Sant Lucas 24:46 - Bibl Koad 21: Ar Bibl e Brezhoneg evit ar Vretoned

⁴⁶ hag e lavaras dezho: Evel-se eo skrivet, hag evel-se e oa ret d’ar C’hrist gouzañv ha sevel a-douez ar re varv d’an trede deiz.

Testamant Nevez 1897 (Jenkins)

⁴⁶ Hag e lavaraz dezhe: Evel‐se eo scrivet, hag evel‐se ive e oa red d’ar C’hrist souffr, ha resussita an trede deiz a‐douez ar re varo,

Sant Lucas 24:46 Referencias Cruzadas

Izaia 50:6

Kinniget em eus va c'hein d'ar re a skoe ganin, ha va divjod d'ar re a denne va barv, ne'm eus ket harzet va dremm ouzh an dismegañsoù hag ar c'hrañchadoù.

Mazhev 26:24

Mab an den evit gwir a ya hervez ar pezh a zo skrivet anezhañ, met gwalleur d’an den ma’z eo droukroet gantañ! Gwelloc’h e vije d’an den-se na vije biken bet ganet.

Sant Lucas 24:44

Hag e lavaras dezho: Setu ar pezh am eus lavaret deoc’h pa oan c’hoazh ganeoc’h: ret eo ma vefe peurc’hraet kement a zo skrivet diwar va fenn e lezenn Moizez, er brofeded hag er Salmoù.

Sant Lucas 24:7

o lavarout: Ret eo da Vab an den bezañ lakaet etre daouarn ar bec’herien, ha bezañ kroazstaget, hag adsevel a varv d’an trede deiz.

Sant Ian 20:9

Rak n’o doa ket c’hoazh komprenet ar Skritur a lavare e tlee adsevel a varv.

Actou an Ebestel 17:3

o tisplegañ hag o tiskenn penaos e oa ret d’ar C’hrist gouzañv hag adsevel a-douez ar re varv, hag o lavarout: Ar C’hrist-se eo Jezuz a brezegan deoc’h.

Actou an Ebestel 4:12

N’eus silvidigezh en hini all ebet, rak n’eus dindan an neñv anv all ebet a vefe bet roet e-touez an dud, a dlefemp bezañ salvet drezañ.

1 Pêr 1:3

Ra vo benniget Doue ha Tad hon Aotrou Jezuz-Krist, en deus hon eil-c’hanet hervez e drugarez vras evit un esperañs bev dre adsavidigezh Jezuz-Krist a-douez ar re varv,