Mazhev 20:26 - Bibl Koad 21: Ar Bibl e Brezhoneg evit ar Vretoned

²⁶ Ne vo ket evel-se en ho touez. Met piv bennak a fello dezhañ bezañ bras en ho touez, a vo ho servijer,

Testamant Nevez 1897 (Jenkins)

²⁶ Mes n’e ket evel‐se eo e tle beza en ho touez; er c’hontrol, piou‐benag a fello dezhan beza braz en ho touez, ra vezo servicher deoc’h.

Aviel revé St. Maheu troeit é Brehonec Guénet 1858

²⁶ Ne vou quet él‐cé étré‐z’oh; mæs pihue‐benac e fellou dehou bout brassoh étré‐z‐oh, revou goah aveid oh.

Mazhev 20:26 Referencias Cruzadas

Ezekiel 24:13

Drougiezh 'zo en da loustoni. Pa em eus klasket da c'hlanaat, n'out ket deuet da vezañ glan, ha neuze ne vi ken glanaet eus da loustoni, ken na'm bo sevenet va c'hounnar a-enep dit.

Mazhev 20:27

ha piv bennak a fello dezhañ bezañ ar c’hentañ en ho touez, a vo ho sklavour.

Mazhev 25:44

Neuze int a responto dezhañ, o lavarout: Aotrou, pegoulz hon eus da welet o kaout naon, pe sec’hed, diavaeziad, pe en noazh, pe klañv, pe er prizon, ha n’hon eus ket da sikouret?

Mazhev 27:55

Bez’ e oa ivez meur a wreg a selle a-bell, ar re o doa heuliet Jezuz adalek Galilea ouzh e servijañ.

Sant Marc 10:43

Ne vo ket evel-se en ho touez. Met piv bennak a fello dezhañ bezañ bras en ho touez, a vo ho servijer,

Sant Marc 10:45

Rak Mab an den n’eo ket deuet da vezañ servijet, met da servijañ hag da reiñ e vuhez evel daspren evit kalz.

Sant Marc 9:35

O vezañ azezet, e c’halvas an daouzek hag e lavaras dezho: Mar c’hoanta unan bennak bezañ ar c’hentañ, e vo an diwezhañ eus an holl, ha servijer an holl.

Sant Lucas 18:14

Me a lavar deoc’h, hemañ a zistroas reishaet d’e di kentoc’h eget egile. Rak piv bennak en em uhela a vo izelaet, hag an hini en em izela a vo uhelaet.

Sant Lucas 22:26

Met ne vo ket evel-se etrezoc’h. Mat ra vo an hini brasañ en ho touez evel an hini bihanañ, hag an hini a ren evel an hini a servij.

Sant Ian 18:36

Jezuz a respontas: Va rouantelezh n’eo ket eus ar bed-mañ. Mar bije va rouantelezh eus ar bed-mañ, va servijerien a stourmje evit na vijen ket lakaet e daouarn ar Yuzevien, met bremañ va rouantelezh n’eo ket ac’han.

Actou an Ebestel 13:5

O vezañ erruet e Salamin, e prezegjont ger Doue e sinagogennoù ar Yuzevien. Bez’ e oa ivez Yann ganto evit o sikour.

2 Korintiz 1:24

n’eo ket e renomp war ho feiz, met e kenlabouromp d’ho levenez. Rak e chomit start dre ar feiz.

2 Timote 1:18

Ra roio an Aotrou dezhañ kaout trugarez dirak an Aotrou en deiz-se. Gouzout a rez gwelloc’h eget den pegement eo bet talvoudus din en Efez.

Filemon 1:13

C’hoant em boa d’e zerc’hel ganin, evit ma servije ac’hanon en da lec’h en ereoù ma’z on evit an Aviel.

Hebreed 1:14

Ha n’int ket holl speredoù o vinistrañ, kaset da seveniñ ur servij e-keñver a re a dle kaout ar silvidigezh da hêrezh?

1 Pêr 4:11

Mar komz unan bennak, ra gomzo hervez gerioù Doue. Mar gra unan bennak ur servij, ra raio anezhañ hervez an nerzh en deus Doue roet dezhañ, evit ma vo en holl draoù roet gloar da Zoue dre Jezuz-Krist, a zo dezhañ ar gloar hag ar galloud e kantvedoù ar c’hantvedoù! Amen.

1 Pêr 5:3

nann evel pa vijec’h mestr war ar re a zo fiziet ennoc’h met o vezañ skouer vat an tropell.

Apocalyps 17:6

Gwelout a ris ar wreg mezvet gant gwad ar sent ha gant gwad merzherien Jezuz, hag e krogas ur souezh vras ennon o welout anezhi.