Mazhev 9:27 - Bibl Koad 21: Ar Bibl e Brezhoneg evit ar Vretoned

²⁷ Evel ma’z ae Jezuz pelloc’h, daou zen dall en heulias, o krial hag o lavarout: Az pez truez ouzhimp, Mab David!

Testamant Nevez 1897 (Jenkins)

²⁷ Pa oa Jesus a vond ac’hane, daou zen dall a heuliaz anezhan, en eur grial, hag en eur lavaret:

Aviel revé St. Maheu troeit é Brehonec Guénet 1858

²⁷ Ha pe oé Jesus oeid quit ag er léh‐cé deu zén dall e hélias anehou, én ul laret: Mab David, hou péet truhé d’oh‐emb.

Mazhev 9:27 Referencias Cruzadas

Mazhev 1:1

Levr lignez Jezuz-Krist, Mab David, Mab Abraham.

Mazhev 11:5

ar re dall a wel, ar re gamm a gerzh, ar re lovr a zo glanaet, ar re vouzar a glev, ar re varv a adsav da vev, an Aviel a zo prezeget d’ar beorien.

Mazhev 15:22

Setu, ur wreg kananeat deuet eus ar vro-se, a grias o lavarout: Az pez truez ouzhin, Aotrou, Mab David! Va merc’h a zo gwall boaniet gant un diaoul.

Mazhev 17:15

Aotrou, az pez truez ouzh va mab hag a zo loariek ha gwall boaniet. Alies e kouezh en tan hag alies en dour.

Mazhev 20:29

Pa’z ejont kuit eus Jeriko, ez eas kalz a dud war e lerc’h.

Mazhev 21:15

Met pa welas ar veleien vras hag ar skribed ar burzhudoù a rae ha bugale a grie en templ, o lavarout: Hozanna da Vab David! e savas droug enno.

Mazhev 21:9

Ar re a gerzhe a-raok hag ar re a heulie a grie: Hozanna da Vab David! Benniget ra vo an hini a zeu en anv an Aotrou! Hozanna el lec’hioù uhel meurbet!

Mazhev 9:28

Pa voe deuet en ti, an dud dall a zeuas d’e gavout. Jezuz a lavaras dezho: Ha c’hwi a gred e c’hellfen ober kement-se? Ya, Aotrou! emezo.

Sant Marc 11:10

Benniget ra vo ren David hon tad, a zeu en anv an Aotrou! Hozanna el lec’hioù uhel meurbet!

Sant Marc 9:22

Alies en deus e daolet en tan hag en dour evit e lakaat da vervel. Met mar gellez un dra bennak, sikour ac’hanomp, az pez truez ouzhimp.

Sant Lucas 17:13

O sevel o mouezh, e krijont: Jezuz, Mestr, az pez truez ouzhimp!

Sant Lucas 20:41

Lavarout a reas dezho: Penaos e lavarer ez eo ar C’hrist Mab David?

Sant Lucas 7:21

En eur-se zoken, eñ a yac’haas kalz a dud eus o c’hleñvedoù, eus o mac’hagnoù hag eus drouk-speredoù, hag e roas ar gweled da veur a hini dall.

Sant Ian 7:42

Ha ne lavar ket ar Skritur e teuio ar C’hrist eus lignez David hag eus bourc’h Betlehem, a-belec’h e oa David?

Romaned 1:3

hag a gomz diwar-benn e Vab, ganet eus lignez David hervez ar c’hig,

Romaned 9:5

a zo deuet eus lignez an tadoù, ha diouto eo deuet Krist hervez ar c’hig, an hini a zo Doue dreist an holl draoù, benniget da virviken. Amen.