Niveroù 19:3 - Bibl Koad 21: Ar Bibl e Brezhoneg evit ar Vretoned

³ He reiñ a reot da Eleazar an aberzhour, a gaso anezhi er-maez eus ar c'hamp, hag e vo lazhet dirazañ.

Niveroù 19:3 Referencias Cruzadas

Leviegezh 16:27

Kaset e vo er-maez eus ar c’hamp ar c’hole evit an aberzh-dic’haouiñ hag ar bouc’h evit an aberzh-dic’haouiñ, a oa bet degaset o gwad el lec’h santel evit ober an dic’haou; o c’hrec’hin, o c’hig hag o fank a vo devet en tan.

Leviegezh 24:14

Degas ar mallozher er-maez eus ar c’hamp, ha ma lakaio ar re o deus e glevet o daouarn war e benn; an holl vodadenn a veinataio anezhañ.

Leviegezh 4:11

Kroc’hen ar c’hole, e holl gig, e benn, e zivhar, e vouzelloù hag e fank,

Leviegezh 4:12

ar c’hole a-bezh, a gaso er-maez eus ar c’hamp d’ul lec’h glan, ma vez taolet ennañ al ludu, hag e tevo anezhañ war ar c’hoad en tan; devet e vo war ar bern ludu.

Leviegezh 4:21

Degaset a raio ar c’hole er-maez eus ar c’hamp, hag e tevo anezhañ evel m’en deus devet ar c’hole kentañ. Un aberzh-dic’haouiñ e vo evit ar vodadenn.

Niveroù 15:36

An holl vodadenn a reas dezhañ mont er-maez eus ar c'hamp hag a veinataas anezhañ, hag e varvas, evel m'en doa gourc'hemennet an AOTROU da Voizez.

Niveroù 19:9

Un den glan a zastumo ludu ar vuoc'h hag en taolo er-maez eus ar c'hamp en ul lec'h glan. Miret e vo evit bodadenn mibien Israel, evit ober dour a zisparti. Ur c’hlanidigezh eus ar pec'hed e vo.

Niveroù 3:4

Nadab hag Abihu a varvas dirak an AOTROU pa ginnigjont un tan estren dirak an AOTROU e gouelec'h Sinai; n'o doa ket a vibien. Eleazar hag Itamar a servijas evel aberzhourien gant Aaron o zad.

Niveroù 5:2

Gourc'hemenn da vibien Israel kas kuit eus ar c'hamp kement hini lovr, kement hini en deus ur berad ha kement hini saotret dre ur marv.