Romaned 3:5 - Bibl Koad 21: Ar Bibl e Brezhoneg evit ar Vretoned

⁵ Met mar deu hon direizhder da ziskouez reizhder Doue, petra a lavarimp? Daoust hag eo Doue direizh pa ziskouez e gounnar? Komz a ran evel an dud.

Testamant Nevez 1897 (Jenkins)

⁵ Mes mar deu hon injustis da ziskouez sclearoc’h ar justis a Zoue, petra a livirimp‐ni? Daoust ha Doue n’eo ket injust pa ra deomp santoud he goler? (E giz an den e komzan.)

Romaned 3:5 Referencias Cruzadas

Geneliezh 18:25

Ne c'hoarvezo ket e ri un hevelep tra, ma lakafes da vervel an den reizh gant an den fallakr, e doare ma vefe kemeret an den reizh evel an den fallakr. Nann, ne ri ket! An hini a varn an douar holl, ha ne raio ket hervez ar reizhder?

Levr Job 8:3

Doue, hag e tiskarfe ar varnedigezh? An Holl-C'halloudeg, hag e tiskarfe ar reizhder?

Nahum 1:2

An AOTROU a zo un Doue gwarizius ha veñjer. En em veñjiñ a ra an AOTROU, hag ar fulor a zo e c'hourc'hemenn. En em veñjiñ a ra an AOTROU eus e enebourien, hag e vir e gounnar ouzh e eneberien.

Romaned 12:19

N’en em veñjit ket hoc’h-unan, re garet-mat, met lezit ar gounnar d’ober, rak skrivet eo: Din-me eo ar veñjañs, me eo a rento, eme an Aotrou.

Romaned 2:5

Met dre da galeted ha da galon dibened, e tastumez un teñzor a fulor evit deiz fulor ha diskuliadur barnedigezh reizh Doue,

Romaned 3:19

Hogen gouzout a reomp penaos kement a lavar al lezenn, en lavar d’ar re a zo dindan al lezenn, evit ma vo serret pep genoù ha ma vo ar bed holl lakaet dindan barnedigezh Doue.

Romaned 3:7

Ha mar deu gwirionez Doue da lugerniñ muioc’h evit e c’hloar dre va gaou, perak ez on c’hoazh barnet evel ur pec’her?

Romaned 4:1

Petra a lavarimp eta diwar-benn ar pezh en deus Abraham hon tad kavet hervez ar c’hig?

Romaned 5:8

Met Doue a ziskouez e garantez en hor c’heñver, o vezañ ma oamp c’hoazh pec’herien pa’z eo marvet Krist evidomp.

Romaned 6:1

Petra a lavarimp eta? Ha chom a raimp er pec’hed evit ma fonno ar c’hras?

Romaned 6:19

Komz a ran hervez giz an dud abalamour da zinerzhded ho kig. Evel eta ma hoc’h eus roet hoc’h izili da sklavourien d’an hudurniezh ha d’ar fallentez evit ar fallentez, evel-se roit hoc’h izili bremañ da sklavourien d’ar reizhder evit ar santeladur.

Romaned 7:7

Petra a lavarimp eta? Hag eo pec’hed al lezenn? N’eo ket! Met ne’m eus anavezet ar pec’hed nemet dre al lezenn. Rak ne’m bije ket anavezet an droukc’hoant ma n’en dije ket al lezenn lavaret: Ne zroukc’hoantai ket.

Romaned 8:31

Petra a lavarimp eta diwar-benn an traoù-se? Mar d-eo Doue evidomp, piv a vo a-enep deomp?

Romaned 9:30

Petra a lavarimp eta? Penaos ar baganed na glaskent ket ar reizhder, o deus kavet ur reizhder, ar reizhder a zo dre ar feiz,

1 Korintiz 15:32

Mar em eus stourmet ouzh al loened en Efez evit palioù hervez an dud, peseurt talvoudegezh am eus a gement-se? Ma ne advevont ket ar re varv, debromp hag evomp, rak warc’hoazh e varvimp.

1 Korintiz 9:8

Hag hervez giz an dud eo e lavaran kement-mañ? Ha n’en lavar ket ivez al lezenn?

2 Korintiz 6:4

met en em ziskouez a reomp en holl draoù evel servijerien Doue, en un dalc’husted vras, er glac’haroù, er poanioù, en ankenioù,

2 Korintiz 7:11

Ha setu, an hevelep tristidigezh-se hervez Doue, nag a resevender n’he deus ket degaset ennoc’h, nag a zidamalloù, nag a vrouez, nag a zoujañs, nag a c’hoant, nag a gred, nag a gastiz! Diskouezet hoc’h eus e pep keñver ez oc’h glan en afer-se.

Galated 2:18

Rak mar adsavan an traoù am eus distrujet, en em zisklêrian va-unan un torrer eus al lezenn,

Galated 3:15

Breudeur, komz a ran e doare an dud, pa vez startaet un emglev zoken gant tud, ne zeu den all ebet d’e derriñ pe da lakaat un dra bennak ouzhpenn warnañ.

Apocalyps 15:3

Int a ganent kantik Moizez, servijer Doue, ha kantik an Oan, o lavarout: Da oberoù a zo bras ha souezhus, Aotrou Doue holl-c’halloudek! Da hentoù a zo reizh ha gwirion, Roue ar sent!

Apocalyps 18:20

Neñv, en em laouena abalamour dezhi, kenkoulz ha c’hwi ebestel ha profeded santel. Rak Doue en deus graet warni barnedigezh hoc’h abeg.