Mazhev 23:4 - Bibl Koad 21: Ar Bibl e Brezhoneg evit ar Vretoned

⁴ Eren a reont bec’hioù pounner ha diaes da zougen, ha o lakaont war divskoaz an dud, met ne fell ket dezho stekiñ outo gant o biz.

Testamant Nevez 1897 (Jenkins)

⁴ Rag eren a reont bec’hiou pounner, pere na heller ket da zougen, hag e lekeont anezhe var diou‐skoaz an dud; mes na fell ket dezhe lakaad ho biz d’ho finval.

Aviel revé St. Maheu troeit é Brehonec Guénet 1858

⁴ Rac ariein e hrant béheu ponér ha dizougus, hag ou laquat e hrant arh ziscouai en dud, mæs ne fell quet tehai ou fichein guet ou biz.

Mazhev 23:4 Referencias Cruzadas

Izaia 46:1

Bel a bleg, Nebo a stou, o idoloù a ya war gein loened, war loened-samm. An traoù a zougec'h a zo deuet da vezañ ur bec'h, ur samm d'al loened divi.

Mazhev 23:23

Gwalleur deoc’h, skribed ha farizianed pilpouzed! Abalamour ma paeit an deog war ar vent, war an aned ha war ar c’houmin, hag e lezit a-gostez ar pezh a zo ar muiañ talvoudek el lezenn, ar reizhder, an drugarez hag ar feiz. Ar re-se a oa an traoù a dleec’h d’ober, hep koulskoude dilezel ar re all.

Mazhev 23:3

Grit eta ha mirit kement a lavaront deoc’h da virout, met na rit ket hervez o oberoù. Rak e lavaront met ne reont ket.

Sant Lucas 11:46

Hag e lavaras: Gwalleur deoc’h ivez, doktored al lezenn! Abalamour ma sammit an dud gant bec’hioù na c’hellont ket dougen, ha c’hwi hoc’h-unan ne stokit ket outo gant unan eus ho pizied.

Actou an Ebestel 15:10

Bremañ eta, perak e temptit Doue en ur lakaat war an diskibien ur yev n’hon eus ket bet an nerzh da zougen, nag hon tadoù na ni hon-unan?

Actou an Ebestel 15:28

Rak kavet eo bet mat gant ar Spered-Santel ha ganeomp-ni, na vije ket lakaet warnoc’h bec’hioù all nemet ar re a zo ret,

Galated 6:13

Rak an amdroc’hidi o-unan ne viront ket al lezenn, met fellout a ra dezho e viot amdroc’het evit kavout gloar en ho kig.

1 Yann 5:3

Rak kement-mañ eo karantez Doue: ma virimp e c’hourc’hemennoù. Hag e c’hourc’hemennoù n’int ket diaes,

Apocalyps 2:24

Met e lavaran deoc’h-c’hwi, d’ar re all a zo e Tiatira, da gement hini na resev ket ar gelennadurezh-se ha n’en deus ket anavezet donderioù Satan evel ma lavaront: Ne lakain bec’h all ebet warnoc’h,