Mika 6:2 - Bibl Koad 21: Ar Bibl e Brezhoneg evit ar Vretoned

² Selaouit, menezioù, prosez an AOTROU, ha c'hwi diazezoù start an douar! Rak an AOTROU en deus ur prosez gant e bobl, hag e fell dezhañ breutaat a-enep Israel.

Mika 6:2 Referencias Cruzadas

2 Samuel 22:16

Foñs ar mor en em ziskouezas, diazezoù ar bed a voe dizoloet, gant gourdrouz an AOTROU, gant c'hwezh avel e zivfron.

2 Samuel 22:8

Neuze an douar a voe brañsellet hag a grenas, diazezoù an neñvoù a fiñvas hag a voe brañsellet, dre ma oa droug ennañ.

Salmoù 104:5

Lakaet en deus an douar war e ziazezoù, divrall eo da viken.

Krennlavarioù 8:29

pa roe e reolennoù d'ar mor, evit na dremenje ket e zoureier o harz, pa lakae diazezoù an douar,

Izaia 1:18

Deuit ha divizomp! eme an AOTROU. Pa vefe ho pec'hedoù evel ar ruz-moug, e teuint gwenn evel an erc'h, ha pa vefent ruz evel al limestra, e teuint evel gloan.

Izaia 3:13

An AOTROU en em ziskouez evit divizout, hag emañ en e sav evit barn ar bobl.

Izaia 43:26

Degas soñj din, divizomp a-gevret, gra da gont evit bezañ reishaet.

Izaia 5:3

Bremañ eta, annezerien Jeruzalem ha tud Juda, barnit etre me ha va gwinienn.

Jeremiaz 2:9

Setu perak e pledin c'hoazh ganeoc'h, eme an AOTROU, hag e pledin gant mibien ho mibien.

Jeremiaz 25:31

An trouz a zeuio betek penn an douar, rak an AOTROU en deus ur breud a-enep ar broadoù, mont a ra e barnedigezh a-enep pep kig, ar re zrouk a vo roet d'ar c'hleze, eme an AOTROU.

Jeremiaz 31:37

Evel-henn e komz an AOTROU: Mar gell an neñvoù en nec'h bezañ muzuliet, mar gell diazezoù an douar en traoñ bezañ furchet, neuze e taolin kuit holl ouenn Israel, en abeg da gement o deus graet, eme an AOTROU.

Ozea 12:2

Efraim a beur avel hag a red war-lerc'h avel ar sav-heol. Bemdez e lieskement ar gaou hag an taerder. Ober a ra emglev gant Asiria, hag e kas eoul d'an Ejipt.

Ozea 12:3

An AOTROU en deus ivez ur prosez gant Juda. Kastizañ a raio Jakob evit e hentoù, hag e taskoro dezhañ hervez e oberoù

Ozea 4:1

Selaouit komz an AOTROU, mibien Israel! Rak an AOTROU en deus ur rendael gant tud ar vro, rak n'eus na gwirionez, na truez, nag anaoudegezh Doue er vro.

Mika 6:1

Selaouit bremañ ar pezh a lavar an AOTROU: Sav, breuta da gaoz dirak ar menezioù, ra glevo ar c'hrec'hennoù da vouezh!

Adlezenn 32:22

rak un tan a zo bet enaouet em c'hounnar, hag e tevo betek foñs lec'h ar marv, hag e losko an douar hag e frouezh, hag ec'h entano diazezoù ar menezioù.

Adlezenn 4:26

e kemeran an neñvoù hag an douar da dest en hoc'h enep, penaos e viot distrujet buan a-ziwar c'horre ar vro emaoc'h o vont da berc'hennañ en tu all d'ar Jordan, ne hiraiot ket ho teizioù eno, met mont a reot prim da goll.