Mazhev 22:13 - Bibl Koad 21: Ar Bibl e Brezhoneg evit ar Vretoned

¹³ Neuze ar roue a lavaras d’ar vevelien: Ereit e zaouarn hag e dreid, kemerit anezhañ d’e deurel en deñvalijenn a-ziavaez, e-lec’h ma vo goueladegoù ha grigoñsadegoù-dent.

Testamant Nevez 1897 (Jenkins)

¹³ Neuze ar roue a lavaraz d’ar vevelien: Ereit he zaouarn hag he dreid, kassit anezhan kuit, ha taolithen en devalijen a‐ziaveaz; eno e vezo ar gwelvan hag ar skrign‐dent.

Aviel revé St. Maheu troeit é Brehonec Guénet 1858

¹³ Nezé e roué e laras d’é véhuélion: Staguet ean dré en trèd hag en deourn ha taulet ean én tihoéldæd a zianvez: azé e vou dareu ha tarhereah dént.

Mazhev 22:13 Referencias Cruzadas

Salmoù 112:10

An den drouk a wel anezhañ hag en deus desped, hag e c'hrigoñs e zent hag e tisec'h. C'hoant ar re zrouk a yelo da get.

Salmoù 37:12

An den fall a ijin raktresoù a-enep an den reizh, hag e c'hrigoñs e zent en e enep.

Izaia 52:1

Dihun! Dihun! Gwisk da nerzh, Sion! Gwisk dilhad da c'hloar, Jeruzalem kêr santel! Rak hiviziken ned aio ket ennout ar re ziamdroc'h hag ar re zic'hlan.

Daniel 3:20

Hag e c'hourc'hemennas d'ar soudarded kreñvañ eus e arme eren Shadrak, Meshak hag Abed-Nego, hag o zeurel er fornez-dan grizias.

Mazhev 12:29

Pe, penaos e c’hell unan bennak mont e ti un den kreñv ha preizhañ e vadoù, nemet en defe da gentañ ereet an den kreñv-se? Neuze hepken e preizho e di.

Mazhev 13:30

Lezit o-daou da greskiñ betek an eost; ha da amzer an eost, e lavarin d’ar vederien: Tennit da gentañ an dreog hag endrammit eñ evit e zeviñ, met dastumit an ed em solier.

Mazhev 13:42

hag e taolint anezho en ur forn-dan, e-lec’h ma vo goueladegoù ha grigoñsadegoù-dent.

Mazhev 13:50

hag e taolint anezho en ur forn-dan, e-lec’h ma vo goueladegoù ha grigoñsadegoù-dent.

Mazhev 24:51

hag e tispenno anezhañ hag e roio dezhañ e lod gant ar bilpouzed. Eno eo e vo goueladegoù ha grigoñsadegoù-dent.

Mazhev 25:30

Ha taolit ar servijer didalvoud en deñvalijenn a-ziavaez, e-lec’h ma vo goueladegoù ha grigoñsadegoù-dent.

Mazhev 8:12

met bugale ar rouantelezh a vo taolet e deñvalijenn an diavaez, e-lec’h ma vo goueladegoù ha grigoñsadegoù-dent.

Sant Lucas 13:28

Eno eo e vo goueladegoù ha grigoñsadegoù-dent, pa welot Abraham, Izaak ha Jakob, hag an holl brofeded, e rouantelezh Doue, ha c’hwi taolet er-maez.

Sant Ian 21:18

E gwirionez, e gwirionez, me a lavar dit, pa oas yaouank, en em c’hourizes da-unan hag ez aes e-lec’h ma felle dit, met pa vi kozh, ec’h astenni da zaouarn, hag unan all a c’hourizo ac’hanout hag a gaso ac’hanout e-lec’h na fello ket dit mont.

Actou an Ebestel 21:11

Dont a reas d’hor c’havout, kemer a reas gouriz Paol hag, oc’h eren e zaouarn hag e zreid, e lavaras: Ar Spered-Santel a lavar kement-mañ: Ar Yuzevien a ereo en hevelep doare e Jeruzalem an den a zo ar c’houriz-mañ dezhañ, ha droukreiñ a raint anezhañ etre daouarn ar baganed.

Actou an Ebestel 7:54

O klevout ar c’homzoù-se, e oant leuniet a fulor en o c’halonoù hag e c’hrigoñsjont o dent a-enep dezhañ.

2 Tesalonikiz 1:9

Gouzañv a raint o c’hastiz, ur gollidigezh peurbadus pell diouzh dremm an Aotrou ha diouzh gloar e c’halloud,

2 Pêr 2:17

Ar re-se a zo feunteunioù hep dour, koumoul kaset kuit gant un avel-dro, dic’houloù an deñvalijenn a zo lakaet a-du evito da viken.

2 Pêr 2:4

Rak ma n’en deus ket Doue espernet an aeled o doa pec’het met mar en deus o zaolet en donderioù staget gant chadennoù a deñvalijenn evit bezañ dalc’het a-benn ar varn,

S. Jud 1:13

gwagennoù fuloret eus ar mor o teurel eon o loustoni, sterennoù o kantren a zo miret dezho da viken dic’houloù an deñvalijenn.

S. Jud 1:6

penaos e talc’h, ereet gant chadennoù peurbadus e-kreiz an deñvalijenn evit barnedigezh an deiz bras, an aeled n’o deus ket miret o stad kentañ hag o deus kuitaet o chomlec’h o-unan,

Apocalyps 21:27

Ne d-aio e-barzh netra hudur, nag hini eus ar re en em ro d’an euzhusted ha d’ar gaou, met hepken ar re a zo skrivet o anvioù e levr a vuhez an Oan.