Mazhev 4:16 - Bibl Koad 21: Ar Bibl e Brezhoneg evit ar Vretoned

¹⁶ ar bobl azezet en deñvalijenn he deus gwelet ur sklêrijenn vras, hag ar sklêrijenn a zo savet war ar re a oa azezet e bro hag e skeud ar marv.

Testamant Nevez 1897 (Jenkins)

¹⁶ Ar bobl a oa azezet en devalijen, he deuz gwelet eur sclerijen vraz; hag en em zavet eo ar sclerijen var ar re a oa azezet en bro hag en skeud ar maro.

Aviel revé St. Maheu troeit é Brehonec Guénet 1858

¹⁶ En dud péhani e oé azéet en devaleu, en dés guélet ur goulaouen bras, hag aveid er ré e oé azéet en brô ha tihoeldæt er marhue, er gouleu e zou sàüet.

Mazhev 4:16 Referencias Cruzadas

Levr Job 10:22

douar teñval evel an noz, e-lec'h m'emañ skeud ar marv hep urzh ebet, hag e-lec'h m'eo ar sklêrijenn evel an noz.

Levr Job 3:5

Ra vo tapet gant an deñvalijenn ha gant skeud ar marv, ra vo o chom ar c'hoabr warnañ, ra vo spontet gant duder an deiz-se!

Levr Job 34:22

N'eus na teñvalijenn na skeud ar marv e-lec'h ma c'hellfe en em guzhat ar vicherourien a zireizhder.

Salmoù 44:19

hor c'halon n'eo ket aet war a-dreñv, hor pazioù n'int ket pellaet diouzh da hent,

Izaia 9:1

Ar bobl a gerzhe en deñvalijenn he deus gwelet ur sklêrijenn vras, hag ar sklêrijenn he deus lugernet war ar re a oa o chom e bro skeud ar marv.

Izaia 9:2

Liesaet ec'h eus ar vroad, kresket ec'h eus he levenez, laouenaat a reont dirazout, evel ma laouenaer da vare an eost, evel ma youc'her gant levenez o lodennañ an diwisk.

Jeremiaz 13:16

Roit gloar d'an AOTROU ho Toue, a-raok ma lakaio an deñvalijenn da zont, a-raok ma stoko ho treid ouzh ar menezioù teñval. Gortoz a rit ar sklerijenn, met eñ he zroio e skeud ar marv hag he c'haso en un deñvalijenn don.

Amoz 5:8

Klaskit an hini en deus graet ar Yarad-poñsined hag an Orion, an hini a dro teñvalijenn ar marv e gouloù-deiz, an hini a dro an deiz e noz teñval, an hini a c'halv doureier ar mor hag o skuilh war zremm an douar: An AOTROU eo e anv.

Mika 7:8

Na laouena ket diwar va fenn, te va enebourez! Mard on kouezhet, ec'h adsavin, mard on azezet en deñvalijenn, an AOTROU a vo va sklêrijenn.

Sant Lucas 2:32

ar sklêrijenn a dle sklaeriañ ar vroadoù ha gloar da bobl Israel.