiñ din ar marv dre un dra vat, hag evit ma teu da vezañ gwall bec’her dre ar gourc’hemenn.

Romaned 7:5

Rak pa oamp er c’hig, c’hoantegezhioù ar pec’hedoù a laboure en hon izili war-bouez al lezenn, o tougen frouezh d’ar marv.

Romaned 7:8

Met ar pec’hed, o kemer an tu eus ar gourc’hemenn, en deus lakaet ennon pep seurt droukc’hoantoù. Rak hep al lezenn, ar pec’hed a zo marv.

1 Korintiz 15:56

Flemm ar marv eo ar pec’hed, ha galloud ar pec’hed eo al lezenn.

Efeziz 5:3

Ra ne vo ket klevet anv en ho touez, nag eus gadaliezh, nag eus hudurniezh ebet, nag eus droukc’hoant, evel ma tere d’ar sent,

Adlezenn 5:21

Ne c'hoantai ket gwreg da nesañ, ne avii ket ti da nesañ, nag e bark, nag e servijer, nag e vatezh, nag e ejen, nag e azen, na tra ebet a vefe da'z nesañ.

Koloseiz 3:5

Lakait eta da vervel en hoc’h izili ar pezh a zalc’h d’an douar, ar c’hadaliezh, an hudurniezh, an drouksoñjoù, an droukc’hoantoù, ar pizhoni a zo idolerezh,

1 Tesalonikiz 4:5

hep en em reiñ d’un droukc’hoant fall evel ma ra ar baganed n’anavezont ket Doue,

Hebreed 7:19

rak al lezenn n’he deus degaset netra d’ar barfeted. Lakaet eo bet en e lec’h un esperañs gwelloc’h, hag en em dostaomp ouzh Doue drezi.

Jozue 7:21

Gwelet em eus er preizh ur vantell gaer a Shinear, daou c'hant sikl arc'hant, hag un dolzenn aour a hanter-kant sikl a bouez. O droukc'hoantaet em eus hag o c'hemeret, ha setu, an traoù-se a zo kuzhet en douar e-kreiz va zeltenn, hag emañ an arc'hant dindan.