Romaned 15:3 - Bibl Koad 21: Ar Bibl e Brezhoneg evit ar Vretoned

³ Rak Krist ivez n’eo ket en em blijet ennañ e-unan, met hervez ma’z eo skrivet: Dismegañsoù ar re a zismegañs ac’hanout a zo kouezhet warnon.

Testamant Nevez 1897 (Jenkins)

³ rag ar C’hrist ive n’eo ket en em blijet enhan he‐unan; mes evel ma’z eo scrivet: Dismegansou ar re a ra dismegans d’id, a zo kwezet varnoun‐me.

Romaned 15:3 Referencias Cruzadas

Salmoù 69:20

Te a anavez va dismegañs, va mezh, va c'hemmesk. Va holl enebourien a zo dirak da zaoulagad.

Salmoù 69:9

Deuet on da vezañ un diavaeziad evit va breudeur, un den dianavez evit mibien va mamm.

Mazhev 10:25

A-walc’h eo d’an diskibl bezañ evel e vestr ha d’ar mevel bezañ evel e aotrou. Mar o deus galvet mestr an tiegezh Beelzebul, pegement muioc’h ne c’halvint ket tud e diegezh.

Mazhev 26:39

O vont un tamm a-raokoc’h, en em daolas war e c’henoù d’an douar hag e pedas o lavarout: Va Zad, ma pellaio an hanaf-se diouzhin mar gell-se bezañ! Koulskoude, n’eo ket evel ma fell din, met evel ma fell dit.

Mazhev 26:42

Mont a reas adarre un eil gwech hag e pedas o lavarout: Va Zad, ma ne c’hell ket an hanaf-se mont e-biou din hep ma’c’h evin anezhañ, ra vo graet da volontez!

Mazhev 27:44

Al laeron ivez, a oa kroazstaget gantañ, a rae dezhañ an hevelep rebechoù.

Sant Ian 15:10

Mar mirit va gourc’hemennoù, e chomot em c’harantez, evel ma em eus miret gourc’hemennoù va Zad hag e choman en e garantez.

Sant Ian 15:24

Ma ne’m bije ket graet en o zouez an oberoù n’en deus graet hini all ebet, n’o dije ket a bec’hed. Met bremañ o deus o gwelet hag o deus kasaet ac’hanon ha va Zad ivez.

Sant Ian 4:34

Jezuz a lavaras dezho: Va boued eo ober bolontez an hini en deus va c’haset ha peurober e oberenn.

Sant Ian 5:30

Ne c’hellan ober netra ac’hanon va-unan, barn a ran diouzh ma klevan, ha va barn a zo reizh, rak ne glaskan ket va bolontez met bolontez an Tad en deus va c’haset.

Sant Ian 6:38

rak diskennet on eus an neñv nann evit ober va bolontez, met bolontez an hini en deus va c’haset.

Sant Ian 8:29

An hini en deus va c’haset a zo ganin. An Tad n’en deus ket va lezet va-unan, abalamour ma ran atav ar pezh a blij dezhañ.

2 Korintiz 8:9

Rak anavezout a rit gras an Aotrou Jezuz-Krist, hag eñ pinvidik, a zo en em c’hraet paour evidoc’h, evit ma vefec’h rentet pinvidik dre e baourentez.

Filipiz 2:5

Ra vo ennoc’h an hevelep soñjoù hag ar re a oa e Jezuz-Krist,

Filipiz 2:8

hag, o vezañ kemeret stumm un den, eo en em izelaet e-unan, oc’h en em ober sentus betek ar marv, zoken betek ar marv war ar groaz.