Mazhev 18:12 - Bibl Koad 21: Ar Bibl e Brezhoneg evit ar Vretoned

¹² Petra a soñj deoc’h? Mar en deus un den kant dañvad hag e teufe unan anezho da vezañ dianket, ha ne lez ket an naontek ha pevar-ugent all war ar menezioù evit mont da glask an hini a zo dianket?

Testamant Nevez 1897 (Jenkins)

¹² Petra a zeblant deoc’h? Mar hen deuz eun den kant danvad, ha mar deu unan anezhe da veza dianket, daoust ha na lez ket eno an naontec ha pevar‐ugent all, evit mond er meneziou da glask an hini a zo dianket?

Aviel revé St. Maheu troeit é Brehonec Guénet 1858

¹² Petra e chonget‐hui? Mar en dehé en dén cant davad, hag e tehé unan anehai de vout dianquet, ha ne lausquehé quet en nandêc ha puar uiguênt arall, aveid monnet ér manéieu de glasq en hani e zou dianquet.

Mazhev 18:12 Referencias Cruzadas

1 Rouaned 21:17

Ha komz an AOTROU a voe disklêriet da Elia an Tishbiad o lavarout:

Salmoù 119:176

Dianket on evel un dañvad kollet: klask da servijer, rak ne'm eus ket ankounac'haet da c'hourc'hemennoù.

Izaia 53:6

Bez' e oamp holl dianket evel deñved, pep hini ac'hanomp a heulie e hent e-unan, hag an AOTROU en deus lakaet da vont warnañ hon direizhder deomp-ni holl.

Jeremiaz 50:6

Va fobl a zo bet evel deñved dianket, o mesaerien o deus kollet anezho, hag o deus graet dezho kantren dre ar menezioù. Aet int eus ur menez d'ur c'hrec'h, hag o deus disoñjet o c'hraou.

Ezekiel 34:12

Evel ma klask ar mêsaer e dropell en deiz ma'z emañ e-kreiz e zeñved stlabezet, evel-se e klaskin va deñved, dastum a rin anezho eus an holl lec'hioù ma vint bet strewet en devezh a goumoul hag a deñvalijenn.

Ezekiel 34:16

Klask a rin an hini gollet, degas a rin en-dro an hini zianket, pakañ a rin an hini dorret hec'h ezel, nerzhañ a rin an hini glañv, met e tistrujin ar re lart ha nerzhus. O feuriñ a rin gant skiant.

Ezekiel 34:28

Ne vint ken preizh ar broadoù, loened an douar n'o debrint ken, hag e vint o chom e surentez, hep ma vefe den d'o spontañ.

Ezekiel 34:4

N'hoc'h eus ket nerzhet ar re zinerzh, n'hoc'h eus ket louzaouet an hini glañv, n'hoc'h eus ket paket an hini dorret hec'h ezel, n'hoc'h eus ket kerc'het an hini zianket, n'hoc'h eus ket klasket an hini gollet, met renet hoc'h eus warno gant kaleter ha rustoni.

Ezekiel 34:6

Va deñved a zo bet o kantreal war an holl venezioù ha war an holl grec'hioù, va deñved a zo bet stlabezet war holl c'horre an douar, ha n'eus bet den o klask pe o kerc'hat anezho.

Mazhev 12:11

Eñ a respontas dezho: Pehini ac’hanoc’h, mar en deus un dañvad ha ma kouezh en ur poull un deiz sabad, ne zeu ket d’e dennañ ha d’e sevel?

Mazhev 18:13

Ha mar c’hoarvez dezhañ e gavout, me a lavar deoc’h e gwirionez, bez’ en deus muioc’h a levenez diwar-benn hemañ eget diwar-benn an naontek ha pevar-ugent n’int ket bet dianket.

Mazhev 21:28

Petra a soñjit? Un den en doa daou vab. O vont etrezek an hini kentañ, e lavaras dezhañ: Va mab, kae hiziv da labourat em gwinieg.

Mazhev 22:42

o lavarout: Petra a soñjit eus ar C’hrist? Da biv eo mab? Int a lavaras dezhañ: Da Zavid.

1 Korintiz 10:15

Komz a ran deoc’h evel da dud a skiant. Barnit hoc’h-unan ar pezh a lavaran.

1 Pêr 2:25

Rak bez’ e oac’h evel deñved dianket, met bremañ ez oc’h distroet da vesaer ha diwaller hoc’h eneoù.