Mazhev 26:53 - Bibl Koad 21: Ar Bibl e Brezhoneg evit ar Vretoned

⁵³ Ha soñjal a rez na c’hellfen ket pediñ va Zad, hag e rofe din raktal ouzhpenn daouzek lejion aeled?

Testamant Nevez 1897 (Jenkins)

⁵³ Ha sonjal a rez‐te na helfen‐me ket breman pedi va Zad, hag e tigasfe d’in rag‐tal ouzpen daouzec lejion a elez?

Aviel revé St. Maheu troeit é Brehonec Guénet 1858

⁵³ Ha credein e ret‐hui n’ellan quet pedein me Zad, hag aben ean e zigassehé d’eign orhpen deuzêc rumad Æled?

Mazhev 26:53 Referencias Cruzadas

2 Rouned 6:17

Elizea a bedas hag a lavaras: AOTROU, plij ganit digeriñ e zaoulagad, ma welo. An AOTROU a zigoras daoulagad ar servijer, hag e welas: setu, ar menez a oa leun a gezeg hag a girri tan en-dro da Elizea.

Daniel 7:10

Ur stêr a dan a zeue hag en em skuilhe dirazañ. Mil miliad a servije anezhañ ha dekmil dekmiliad en em zalc'he dirazañ. Ar varn a voe diazezet hag al levrioù a voe digoret.

Mazhev 25:31

Pa zeuio Mab an den en e c’hloar, gant an holl aeled santel, ec’h azezo war dron e c’hloar.

Mazhev 4:11

Neuze an diaoul en lezas. Ha setu, aeled a zeuas hag a servijas anezhañ.

Sant Marc 5:15

Dont a rejont da gavout Jezuz hag e weljont an hini a oa bet dalc’het gant an diaouled, an hini a oa bet dalc’het gant al lejion, azezet, gwisket hag en e skiant vat. Hag o doe aon.

Sant Marc 5:9

Jezuz a c’houlennas digantañ: Pe anv ac’h eus? Eñ a respontas: Va anv a zo Lejion, rak kalz omp.

Sant Lucas 8:30

Jezuz a c’houlennas outañ: Pe anv ac’h eus? Hag e respontas: Lejion. Rak kalz a ziaoulien a oa aet ennañ.

Sant Ian 10:18

Den ne lam anezhi diganin, me a lez anezhi ac’hanon va-unan. Ar galloud am eus d’he lezel hag ar galloud d’hec’h adkemer, an urzh-se am eus bet digant va Zad.

Sant Ian 18:36

Jezuz a respontas: Va rouantelezh n’eo ket eus ar bed-mañ. Mar bije va rouantelezh eus ar bed-mañ, va servijerien a stourmje evit na vijen ket lakaet e daouarn ar Yuzevien, met bremañ va rouantelezh n’eo ket ac’han.

2 Tesalonikiz 1:7

ha ma rofe deoc’h-c’hwi a zo glac’haret, an diskuizh ganeomp, pa en em ziskouezo an Aotrou Jezuz eus an neñv gant aeled e c’halloud, e-kreiz flammoù-tan,

S. Jud 1:14

Diwar o fenn eo en deus Enok, ar seizhvet den abaoe Adam, profedet o lavarout: Setu, an Aotrou a zo deuet gant e zekviliadoù santel