Mazhev 18:4 - Bibl Koad 21: Ar Bibl e Brezhoneg evit ar Vretoned

⁴ Piv bennak eta en em izelaio evel ar bugel bihan-se a vo ar brasañ e rouantelezh an neñvoù.

Testamant Nevez 1897 (Jenkins)

⁴ Piou‐benag eta en em izelaio he‐unan evel ar bugel bihan‐man, hennes eo ar brassa e rouantelez an envou.

Aviel revé St. Maheu troeit é Brehonec Guénet 1858

⁴ Pihue‐benac e za de vout bihan él er hroaiduricqcé, e vou er brassan é Ranteleah en Nean.

Mazhev 18:4 Referencias Cruzadas

Izaia 57:15

Evel-henn e komz an Uhel-Meurbet, hag a zo o chom er beurbadelezh, hag a zo santel e anv: Emaon o chom en ul lec'h uhel ha santel, hag ivez gant an den glac'haret hag uvel a spered, evit bevaat spered ar re zilorc'h hag evit bevaat kalon ar re c'hlac'haret.

Mazhev 18:1

D’an eur-se an diskibien a dostaas ouzh Jezuz hag a lavaras: Piv eta eo ar brasañ e rouantelezh an neñvoù?

Mazhev 18:3

hag a lavaras: Me a lavar deoc’h e gwirionez, penaos ma ne zistroit ket ha ma ne zeuit ket heñvel ouzh bugale vihan, ne d-eot ket e rouantelezh an neñvoù.

Mazhev 18:5

Ha piv bennak a zegemer em anv ur bugel bihan evel hemañ a zegemer ac’hanon.

Sant Marc 10:43

Ne vo ket evel-se en ho touez. Met piv bennak a fello dezhañ bezañ bras en ho touez, a vo ho servijer,

Sant Marc 9:34

Met int a dave, rak en em dabutet o doa en hent war an hini a vije ar brasañ.

Sant Lucas 14:11

Rak piv bennak en em uhela a vo izelaet, ha piv bennak en em izela a vo uhelaet.

Sant Lucas 9:48

hag a lavaras dezho: Piv bennak a zegemer ar bugel bihan-se em anv a zegemer ac’hanon. Ha piv bennak a zegemer ac’hanon a zegemer an hini en deus va c’haset. Rak an hini ac’hanoc’h holl a zo ar bihanañ, hennezh eo a vo bras.

S. Jakes 4:10

En em izelait dirak an Aotrou hag ec’h uhelaio ac’hanoc’h.

1 Pêr 5:5

En hevelep doare, tud yaouank, sentit ouzh an henaourien. En em wiskit a izelegezh, o plegañ holl an eil d’egile, rak: Doue a harp ouzh ar re ourgouilhus, met reiñ a ra gras d’ar re uvel.