Sant Marc 14:1 - Bibl Koad 21: Ar Bibl e Brezhoneg evit ar Vretoned

¹ Gouel ar Pask hag ar bara hep goell a dlee bezañ daou zevezh goude. Ar veleien vras hag ar skribed a glaske an doare da gregiñ ennañ dre droidell ha d’e lakaat d’ar marv.

Testamant Nevez 1897 (Jenkins)

¹ Gouel ar Pask hag ar bara hep goell a dlie di‐gouezoud daou zevez goude; hag ar Scribed a glaske an tu da gemeret Jesus dre finessa ha d’hen lakaad d’ar maro.

Sant Marc 14:1 Referencias Cruzadas

Geneliezh 37:18

O welout anezhañ a-bell, a-raok ma voe erru tost dezho, e kuzuilhjont a-enep dezhañ evit e lazhañ.

Salmoù 52:3

Perak e tennez gloar eus da zrougiezh, den galloudus? Madelezh Doue a bad da virviken.

Salmoù 62:4

Betek pegoulz en em daolot war un den, evit e zistrujañ holl asambles, evel ur voger gosteziet, evel ur c'hleuz brañsellet?

Salmoù 62:9

Pobloù, fiziit ennañ e pep amzer, digorit ho kalonoù dirazañ. Doue eo hor repu.  Ehan

Ermaeziadeg 12:1

An AOTROU a gomzas ouzh Moizez hag Aaron e bro Ejipt o lavarout:

Leviegezh 2:6

He zerriñ a ri a dammoù hag e skuilhi eoul warni; un donezon e vo.

Mazhev 12:14

Ar farizianed, o vezañ aet er-maez, a zalc’has raktal kuzul a-enep dezhañ evit e lakaat da vervel.

Mazhev 6:2

Pa ri eta aluzen, na son ket an drompilh a-raok ac’hanout, evel ma ra ar bilpouzed er sinagogennoù hag er straedoù, evit resev gloar digant an dud. Me a lavar deoc’h e gwirionez, o deus o gopr.

Sant Marc 14:12

Ar c’hentañ deiz eus ar bara hep goell, pa aberzhed ar Pask, e ziskibien a lavaras dezhañ: Pelec’h e c’hoantaez ez afemp da gempenn dit ar pezh a zo ret evit debriñ ar Pask?

Sant Marc 14:2

Met e lavarent: Arabat e vefe e-pad ar gouel, gant aon na savfe un drubuilh bennak e-touez ar bobl.

Sant Ian 11:47

Neuze ar veleien vras hag ar farizianed a zastumas ar sanedrin hag a lavaras: Petra a raimp? Rak an den-se a ra kalz a virakloù.

Sant Ian 13:1

A-raok gouel ar Pask, Jezuz, oc’h anavezout e oa deuet e eur evit tremen eus ar bed-mañ d’an Tad, goude bezañ karet e re a oa er bed, o c’haras betek an diwezh.

Actou an Ebestel 12:4

O vezañ kroget ennañ ha taolet anezhañ er prizon, en roas da ziwall da beder skouadenn a bevar soudard pep hini, o fellout dezhañ e gas dirak ar bobl goude ar Pask.