Mazhev 20:21 - Bibl Koad 21: Ar Bibl e Brezhoneg evit ar Vretoned

²¹ Eñ a lavaras dezhi: Petra a fell dit? Hi a lavaras dezhañ: Gourc’hemenn ma vo va daou vab a zo amañ, azezet ez rouantelezh unan a-zehou hag egile a-gleiz dit.

Testamant Nevez 1897 (Jenkins)

²¹ Hag hen a lavaraz dezhi: Petra a fell d’id? Hi a lavaraz dezhan: Lavar ma vezo azezet an daou vab‐man d’in, unan a‐zeo d’id, hag egile a‐gleiz, en da rouantelez.

Aviel revé St. Maheu troeit é Brehonec Guénet 1858

²¹ Hag ean e laras tehi: Petra e houlennet‐hui? Groeit, emé hi, ma vou men deu vab, én hou ranteleah, azéet unan a zéheu d’oh, en arall a glei.

Mazhev 20:21 Referencias Cruzadas

1 Rouaned 2:19

Bat-Sheba a zeuas da gavout ar roue Salomon, evit komz outañ evit Adonija. Ar roue a savas hag a yeas en arbenn dezhi, hag e stouas dirazi, hag ec'h azezas war e dron, hag e reas lakaat un azezenn da vamm ar roue. Hi a azezas a-zehou dezhañ,

1 Rouaned 3:5

E Gabaon, an AOTROU en em ziskouezas en un huñvre da Salomon e-pad an noz, ha Doue a lavaras dezhañ: Goulenn ar pezh a roin dit.

Ester 5:3

Ar roue a lavaras dezhi: Petra a zo ganit, rouanez Ester, petra a c'houlennez? Ha pa vefe an hanter eus ar rouantelezh, roet e vo dit.

Salmoù 110:1

Salm David. An AOTROU en deus lavaret da'm Aotrou: Azez a-zehou din, betek ma em bo graet eus da enebourien ur skabell dindan da dreid.

Salmoù 45:9

Ar mir, an aloez hag ar c'hasia a ro c'hwezh-vat da'z tilhad. Er palezioù olifant, c'hoari ar binvioù-kerdin a laouena ac'hanout.

Jeremiaz 45:5

Ha te, hag e klaskfes evidout traoù bras? Na glask ket anezho, rak setu ez an da lakaat ar gwalleur da zont war bep kig, eme an AOTROU. Met da vuhez a roin dit evel preizh, en holl lec'hioù ma'z i.

Mazhev 18:1

D’an eur-se an diskibien a dostaas ouzh Jezuz hag a lavaras: Piv eta eo ar brasañ e rouantelezh an neñvoù?

Mazhev 19:28

Jezuz a respontas dezho: Me a lavar deoc’h e gwirionez penaos, c’hwi hag hoc’h eus va heuliet, en eil c’hinivelezh, pa vo Mab an den azezet war dron e c’hloar, e viot ivez azezet war daouzek tron, hag e varnot daouzek meuriad Israel.

Mazhev 20:22

Jezuz a respontas: N’ouzoc’h ket ar pezh a c’houlennit. Ha gallout e c’hellit evañ an hanaf a dlean evañ ha bezañ badezet eus ar vadeziant ma tlean bezañ badezet ganti? Int a lavaras dezhañ: Ni a c’hell.

Mazhev 20:32

Jezuz, o chom a sav, o galvas hag a lavaras: Petra a fell deoc’h e rafen evidoc’h?

Sant Marc 10:51

Jezuz, o kemer ar gomz, a lavaras dezhañ: Petra a fell dit e rafen evidout? An dall a respontas: Mestr, ma’c’h adkavin ar gweled.

Sant Marc 16:19

An Aotrou, goude bezañ komzet outo, a voe savet en neñv hag ec’h azezas en tu dehou da Zoue.

Sant Marc 6:22

Merc’h Herodiaz, o vezañ deuet, a zañsas, hag a blijas da Herodez ha d’ar re a oa azezet gantañ. Ar roue a lavaras d’ar plac’h yaouank: Goulenn diganin ar pezh a gari hag en roin dit.

Sant Lucas 18:41

Petra a fell dit e rafen evidout? Eñ a respontas: Aotrou, ma’c’h adkavin ar gweled.

Sant Lucas 19:11

Selaou a rejont ar c’homzoù-se. Eñ a gendalc’has hag a lavaras ur barabolenn, abalamour ma oa tost ouzh Jeruzalem, ha ma kredent ez ae rouantelezh Doue d’en em ziskouez prest.

Sant Lucas 22:24

Sevel a reas ivez un tabut etrezo, evit gouzout pehini anezho a dlee bezañ galvet ar brasañ.

Sant Ian 15:7

Mar chomit ennon ha mar chom va gerioù ennoc’h, e c’houlennot ar pezh a fello deoc’h ha kement-se a vo roet deoc’h.

Actou an Ebestel 1:6

O vezañ eta en em zastumet, e c’houlennjont digantañ: Aotrou, hag en amzer-se eo ec’h adsavi rouantelezh Israel?

Romaned 12:10

E-keñver ar garantez a vreur, bezit leun a deneridigezh an eil evit egile. En em ziaraogit oc’h en em enoriñ an eil egile.

Romaned 8:34

Piv a gondaono anezho? Krist a zo marv, hag ivez adsavet a varv, emañ zoken a-zehou da Zoue, hag ouzhpenn ec’h erbed evidomp.

Koloseiz 3:1

Mar d-oc’h eta adsavet da vev gant Krist, klaskit traoù an nec’h, e-lec’h ma emañ Krist azezet a-zehou da Zoue.