Mazhev 23:23 - Bibl Koad 21: Ar Bibl e Brezhoneg evit ar Vretoned

²³ Gwalleur deoc’h, skribed ha farizianed pilpouzed! Abalamour ma paeit an deog war ar vent, war an aned ha war ar c’houmin, hag e lezit a-gostez ar pezh a zo ar muiañ talvoudek el lezenn, ar reizhder, an drugarez hag ar feiz. Ar re-se a oa an traoù a dleec’h d’ober, hep koulskoude dilezel ar re all.

Testamant Nevez 1897 (Jenkins)

²³ Malheur deoc’h, Scribed ha Farizianed hipocrit, rag paea a rit an deog var ar menth, var an anet, ha var ar c’houmin, hag e lezit an traou ar muia talvoudec euz al lezen, ar justis, an drugarez hag ar fidelite. An traou‐man a oa dleet da ober, hep tremen ober ar re‐all.

Aviel revé St. Maheu troeit é Brehonec Guénet 1858

²³ Goah t’oh Scribed ha Pharisiénèd lan a gùeuïér, hui péré e bai en devér arh er vent, en anés, hag er humin, hag e lézet de boés en treu er muian vernus én er lézen, er varn, en trugaré hag er fé. Red e oé gobér en treu‐men, hemb lézel er ré rall d’hobér.

Mazhev 23:23 Referencias Cruzadas

Krennlavarioù 21:3

Ober ar reizhder hag ar varnedigezh a zo plijusoc'h d'an AOTROU eget an aberzhoù.

Izaia 28:25

P'en devo plaenaet ar gorre, ha ne skuilho ket an aned? Ha ne hado ket ar c'houmin? Ha ne lakaio ket ar gwinizh a-renk, an heiz el lec'h merket, ar yell war ar ribloù?

Jeremiaz 22:3

evel-henn e komz an AOTROU: Grit hervez ar varnedigezh hag ar reizhder, dieubit an hini gwasket eus daouarn ar mac'homer, na vac'hit ket an diavaeziad nag an emzivad nag an intañvez, na vezit ket taer, na skuilhit ket ar gwad didamall el lec'h-mañ.

Ozea 6:6

Trugarez a fell din ha nann aberzhoù, hag anaoudegezh Doue kentoc'h eget loskaberzhoù.

Leviegezh 27:30

Pep deog eus an douar, kenkoulz eus had an douar evel eus frouezh ar gwez, a vo d’an AOTROU. Un dra santelaet eo evit an AOTROU.

Mika 6:8

Disklêriet en deus dit, o den, ar pezh a zo mat, hag ar pezh a c'houlenn an AOTROU diganit, nemet ober ar pezh a zo reizh, karout an drugarez, ha kerzhout izelek gant da Zoue.

Mazhev 12:7

Mar gouefec’h ar pezh a dalv: Trugarez a fell din ha nann aberzhoù, n’ho pefe ket kondaonet tud didamall.

Mazhev 23:13

Gwalleur deoc’h, skribed ha farizianed pilpouzed! Abalamour ma serrit rouantelezh an neñvoù ouzh an dud, n’oc’h ket hoc’h-unan aet e-barzh, hag hoc’h eus c’hoazh harzet da vont e-barzh ar re a garje bezañ aet.

Mazhev 9:13

It eta ha deskit ar pezh a zo lavaret gant ar c’homzoù-mañ: Trugarez a fell din ha nann aberzhoù, rak n’on ket deuet evit gervel ar re reizh d’ar geuzidigezh, met ar bec’herien.

Sant Lucas 11:42

Met gwalleur deoc’h, farizianed! Abalamour ma paeit an deog war ar vent, war ar ru ha war an holl louzoù, e-pad ma lezit a-gostez ar reizhder ha karantez Doue. Ar re-se a oa ret ober, hep koulskoude dilezel ar re all.

Sant Lucas 18:12

Yunañ a ran div wech ar sizhun, reiñ a ran an deog eus kement am eus.

1 Samuel 15:22

Neuze Samuel a lavaras: An AOTROU , ha kavout a ra plijadur el loskaberzhoù hag en aberzhoù, evel er sentidigezh ouzh mouezh an AOTROU? Setu, ar sentidigezh a zo gwelloc'h eget an aberzh, selaou outañ a zo gwelloc'h eget lard an tourzed.