Sant Marc 10:5 - Bibl Koad 21: Ar Bibl e Brezhoneg evit ar Vretoned

⁵ Neuze Jezuz a respontas dezho: Skrivet en deus deoc’h al lezenn-se abalamour da galeter ho kalon.

Testamant Nevez 1897 (Jenkins)

⁵ Ha Jesus, o respont, a lavaraz dezhe: Abalamour d’ar galeder euz ho calonou eo hen deuz Moises scrivet deoc’h ar gourc’hemen‐ze.

Sant Marc 10:5 Referencias Cruzadas

Nehemia 9:26

Met e voent disentus hag en em savjont a-enep dit, hag e taoljont da lezenn a-dreñv o c'hein. Lazhañ a rejont da brofeded a zouge anezho da zistreiñ ouzhit, hag e rejont dismegañsoù bras dit.

Mazhev 19:8

Jezuz a respontas dezho: Abalamour da galeter ho kalon eo en deus Moizez roet galloud deoc’h da gas kuit ho kwragez, met er penn-kentañ ne oa ket evel-se.

Actou an Ebestel 7:51

Tud a c’houzoug reut, diamdroc’h a galon hag a zivskouarn, stourm a rit bepred ouzh ar Spered-Santel. C’hwi a zo heñvel ouzh ho tadoù.

Adlezenn 24:1

P'en devo kemeret un den ur wreg ha dimezet dezhi, ma ne gav ken houmañ trugarez dirak e zaoulagad, dre m'en devo kavet enni un dra bennak mezhus, e lakaio dezhi en he dorn ur skrid a dorr-dimeziñ, hag he c'haso kuit eus e di.

Adlezenn 31:27

rak anavezout a ran da zisentidigezh ha da c'houzoug reut. Setu, e-pad ma'z on c'hoazh hiziv bev ganeoc'h, ez oc'h disentus ouzh an AOTROU, pegement mui ne viot ket goude va marv!

Adlezenn 9:6

Gouez eta penaos n'eo ket en abeg da'z reizhder e ro dit an AOTROU da Zoue ar vro vat-se evit he ferc'hennañ, dre ma'z out ur bobl a c'houzoug reut.