Biblia Todo Logo
La Biblia Online
- Anuncios -




Mazhev 2:13 - Bibl Koad 21: Ar Bibl e Brezhoneg evit ar Vretoned

13 Goude ma oant aet kuit, setu, ael an Aotrou en em ziskouezas da Jozef dre un huñvre, en ur lavarout: Sav, kemer ar bugel bihan hag e vamm, tec’h en Ejipt, ha chom eno betek e lavarin dit, rak Herodez a glasko ar bugel bihan evit e lakaat d’ar marv.

Ver Capítulo Copiar

Testamant Nevez 1897 (Jenkins)

13 Pa oant eat kuit, eun eal a‐berz an Aotrou en em ziskouezaz da Josef, dre eun huvre, o lavaret: Sav; kemer ar bugel bihan hag he vam, ha tec’h en Ejypt, ha choum eno ken a livirin d’id; rag Herodes a glasko ar bugel evit hen lakaad d’ar maro.

Ver Capítulo Copiar

Aviel revé St. Maheu troeit é Brehonec Guénet 1858

13 Goudé ma oent oueid quit, chetu un Æl aberh en Eutru Doué e zas de gavouet Jojeb épad ma oé cousquet, hag e laras dehou: Sàüet, ha queméret er hroaidur hag é vam, quêrhet d’er vrô a Egypt, ha ne zet quet én drô béet que n’el larein d’oh, rac Herod e glasquou er hroaidur eit el laquat d’er marhue.

Ver Capítulo Copiar




Mazhev 2:13
29 Referencias Cruzadas  

Neuze Hadad a dec'has gant un nebeud Edomiz servijerien e dad, evit en em dennañ en Ejipt. Hadad a oa ur bugel yaouank.


E Gabaon, an AOTROU en em ziskouezas en un huñvre da Salomon e-pad an noz, ha Doue a lavaras dezhañ: Goulenn ar pezh a roin dit.


dre huñvre, dre weledigezh noz, pa gouezh ur c'housk war an dud, e-pad ma kouskont war o gwele.


evit distreiñ an den diouzh e oberoù fall, evit pellaat dioutañ al lorc'h,


Neuze Faraon a roas an urzh-mañ d'e holl bobl: Taolit er stêr an holl vibien a c'hano, met lezit da vevañ an holl verc'hed.


Evel ma soñje e kement-se, setu, ael an Aotrou en em ziskouezas dezhañ dre e gousk, o lavarout: Jozef mab David, na’z pez ket aon da gemer ganit Mari da wreg, rak ar pezh a zo koñsevet enni a zo eus ar Spered-Santel,


Pa viot gwallgaset en ur gêr, tec’hit d’unan all. Lavarout a ran deoc’h e gwirionez, n’ho po ket echuet da vont dre holl gêrioù Israel ma vo deuet Mab an den.


O vezañ bet aliet gant Doue dre un huñvre, ne zistrojont ket da gavout Herodez. Mont a rejont d’o bro dre un hent all.


Eñ, o vezañ savet, a gemeras ar bugel bihan hag e vamm e-pad an noz, hag en em dennas en Ejipt.


Neuze Herodez, o welout o doa ar majed graet goap anezhañ, a voe en ur gounnar vras hag a gasas da lazhañ e Betlehem hag en e vro a-bezh an holl vugale a zaou vloaz ha yaouankoc’h, hervez an amzer en doa goulennet gant preder digant ar majed.


Met, pa glevas e rene Arkelauz e Judea e-lec’h e dad Herodez, en doe aon da vont di. O vezañ bet aliet gant Doue dre un huñvre, en em dennas e kostezioù Galilea.


Lavarout a rejont dezhañ: Korneli, kantener, den reizh hag a zoujañs Doue, a vez roet testeni mat dezhañ gant holl vroad ar Yuzevien, a zo bet kemennet a-berzh Doue gant un ael santel da’z kerc’hat d’e di ha da glevout ar pezh a lavari dezhañ.


Pa voe aet kuit an ael a gomze ouzh Korneli, e c’halvas daou eus e vevelien hag ur soudard a zouje Doue e-touez ar re en em zalc’he en e gichen.


O vezañ distroet ennañ e-unan, Pêr a lavaras: Bremañ ec’h ouzon e gwirionez en deus an Aotrou degaset e ael hag en deus va zennet eus dorn Herodez hag eus kement a c’hortoze ar bobl yuzev.


Ha setu, un ael eus an Aotrou a zeuas hag ur sklêrijenn a lugernas er prizon. An ael a vountas Pêr dre e gostez hag a zihunas anezhañ, o lavarout: Sav buan! Ar chadennoù a gouezhas eus e zaouarn.


Ar bac’her a lavaras da Baol ar c’homzoù-se: Ar pennoù o deus kaset keloù evit ho leuskel, deuit bremañ er-maez hag it e peoc’h.


Met un ael eus an Aotrou a zigoras e-pad an noz dorojoù ar prizon, o lakaas er-maez hag a lavaras:


Hemañ, oc’h implijout troidellerezh a-enep hor gouenn, a waskas kalet hon tadoù betek lakaat anezho da zilezel o bugale evit na vijent ket dalc’het e buhez.


ha kerkent ha m'o devo lakaet sol o zreid an aberzhourien a zoug arc'h emglev an AOTROU , Aotrou an douar holl, e doureier ar Jordan, doureier ar Jordan a vo rannet, an doureier a ziskenn eus krec'h a chomo a-sav en ur bern.


An aberzhourien a zouge arc'h emglev an AOTROU a chomas start, a-sav, war ar sec'h e-kreiz ar Jordan, e-pad ma tremenas holl Israel war ar sec'h, ken n'o doe an holl bobl echuet tremen ar Jordan.


An aberzhourien a zouge an arc'h en em zalc'has e-kreiz ar Jordan, betek ma voe echu ar pezh en doa gourc'hemennet an AOTROU da Jozue lavarout d'ar bobl, hervez kement en doa gourc'hemennet Moizez da Jozue. Hag ar bobl a hastas tremen.


Pa voe pignet eus kreiz ar Jordan an aberzhourien a zouge arc'h emglev an AOTROU , ha ma voe lakaet sol treid an aberzhourien war an douar sec'h, doureier ar Jordan a zistroas d'o lec'h hag a redas evel diagent, dreist ar ribloù.


Divaskell an erer bras a voe roet d’ar wreg evit ma c’hellfe nijal d’al lec’h distro, en he lec’h hec’h-unan ma tle bezañ maget un amzer hag amzerioù hag un hanter-amzer, pell a-zirak an naer.


E lost a stleje an deirvet lodenn eus stered an neñv hag a daolas anezho war an douar. An aerouant a chomas en e sav dirak ar wreg a oa prest da wilioudiñ evit lonkañ he bugel pa vije ganet ganti.


Ar wreg a dec’has el lec’h distro en ul lec’h kempennet dezhi gant Doue, evit bezañ maget eno e-pad mil daou c’hant tri-ugent devezh.


Síguenos en:

Anuncios


Anuncios


¡Síguenos en WhatsApp! Síguenos