Sant Marc 4:6 - Bibl Koad 21: Ar Bibl e Brezhoneg evit ar Vretoned

⁶ met pa zeuas an heol, e voe devet, ha dre ma ne oa ket a wrizienn, e sec’has.

Testamant Nevez 1897 (Jenkins)

⁶ mes pa oe savet an heol, e oe devet, ha dre n’hen doa ket a c’hrizien, e sec’haz;

Sant Marc 4:6 Referencias Cruzadas

Kanenn ar C’hanennoù 1:6

Na roit ket fed mard on du, rak an heol en deus va skaotet. Mibien va mamm a zo en em fuloret em enep, va lakaet o deus da ziwall ar gwini. Met va gwinienn va-unan, ne'm eus ket he diwallet.

Izaia 25:4

rak bet out ur repu evit an hini gwan, ur repu evit ar paour en e estrenvan, ur goudor ouzh an arnev, ur skeud ouzh an tommder, rak c'hwezh ar re spontus a zo evel un arnev o skeiñ gant ur voger.

Jonaz 4:8

Pa savas an heol, Doue a lakaas un avel domm da c'hwezhañ eus ar sav-heol, hag an heol a skoas war benn Jonaz, en doare ma vagane. Hag e c'houlennas ar marv o lavarout: Gwelloc'h eo din ar marv eget ar vuhez.

Mazhev 13:6

met pa zeuas an heol, e voe devet, ha dre ma ne oa ket a wrizienn, e sec’has.

Sant Marc 4:5

Ul lodenn all a gouezhas war ul lec’h meinek e-lec’h ma oa nebeut a zouar, kerkent e savas rak ne oa ket aet don en douar,

Sant Marc 4:7

Ul lodenn all a gouezhas e-touez ar spern, hag ar spern a greskas hag he mougas, ha ne roas ket a frouezh.

Efeziz 3:17

evit ma chomo Krist en ho kalonoù dre ar feiz, hag evel-se, gwriziennet ha diazezet er garantez,

Koloseiz 2:7

gwriziennet ha diazezet ennañ, kreñvaet er feiz evel ma hoc’h eus bet desket, o fonnañ enni gant trugarezioù.

2 Tesalonikiz 2:10

ha gant holl dromplerezh an direizhder e-touez ar re en em goll, abalamour ma n’o deus ket degemeret karantez ar wirionez evit bezañ salvet.

S. Jakes 1:11

Savet eo an heol gant e dommder, sec’het en deus ar c’heotenn, kouezhet eo he bleuñvenn ha kaerder he neuz a zo kollet. Evel-se e weñvo ar pinvidig en e hentoù.

S. Jud 1:12

Sklosennoù int en ho predoù a garantez pa zebront ganeoc’h oc’h en em vagañ o-unan hep dalc’hidigezh ebet. Int a zo koabrennoù hep dour kaset amañ hag ahont gant an avelioù, gwez difrouezh e dilerc’h an diskar-amzer marv div wech ha diwriziennet,

Apocalyps 7:16

n’o devo ken naon, n’o devo ken sec’hed, an heol ne skoio ken warno na tommder ebet,