Nahum 1:4 - Bibl Koad 21: Ar Bibl e Brezhoneg evit ar Vretoned

⁴ Gourdrouz a ra ar mor hag e tisec'h, kas a ra da hesk an holl stêrioù. Ar Basan hag ar C'harmel a goazh, bleuñv al Liban a goazh.

Nahum 1:4 Referencias Cruzadas

Geneliezh 8:1

Doue a zeuas memor dezhañ eus Noe hag eus an holl loened hag eus an holl chatal a oa gantañ en arc'h. Doue a lakaas da dremen un avel war an douar hag an doureier a sioulaas.

2 Samuel 22:16

Foñs ar mor en em ziskouezas, diazezoù ar bed a voe dizoloet, gant gourdrouz an AOTROU, gant c'hwezh avel e zivfron.

Levr Job 38:11

ha pa em eus lavaret dezhañ: Betek amañ e teui ha ned i ket pelloc'h, amañ e paouezo lorc'h da goummoù?

Salmoù 104:7

Da'z kourdrouz, en em dennjont, ouzh trouz da gurun, e tec'hjont.

Salmoù 106:9

Gourdrouz a reas ar Mor Ruz hag e sec'has, hag e renas anezho dre an donder evel dre ar gouelec'h.

Salmoù 114:3

Ar mor en gwelas hag a dec'has, ar Jordan a zistroas a-dreñv,

Salmoù 114:5

Petra az poa, o mor, evit tec'hout? Ha te, Jordan, evit distreiñ a-dreñv?

Salmoù 18:16

Foñs an doureier en em ziskouezas, diazezoù ar bed a voe dizoloet, gant trouz da c'hourdrouz, o AOTROU, gant c'hwezh avel da gounnar.

Salmoù 74:15

Te eo a lakaas mammennoù ha gwazhioù da strinkañ, hag a zisec'has stêrioù dihesk.

Izaia 33:9

An douar a zo e kañv ha faezh, al Liban a zo mezhek hag izelaet, Saron a zo deuet evel ul lanneg distro, Basan hag ar C'harmel a zo brañsellet.

Izaia 42:15

Emaon o vont da freuzañ menezioù ha krec'hiennoù, ha da zisec'hañ o holl c'hlasvez, treiñ a rin ar stêrioù e douar start, disec'hañ a rin ar stankoù.

Izaia 44:27

me a lavar d'an donder: Disec'het e vi, da stêrioù a gasin da hesk,

Izaia 51:10

Ha n'eo ket te a zisec'has ar mor, doureier an islonk bras, a reas eus donderioù ar mor un hent, evit lakaat an dasprenidi da dremen?

Ezekiel 30:12

Hag e tisec'hin ar stêrioù, hag e lakain ar vro etre daouarn tud drouk; gwastañ a rin ar vro hag ar pezh a zo ennañ dre zorn diavaezidi. Me an AOTROU am eus komzet.

Ezekiel 38:20

Pesked ar mor, laboused an neñvoù, loened ar parkeier, pep stlejvil a ruz war an douar, hag an holl dud a zo war c'horre an douar a greno dirazon. Ar menezioù a vo diskaret, ar reier uhel a gouezho, an holl vogerioù a vo taolet d'an douar.

Amoz 1:2

Lavarout a reas: An AOTROU a yudo eus Sion, hag e lakaio e vouezh da vezañ klevet eus Jeruzalem; peurvanoù ar vêsaerien a vo e kañv, ha lein ar C'harmel a zisec'ho.

Amoz 5:8

Klaskit an hini en deus graet ar Yarad-poñsined hag an Orion, an hini a dro teñvalijenn ar marv e gouloù-deiz, an hini a dro an deiz e noz teñval, an hini a c'halv doureier ar mor hag o skuilh war zremm an douar: An AOTROU eo e anv.

Mazhev 8:26

Lavarout a reas dezho: Perak hoc’h eus aon, tud a nebeut a feiz? Neuze, o vezañ savet, e c’hourdrouzas d’an avelioù ha d’ar mor, hag e voe ur sioulder bras.

Jozue 3:16

an doureier a ziskenne eus krec'h a chomas a-sav, en ur bern, pell bras, tost da gêr Adam a zo eus tu Zartan, hag a re a ziskenne war-zu mor ar blaenenn, Mor an Holen, a voe troc'het holl. Hag ar bobl a dremenas a-dal da Jeriko.