Sant Lucas 21:26 - Bibl Koad 21: Ar Bibl e Brezhoneg evit ar Vretoned

²⁶ An dud a fallao gant ar spont, o c’hortoz an traoù a dle c’hoarvezout er bed, rak galloudoù an neñvoù a vo hejet.

Testamant Nevez 1897 (Jenkins)

²⁶ An dud a vezo evel prest da renta ho ene gant ar spount, o c’hortoz an traou a dle c’hoarvezout var an douar; rag puissansou an envou a vezo brallet.

Sant Lucas 21:26 Referencias Cruzadas

Izaia 5:30

En deiz-se e krozont en o enep evel ma kroz ar mor, hag en ur sellout ouzh an douar, e vo teñvalijenn hag anken, hag ar sklêrijenn a vo teñvalaet gant koumoul.

Leviegezh 26:36

Ar re ac’hanoc’h a chomo bev, e tiekain o c’halonoù e broioù o enebourien; trouz un delienn hejet o argaso, tec’hout a raint evel ma tec’her dirak ar c’hleze hag e kouezhint hep den o redek war o lerc’h;

Mazhev 24:29

Raktal goude glac’har an deizioù-se, an heol a vo teñvalaet, al loar ne roio ket he sklêrijenn, ar stered a gouezho eus an oabl, ha galloudoù an neñv a vo brañsellet.

Sant Marc 13:25

ar stered a gouezho eus an oabl, hag ar galloudoù a zo en neñv a vo brañsellet.

Sant Lucas 21:25

Bez’ e vo sinoù en heol, el loar hag er stered. Ha war an douar, ar vroadoù a vo en nec’hamant, ha ne ouezint petra d’ober e-keñver ar mor hag e donnoù oc’h ober un trouz bras.

Sant Lucas 21:27

Neuze e vo gwelet Mab an den o tont war ur goabrenn gant galloud ha gant ur gloar bras.