Mika 2:2 - Bibl Koad 21: Ar Bibl e Brezhoneg evit ar Vretoned

² C'hoantaat a reont parkeier hag o c'hemeront, tiez hag o skrapont. Gwaskañ a reont an den hag e diegezh, an den hag e hêrezh.

Mika 2:2 Referencias Cruzadas

1 Rouaned 21:1

Goude an traoù-se, Nabod eus Jizreel o kaout ur winienn e Jizreel, e-kichen palez Akab roue Samaria,

2 Rouned 9:26

Dec'h em eus gwelet gwad Nabod ha gwad e vibien, eme an AOTROU, met me en rento dit er park-se, eme an AOTROU. Setu perak, kemer-eñ ha taol-eñ er park-se, hervez komz an AOTROU.

Levr Job 31:38

Mar kri va douar em enep, mar gouel e irvi gantañ,

Ermaeziadeg 20:17

Ne c'hoantai ket ti da nesañ, ne c'hoantai ket gwreg da nesañ, nag e servijer, nag e vatezh, nag e ejen, nag e azen, na tra ebet a vefe da'z nesañ.

Izaia 3:14

An AOTROU a zeuio da varn henaourien e bobl hag o friñsed, rak c'hwi eo hag o deus lonket ar winienn! Diwisk ar paour a zo en ho tiez.

Izaia 5:8

Gwalleur d'ar re a stag ti da di, hag a laka park gant park, ken na vefe mui a lec'h, ha ma chomfent o-unan e-kreiz ar vro!

Jeremiaz 22:17

Met da zaoulagad ha da galon n'int nemet evit da wallc'hoant, evit skuilhañ ar gwad didamall, evit mac'homañ ha gwaskañ.

Ezekiel 18:12

ma wallgas ar paour hag an ezhommeg, ma ra laeroñsioù, ma ne ro ket ar gouestl en-dro, ma sav e zaoulagad etrezek idoloù ha ma ra traoù euzhus,

Ezekiel 22:12

degemeret eo bet donezonoù en da greiz evit skuilhañ gwad, kemeret ac'h eus kampi hag uzurerezh, diwisket ac'h eus da nesañ gant feulster, ha me, va ankounac'haet ec'h eus, eme an Aotrou AOTROU.

Ezekiel 22:13

Ha setu, skoet em eus dorn ouzh dorn en abeg da'z kwallc'hoant ac'h eus diskouezet ha da'z kwad a zo bet skuilhet en da greiz.

Ezekiel 33:26

En em harpañ a rit war ho kleze, ober a rit traoù euzhus, saotrañ a rit pep hini ac'hanoc'h gwreg e nesañ, hag e perc'hennfec'h ar vro?

Ezekiel 45:9

Evel-henn e komz an Aotrou AOTROU: Priñsed Israel, a-walc'h! Lamit kuit an taerder hag ar skraperezh, grit hervez ar barnedigezhioù hag ar reizhder, tennit ho preizherezh diwar va fobl, eme an Aotrou AOTROU.

Ezekiel 46:18

Ar priñs ne gemero netra diwar hêrezh ar bobl o diwiskañ anezho eus o dalc'h. Diwar e zalc'h eo e roio un hêrezh d'e vibien, evit na vo den ebet eus va fobl kaset kuit eus e dalc'h.

Ezekiel 8:17

Hag e lavaras din: Mab an den, hag ec'h eus gwelet? Ha re nebeut eo evit ti Juda ober an traoù euzhus a reont amañ? Rak leuniet o deus ar vro gant feulster hag atizet o deus va c'hounnar. Ha setu, e tostaont ur skourrig ouzh o fri.

Amoz 2:7

Plijout a ra dezho gwelout war benn an ezhommeg poultr an douar, hag e kweont gwir an ezhommeg. Un den hag e dad a ya da gavout an hevelep plac'h evit disakrañ va anv santel.

Amoz 4:1

Selaouit ar gomz-mañ, buoc'hed Basan, a zo war venez Samaria, a wask ar beorien, a wallgas an ezhommeien, a lavar d'o mestroù: Degasit hag evomp!

Amoz 8:4

Selaouit kement-mañ, c'hwi hag a zebr ar paour, hag a laka da semplañ ezhommeien ar vro,

Mika 3:9

Selaouit kement-mañ, pennoù Jakob, ha c'hwi renerien ti Israel, c'hwi hag a gasa ar reizhder, hag a laka da vezañ kamm ar pezh a zo eeun,

Mika 6:12

Rak he re binvidik a zo leun a feulster, hec'h annezidi a lavar gevier, hag un teod touellus o deus en o genoù.

Malaki 3:5

Hag e tostain ouzhoc'h evit ar varnedigezh, hag ec'h hastin testeniañ a-enep ar sorserien, a-enep an avoultrerien, a-enep ar re a dou e gaou, ar re a zalc'h gopr al labourer, a wask an intañvez hag an emzivad, a noaz d'an diavaeziad, ha na zouj ket ac'hanon, eme AOTROU an armeoù.

Mazhev 23:13

Gwalleur deoc’h, skribed ha farizianed pilpouzed! Abalamour ma serrit rouantelezh an neñvoù ouzh an dud, n’oc’h ket hoc’h-unan aet e-barzh, hag hoc’h eus c’hoazh harzet da vont e-barzh ar re a garje bezañ aet.

1 Timote 6:10

Rak karantez an arc’hant eo gwrizienn an holl drougoù. Hiniennoù o vezañ dalc’het ganti, a zo en em zistroet diouzh ar feiz hag en em daolet o-unan er brasañ poanioù.