Sant Marc 16:1 - Bibl Koad 21: Ar Bibl e Brezhoneg evit ar Vretoned

¹ Goude ma voe ar sabad tremenet, Mari a Vagdala, Mari mamm Jakez ha Salome, a brenas louzoù-frondus evit dont d’e valzamañ.

Testamant Nevez 1897 (Jenkins)

¹ Pa oe tremenet ar sabbat, Mari Magdalen, ha Mari, mam Jakes, ha Salome, a brenaz louzou a c’houez‐vad, evit dond da ambaumi anezhan.

Sant Marc 16:1 Referencias Cruzadas

Geneliezh 50:2

Jozef a c'hourc'hemennas d'e servijerien, ar vedisined, balzamañ e dad hag ar vedisined a valzamas Israel.

2 Danevelloù 16:14

hag e voe sebeliet er bez en doa kleuzet evitañ e kêr David. Gourvezet e voe war ur gwele leuniet a louzoù-frondus hag a c'hwezhioù-mat kempennet hervez arz ar frondour, hag e voe devet evitañ un niver bras-meurbet anezho.

Sant Marc 14:3

E-pad ma oa e Betania, ouzh taol, e ti Simon al lovr, ur wreg a zeuas d’e gavout gant ul lestr alabastr leun a c’hwezh-vat a nard pur hag eus ur priz bras, hag, o vezañ torret al lestr, e skuilhas ar c’hwezh-vat war e benn.

Sant Marc 14:8

Graet he deus ar pezh a oa en he galloud, porfumet he deus dre ziaraok va c’horf evit ar beziadur.

Sant Marc 15:40

Bez’ e oa ivez gwragez a selle a-bell. En o-zouez e oa Mari a Vagdala, Mari mamm Jakez ar yaouankañ ha Jozez, ha Salome,

Sant Marc 15:42

Diouzh an abardaez, evel ma oa deiz ar c’hempennadur, da lavarout eo deiz kent ar sabad,

Sant Marc 15:47

Mari a Vagdala ha Mari mamm Jozez a selle pelec’h e lakaed anezhañ.

Sant Marc 16:2

Deiz kentañ ar sizhun, da sav-heol, e teujont mintin mat d’ar bez.

Sant Marc 16:8

Int a yeas kuit buan hag a dec’has diouzh ar bez, rak e oant souezhet ha leuniet a aon. Ne lavarjont netra da zen, rak spontet e oant.

Sant Lucas 23:54

Deiz ar c’hempennadur e oa hag ar sabad a dostae.

Sant Lucas 23:56

O vezañ distroet, ec’h aozjont louzoù-frondus ha c’hwezhioù-mat, hag e tiskuizhjont d’an deiz sabad, hervez al lezenn.

Sant Lucas 24:1

Deiz kentañ ar sizhun, e teujont mintin mat d’ar bez, o tegas ganto al louzoù-frondus o doa fichet. Ur re bennak o heulie.

Sant Ian 19:25

Mamm Jezuz, c’hoar e vamm, Mari gwreg Klopaz, ha Mari a Vagdala, en em zalc’he tost ouzh kroaz Jezuz.

Sant Ian 19:31

Gant aon na chomfe ar c’horfoù war ar groaz e-pad ar sabad, rak kempennadur ar Pask e oa hag ar sabad-se a oa un deiz bras, ar Yuzevien a c’houlennjont digant Pilat ma vije torret o divhar dezho ha ma vijent tennet ac’hane.