Mazhev 19:23 - Bibl Koad 21: Ar Bibl e Brezhoneg evit ar Vretoned

²³ Jezuz a lavaras d’e ziskibien: Me a lavar deoc’h e gwirionez, diaes eo d’un den pinvidik mont e-barzh rouantelezh an neñvoù.

Testamant Nevez 1897 (Jenkins)

²³ Neuze Jesus a lavaraz d’he ziskibien: E gwirionez hen lavaran deoc’h, dies eo da eun den pinvidic antren e rouantelez an envou.

Aviel revé St. Maheu troeit é Brehonec Guénet 1858

²³ Nezé Jesus e laras d’é zisciplèd: E guirioné, el laran d’oh, penaus e ma diæz d’un dén pinhuic monnet ér Ranteleah en Nean.

Mazhev 19:23 Referencias Cruzadas

Krennlavarioù 11:28

An hini a fizi er pinvidigezhioù a gouezho, met an dud reizh a vleunio evel ur skourr.

Mazhev 13:22

An hini en deus degemeret an had e-touez an drein, eo an hini a glev ar ger, met prederioù ar bed-mañ ha tromplerezh ar pinvidigezhioù a voug ar ger hag e laka difrouezh.

Mazhev 18:3

hag a lavaras: Me a lavar deoc’h e gwirionez, penaos ma ne zistroit ket ha ma ne zeuit ket heñvel ouzh bugale vihan, ne d-eot ket e rouantelezh an neñvoù.

Mazhev 19:22

Goude bezañ klevet ar c’homzoù-se, an den yaouank a yeas gwall drist, rak madoù bras en doa.

Mazhev 21:31

Pehini anezho o-daou en deus graet bolontez e dad? Int a lavaras dezhañ: An hini kentañ. Jezuz a lavaras dezho: Me a lavar deoc’h e gwirionez, penaos ar bublikaned hag ar gisti ho tiaraog e rouantelezh Doue.

Mazhev 5:20

Rak, me a lavar deoc’h, ma ne d-a ket ho reizhder dreist hini ar skribed hag ar farizianed, n’antreot ket e rouantelezh an neñvoù.

Sant Marc 10:23

Neuze Jezuz, o sellout en-dro dezhañ, a lavaras d’e ziskibien: Pegen diaes e vo d’ar re o deus madoù mont e-barzh rouantelezh Doue!

Sant Lucas 18:24

Jezuz, o welout e oa deuet gwall drist, a lavaras: Pegen diaes e vo d’ar re o deus madoù mont e-barzh rouantelezh Doue!

Sant Ian 3:3

Jezuz a respontas dezhañ: E gwirionez, e gwirionez, me a lavar dit, ma ne vez ket ganet un den eus an nec’h, ne c’hell ket gwelout rouantelezh Doue.

Sant Ian 3:5

Jezuz a respontas: E gwirionez, e gwirionez, me a lavar dit, ma ne vez ket un den ganet a zour hag a Spered, ne c’hell ket mont e rouantelezh Doue.

Actou an Ebestel 14:22

o kreñvaat eneoù an diskibien, oc’h aliañ anezho da genderc’hel er feiz hag o reiñ da anavezout dezho ez eo dre galz a boanioù eo ret deomp mont e rouantelezh Doue.

1 Korintiz 1:26

Eveshait, breudeur, penaos en ho touez c’hwi hag a zo bet galvet, n’eus ket kalz a dud fur hervez ar c’hig, na kalz a dud galloudek, na kalz a dud nobl.

S. Jakes 2:6

C’hwi er c’hontrol, a zispriz ar paour! Ha n’eo ket ar re binvidik eo ar re a wask ac’hanoc’h hag a stlej ac’hanoc’h dirak al lezioù-barn?