Mazhev 5:19 - Bibl Koad 21: Ar Bibl e Brezhoneg evit ar Vretoned

¹⁹ Piv bennak eta a dorro an disterañ eus ar gourc’hemennoù-mañ hag a zesko evel-se d’an dud, a vo galvet ar bihanañ e rouantelezh an neñvoù. Met piv bennak o miro hag o desko d’ar re all, hennezh a vo galvet bras e rouantelezh an neñvoù.

Testamant Nevez 1897 (Jenkins)

¹⁹ Piou‐benag eta a doro unan euz ar bihana euz ar goure’hemenou‐man, hag a gelenno evel‐se d’an dud, a vezo galvet ar bihana en rouantelez an envou; mes piou‐benag ho grai hag ho desko d’ar re all, hennes a vezo galvet braz en rouantelez an envou.

Aviel revé St. Maheu troeit é Brehonec Guénet 1858

¹⁹ Pihue‐benac enta e dorou unan ag er bihanan ag er hourhemeneu‐men, hag e zisquou él‐cé d’en dud, e vou galhuet er bihanan é Ranteleah en Nean; mæs pihue‐benac hou héliou hag ou zisquou d’er ré rall, ean e vou galhuet bras é Ranteleah en Nean.

Mazhev 5:19 Referencias Cruzadas

Salmoù 119:128

Setu perak e kavan reizh da holl gemennadurioù, hag e kasaan pep hent gaouiat.

Salmoù 119:6

Neuze ne ruzin ket o sellout ouzh da holl c'hourc'hemennoù.

Daniel 12:3

A re a vo bet fur a lugerno evel splannder an ec'honder, hag ar re o devo degaset kalz d'ar reizhder a lugerno evel stered, dalc'hmat ha da viken.

Mazhev 11:11

Me a lavar deoc’h e gwirionez, e-touez ar re a zo bet ganet gant gwragez, n’eus bet savet hini brasoc’h eget Yann-Vadezour. Koulskoude, an hini bihanañ e rouantelezh an neñvoù a zo brasoc’h egetañ.

Mazhev 19:28

Jezuz a respontas dezho: Me a lavar deoc’h e gwirionez penaos, c’hwi hag hoc’h eus va heuliet, en eil c’hinivelezh, pa vo Mab an den azezet war dron e c’hloar, e viot ivez azezet war daouzek tron, hag e varnot daouzek meuriad Israel.

Mazhev 20:26

Ne vo ket evel-se en ho touez. Met piv bennak a fello dezhañ bezañ bras en ho touez, a vo ho servijer,

Mazhev 28:20

hag o teskiñ dezho mirout kement am eus gourc’hemennet deoc’h. Ha setu, emaon ganeoc’h bemdez betek fin ar bed. Amen.

Sant Lucas 1:15

rak bras e vo dirak an Aotrou. N’evo na gwin nag evaj kreñv ebet, ha leuniet e vo eus ar Spered-Santel adalek kof e vamm.

Sant Lucas 11:42

Met gwalleur deoc’h, farizianed! Abalamour ma paeit an deog war ar vent, war ar ru ha war an holl louzoù, e-pad ma lezit a-gostez ar reizhder ha karantez Doue. Ar re-se a oa ret ober, hep koulskoude dilezel ar re all.

Sant Lucas 9:48

hag a lavaras dezho: Piv bennak a zegemer ar bugel bihan-se em anv a zegemer ac’hanon. Ha piv bennak a zegemer ac’hanon a zegemer an hini en deus va c’haset. Rak an hini ac’hanoc’h holl a zo ar bihanañ, hennezh eo a vo bras.

Actou an Ebestel 1:1

Em levr kentañ, o Teofil, em eus skrivet diwar-benn kement en deus Jezuz graet ha kelennet, adalek ar penn-kentañ

Romaned 3:8

Perak ne reomp ket an droug evit m’en em gavfe ar mad a gement-se, evel ma’z eus hiniennoù a dest e lavaromp, en ur zroukkomz ac’hanomp? Kondaonidigezh an dud-se a zo reizh.

Romaned 6:1

Petra a lavarimp eta? Ha chom a raimp er pec’hed evit ma fonno ar c’hras?

Romaned 6:15

Petra eta? Ha pec’hiñ a raimp dre ma n’emaomp ket dindan al lezenn met dindan ar c’hras? N’eo ket!

Adlezenn 12:32

Mirout a reot an holl draoù a c'hourc'hemennan dit hag e reot diouto, ha ne lakaiot netra ouzhpenn enno ha ne lammot netra diouto.

Adlezenn 27:26

Milliget ra vo an hini na beurc'hraio ket komzoù al lezenn-mañ ha na raio ket diouto! Hag an holl bobl a lavaro: Amen!

1 Timote 6:11

Met te, den Doue, tec’h diouzh an traoù-se ha klask ar reizhder, an doujañs-Doue, ar feiz, ar garantez, ar basianted, an douster.

Titus 3:8

Ar ger-mañ a zo gwir hag e fell din e asurez gant nerzh an traoù-mañ, evit ma lakaio ar re o deus kredet e Doue d’en em reiñ d’an oberoù mat. Setu an traoù a zo mat ha talvoudus d’an dud.

1 Pêr 5:4

Ha pa zeuio ar Mesaer meur, e vo roet deoc’h ar gurunenn divreinus a c’hloar.

1 Yann 3:4

Piv bennak a bec’h a dorr ivez al lezenn, rak ar pec’hed a zo un dorridigezh eus al lezenn.

Apocalyps 2:20

Met traoù bennak am eus a-enep dit: lezel ar wreg Jezabel, en em lavar profedez, da gelenn ha da douellañ va servijerien evit o lakaat da gouezhañ er c’hadaliezh ha da zebriñ traoù aberzhet d’an idoloù.

1 Samuel 2:30

Setu perak e lavar an AOTROU Doue Israel: Disklêriet em eus e kerzhje da di ha ti da dad dirazon da viken. Met bremañ e lavar an AOTROU: Pell diouzhin! Rak enoriñ a rin ar re a enor ac'hanon, met ar re am dispriz a vo disprizet.