Ozea 4:12 - Bibl Koad 21: Ar Bibl e Brezhoneg evit ar Vretoned

¹² Va fobl a c'houlenn kuzul digant he c'hoad, hag he bazh a respont dezhi. Rak ar spered a c'hastaouerezh a goll, hag e c'hastaouont pell diouzh o Doue.

Ozea 4:12 Referencias Cruzadas

2 Rouned 17:7

Kement-se a c'hoarvezas dre m'o doa pec'het mibien Israel a-enep an AOTROU o Doue, en doa lakaet anezho da bignat eus bro Ejipt, a-zindan dorn Faraon roue an Ejipt, ha dre m'o doa azeulet doueoù all.

2 Danevelloù 21:13

met ma ec'h eus kerzhet war hent rouaned Israel, en ur lakaat Juda ha tud Jeruzalem da c'hastaouiñ evel m'en deus graet ti Akab, dre ma ec'h eus zoken lazhet da vreudeur, tiegezh da dad, a oa gwelloc'h egedout,

Salmoù 106:39

Hag en em saotrjont dre o oberoù, hag en em rojont d'ar gasterezh dre o doare.

Salmoù 73:27

Rak setu, ar re a bella diouzhit a varvo. Lemel a ri kuit an holl re a zistroio diouzhit.

Jeremiaz 10:8

Holl int a-gevret fall ha diboell. Ar c'hoad ne gelenn nemet mogidelloù.

Jeremiaz 2:27

a lavar d'ar c'hoad: Te eo va zad, ha d'ar maen: Va ganet ec'h eus. Troet o deus o c'hein ouzhin ha nann o dremm, hag en amzer o gwalleur e lavaront: Sav ha savete ac'hanomp!

Jeremiaz 23:13

E profeded Samaria em eus gwelet kalz a follentez, profediñ a reont dre Vaal, ha dianket o deus va fobl Israel.

Ezekiel 20:32

Netra ne c'hoarvezo eus ar pezh a zeu d'ho spered pa lavarit: Bez' e vimp evel ar broadoù hag evel tiegezhioù ar broioù, o servijout ar c'hoad hag ar maen.

Ezekiel 21:21

Dastum da nerzh, sko a-zehoù, tro ha sko a-gleiz, ha da bep tu ma troi.

Ozea 14:3

Asiria ne saveteo ket ac'hanomp, ne bignimp ken war gezeg, ne lavarimp ken da labour hon daouarn: Hon doueoù! Rak ennout eo e kav trugarez an emzivad.

Ozea 5:4

O oberoù n'o lezo ket da zistreiñ d'o Doue, rak ar spered a c'hastaouerezh a zo en o zouez, ha n'anavezont ket an AOTROU.

Ozea 6:10

Gwelet em eus un dra euzhus e ti Israel: eno Efraim a zo en em roet d'ar gasterezh, Israel a zo en em saotret.

Ozea 9:1

Israel, na laouena ket, na sarta ket evel ar pobloù, gastaouet ec'h eus en ur zilezel da Zoue. Karet ec'h eus ur gopr dic'hlan war an holl leurioù gwinizh.

Leviegezh 17:7

Ne ginnigint ken o aberzhoù d’an diaouled, emaint o vont da c’hast ganto. Ur reolenn beurbadus e vo evidoc’h a rummadoù da rummadoù.

Leviegezh 20:5

e lakain-me va dremm a-enep an den-se hag a-enep e ziegezh, hag e lamin anezhañ a-douez e bobl gant ar re holl en em c’hastaouo eveltañ o c’hastaouiñ gant Molok.

Mika 2:11

Mar red un den war-lerc'h an avel, ha mar lavar gevier o lavarout: War ar gwin ha war an evajoù kreñv e roin dit ur brofediezh, hennezh a vo ur profed evit ar bobl-mañ.

Habakuk 2:19

Gwalleur d'an hini a lavar d'ar c'hoad: Dihun! Ha d'ar maen mut: Kelenn a raio! Setu, goloet int a aour hag a arc'hant, ha n'eus spered ebet enno.

Niveroù 15:39

O kaout ar pempilh, o welout anezhañ, ho po soñj eus holl c'hourc'hemennoù an AOTROU hag e heuliot anezho, ha ne heuliot ket ho kalonoù hag ho taoulagad evit kouezhañ er gasterezh.

Adlezenn 31:16

An AOTROU a lavaras da Voizez: Setu, emaout o vont da gousket gant da dadoù. Ar bobl-mañ a savo hag en em roio d'ar gasterezh gant doueoù estren ar vro e-lec'h ma'z eont e-barzh, hag e tilezint ac'hanon hag e torrint va emglev am eus graet ganto.

Ar Varnerien 18:5

Lavarout a rejont: Goulenn digant Doue, evit ma ouezimp hag e vo eürus an hent emaomp o vont gantañ.