Mika 7:16 - Bibl Koad 21: Ar Bibl e Brezhoneg evit ar Vretoned

¹⁶ Ar broadoù en gwelo ha mezh o devo gant o holl c'halloud. Lakaat a raint o dorn war o genoù, hag o divskouarn a vo bouzar.

Mika 7:16 Referencias Cruzadas

Levr Job 21:5

Sellit ouzhin ha bezit souezhet, lakait ho torn war ho kenoù.

Levr Job 40:4

Setu, displed on, petra a respontin dit? Lakaat a rin va dorn war va genoù.

Salmoù 126:2

Neuze hor genoù a oa leun a griadennoù a levenez, hag hon teod a ganoù a drec'h. Neuze e veze lavaret e-touez ar broadoù: An AOTROU en deus graet traoù bras d'ar re-mañ.

Krennlavarioù 30:32

Mar ec'h eus graet follentez oc'h en em sevel da-unan, ha mar ec'h eus soñjet en droug, laka da zorn war da c'henoù.

Izaia 26:11

AOTROU, da zorn a zo savet uhel, ne welont ket anezhañ, met mar gwelont da c'hred evit da bobl, neuze e vint mezhekaet, hag an tan miret evit da enebourien a lonko anezho.

Izaia 52:15

evel-se e sparfo kalz a vroadoù, hag ar rouaned a serro o genoù dirazañ, rak gwelout a raint ar pezh n'eo ket bet disklêriet dezho, hag e teskint ar pezh n'eo ket bet roet da glevout dezho.

Izaia 66:18

Anavezout a ran o oberoù hag o soñjoù. Deuet eo an amzer da zastum an holl vroadoù hag an holl yezhoù. Dont a raint, hag e welint va gloar.

Ezekiel 38:23

Hag e vin meuraet ha santelaet, hag e vin anavezet dirak daoulagad broadoù niverus, hag e ouezint ez on me an AOTROU.

Mika 3:7

Ar welerien a vo mezhek, hag an diouganerien a ruzio gant an dismegañs, an holl a c'holoio o barv, rak ne vo respont ebet a-berzh Doue.

Mika 5:8

Ha nemorant Jakob a vo e-kreiz ar broadoù, e-touez pobloù niverus, evel ul leon e-touez loened ar goadeg, evel ul leon yaouank e-touez tropelloù deñved, a vac'h hag a ziframm pa dremen, ha den ne zieub.

Agge 2:22

Diskar a rin tron ar rouantelezhioù, distrujañ a rin nerzh rouantelezhioù ar broadoù, diskar a rin ar c'hirri hag ar re a bign warno. Ar c'hezeg hag ar re a bign warno a vo taolet d'an traoñ, an eil dre gleze egile.

Zakaria 12:9

En deiz-se e c'hoarvezo ma klaskin distrujañ an holl vroadoù a zeuio a-enep Jeruzalem.

Romaned 3:19

Hogen gouzout a reomp penaos kement a lavar al lezenn, en lavar d’ar re a zo dindan al lezenn, evit ma vo serret pep genoù ha ma vo ar bed holl lakaet dindan barnedigezh Doue.

Apocalyps 11:18

Ar broadoù a zo taeret ha da gounnar a zo deuet, kenkoulz hag an amzer da varn ar re varv, da c’hopraat da servijerien ar brofeded, ar sent hag ar re a zouj da anv, bihan ha bras, ha da zistrujañ ar re a zistruj an douar.