Romaned 12:11 - Bibl Koad 21: Ar Bibl e Brezhoneg evit ar Vretoned

¹¹ E-keñver ar gred, na vezit ket didalvez. Bezit birvidik er spered. Servijit an Aotrou.

Testamant Nevez 1897 (Jenkins)

¹¹ Na vezit ket didalvez e‐kenver ar zêl. Bezit leun a fervor en ho spered; servichit an Aotrou.

Romaned 12:11 Referencias Cruzadas

Ermaeziadeg 5:17

Eñ a respontas: C'hwi a zo didalvez, didalvez! Setu perak e lavarit: Eomp da aberzhiñ d'an AOTROU!

Krennlavarioù 10:26

Evel gwinegr d'an dent hag evel moged d'an daoulagad, evel-se eo an didalvez d'ar re a gas anezhañ.

Krennlavarioù 13:4

Ene an didalvez ne ra nemet c'hoantaat ha n'en deus netra, met ene ar re oberiant en devo e walc'h.

Krennlavarioù 18:9

An hini en em laosk en e labour, a zo breur d'an hini a zispign ar pezh en deus.

Krennlavarioù 22:29

Ha gwelet ec'h eus un den ampart en e labour? Bez' e vo e servij ar rouaned, ne vo ket e servij an dud dister.

Krennlavarioù 31:15

Sevel a ra pa vez c'hoazh noz, hag e ro ar boued d'he ziegezh hag al labour d'he mitizhien.

Ar Prezeger 9:10

Kement a gav da zorn d'ober, gra-eñ hervez da c'halloud, rak n'eus na labour, na soñj, na anaoudegezh, na furnez e lec'h ar marv m'emaout o vont.

Izaia 56:10

An holl gedourien a zo dall, n'anavezont netra. Holl ez int chas mut na c'hellont ket harzhal, emaint o huñvreal en ur chom gourvezet, plijout a ra dezho morediñ.

Mazhev 24:12

Dre ma vo kresket an direizhder, karantez meur a hini a yenaio.

Mazhev 25:26

Met e aotrou a respontas dezhañ: Servijer fall ha diegus, gouzout a ouies penaos e vedan e-lec’h na’m eus ket hadet hag e tastuman e-lec’h na’m eus ket strewet,

Actou an Ebestel 18:25

Desket e oa bet en hent an Aotrou. Birvidik a spered, e komze hag e kelenne gant evezh diwar-benn an traoù a sell ouzh an Aotrou, petra bennak ma n’anaveze nemet badeziant Yann.

Actou an Ebestel 20:19

o servijañ an Aotrou e pep izelegezh, gant kalz a zaeroù hag e-kreiz an amprouennoù a zo deuet warnon dre bechoù ar Yuzevien.

1 Korintiz 7:22

Rak an hini a oa bet galvet en Aotrou pa oa sklav a zo frankiziad an Aotrou. En hevelep doare an hini a oa bet galvet pa oa frank a zo sklavour Krist.

Efeziz 4:28

An hini a laere ra ne laero ket ken, met ra labouro kentoc’h gant e zaouarn da un dra vat bennak, evit m’en devo peadra da reiñ d’an hini a zo en ezhomm.

Koloseiz 4:1

Mistri, roit d’ho mevelien ar pezh a zo reizh ha leal, o c’houzout penaos hoc’h eus ivez ur Mestr en neñvoù.

1 Timote 5:13

Ha gant kement-se, o vezañ didalvez, en em gustumont da vont eus an eil ti d’egile, ha n’int ket hepken didalvez, met ivez komzerezed ha kurius, o lavarout traoù n’int ket dereat.

Hebreed 12:28

Dre-se, o resev ur rouantelezh divrañsellus, miromp ar c’hras evit ma servijimp Doue drezi en un doare a blijo dezhañ, gant keheladur ha gant doujañs,

S. Jakes 5:16

Anzavit ho faotoù an eil d’egile ha pedit an eil evit egile, evit ma viot yac’haet. Pedenn c’hredus an den reizh he deus ur galloud bras.

1 Pêr 1:22

O vezañ sentet ouzh ar wirionez dre ar Spered, hoc’h eus glanaet hoc’h eneoù evit kaout ur garantez a vreur didroidell. En em garit gant dalc’h an eil egile gant ur galon c’hlan,

1 Pêr 4:8

Dreist-holl, ho pet an eil evit egile ur garantez birvidik, rak ar garantez a c’holoio un niver bras a bec’hedoù.

Apocalyps 2:4

Met un dra bennak am eus a-enep dit: dilezet ec’h eus da garantez gentañ.