Sant Lucas 18:14 - Bibl Koad 21: Ar Bibl e Brezhoneg evit ar Vretoned

¹⁴ Me a lavar deoc’h, hemañ a zistroas reishaet d’e di kentoc’h eget egile. Rak piv bennak en em uhela a vo izelaet, hag an hini en em izela a vo uhelaet.

Testamant Nevez 1897 (Jenkins)

¹⁴ Hen lavaret a ran deoc’h, he‐man a ziskennaz d’he di justifiet kentoc’h eged egile; rag kement hini en em huella a vezo izelleet; ha kement hini en em izella, a vezo huelleet.

Sant Lucas 18:14 Referencias Cruzadas

Levr Job 22:29

Pa vo izelaet unan bennak ha pa lavari: Ra vo savet! Saveteiñ a raio an hini en devo e zaoulagad izelaet.

Levr Job 25:4

Penaos e vefe reizh an den dirak Doue? Penaos e vefe glan an hini a zo bet ganet eus ur vaouez?

Levr Job 9:20

Ma en em reishaan, va genoù am c'hondaono; ma en em soñjan didamall, em disklêrio kablus.

Salmoù 138:6

An AOTROU a zo savet uhel, hag e wel an hini a zo izel, hag ec'h anavez a bell an hini en em sav.

Salmoù 143:2

Ned a ket da varn da servijer, rak den bev ebet ne vo reizh dirazout.

Ermaeziadeg 18:11

Bremañ ec'h anavezan ez eo an AOTROU brasoc'h eget an holl zoueoù, rak pa'z int bet en em savet gant balc'hder, en deus trec'het warno.

Krennlavarioù 15:33

Doujañs an AOTROU a gelenn ar furnez, hag a-raok ar c'hloar emañ an izelegezh.

Krennlavarioù 18:12

A-raok an distruj, kalon an den en em sav, met an izelegezh a ziaraog ar c'hloar.

Krennlavarioù 25:7

rak gwelloc'h eo e vefe lavaret dit: Pign amañ, eget bezañ izelaet dirak ar priñs en deus da zaoulagad gwelet.

Krennlavarioù 29:23

Lorc'h an den a izela anezhañ, met an hini a zo izel a spered en devo gloar.

Krennlavarioù 3:34

Ober a ra goap ouzh ar c'hoapaerien, met reiñ a ra gras d'ar re uvel.

Ar Prezeger 9:7

Kae, debr gant levenez da vara, hag ev laouen da win, rak Doue en deus dija kavet mat da oberoù.

Izaia 45:25

Gant an AOTROU e vo reishaet holl lignez Israel, hag e kavint gloar ennañ.

Izaia 53:11

Gwelout a raio frouezh trevell e ene, hag e vo gwalc'het anezhañ. Va servijer reizh a reishaio kalz a dud dre an anaoudegezh o devo anezhañ, hag eñ e-unan a zougo o direizhder.

Izaia 57:15

Evel-henn e komz an Uhel-Meurbet, hag a zo o chom er beurbadelezh, hag a zo santel e anv: Emaon o chom en ul lec'h uhel ha santel, hag ivez gant an den glac'haret hag uvel a spered, evit bevaat spered ar re zilorc'h hag evit bevaat kalon ar re c'hlac'haret.

Izaia 66:2

Rak an holl draoù-se, va dorn en deus graet anezho, hag an holl draoù-se a chom drezañ, eme an AOTROU. Met setu an hini a sellin outañ, an hini a zo glac'haret, an hini a zo dinerzh e spered, an hini a gren da'm c'homz.

Daniel 4:37

Bremañ eta, me Nebukadnezar a veul, a uhela hag a ro gloar da Roue an neñvoù, a zo reizh e holl oberennoù hag eeun e hentoù. Eñ a c'hell izelaat ar re a gerzh gant lorc'h.

Habakuk 2:4

Setu, ene an hini en em uhela n'eo ket eeun ennañ, met an den reizh a vevo dre ar feiz.

Mazhev 23:12

Piv bennak en em uhela a vo izelaet, ha piv bennak en em izela a vo uhelaet.

Mazhev 5:3

Eürus ar re baour e spered, rak rouantelezh an neñvoù a zo dezho!

Sant Lucas 1:52

Didronet en deus ar re c’halloudek ha savet en deus ar re vihan.

Sant Lucas 10:29

Met hemañ, o fellout diskouez e oa reizh, a lavaras da Jezuz: Ha piv eo va nesañ?

Sant Lucas 14:11

Rak piv bennak en em uhela a vo izelaet, ha piv bennak en em izela a vo uhelaet.

Sant Lucas 16:15

Hag e lavaras dezho: Evidoc’h-c’hwi, a fell deoc’h tremen evit reizh dirak an dud, met Doue a anavez ho kalonoù. Rak ar pezh a zo uhel dirak an dud a zo fall bras dirak Doue.

Romaned 3:20

Rak kig ebet ne vo reishaet dirazañ dre oberoù al lezenn, rak dre al lezenn eo e teu anaoudegezh ar pec’hed.

Romaned 4:5

ha d’an hini na labour ket met a gred en hini a reisha an den dizoue, e feiz a zo kontet dezhañ da reizhder.

Romaned 5:1

O vezañ eta reishaet dre ar feiz, hon eus ar peoc’h gant Doue dre hon Aotrou Jezuz-Krist,

Romaned 8:33

Piv a savo evit tamall ar re zibabet gant Doue? Doue eo an hini a reisha.

Galated 2:16

oc’h anavezout n’eo ket reishaet an den dre oberoù al lezenn met dre ar feiz eus Jezuz-Krist, hon eus hon-unan kredet e Jezuz-Krist, evit bezañ reishaet dre ar feiz e Krist ha nann dre oberoù al lezenn, rak kig ebet ne vo reishaet dre oberoù al lezenn.

S. Jakes 4:10

En em izelait dirak an Aotrou hag ec’h uhelaio ac’hanoc’h.

S. Jakes 4:6

Er c’hontrol e ro ur c’hras vrasoc’h. Dre-se, ar Skritur a lavar: Doue a harp ouzh ar re ourgouilhus, met reiñ a ra gras d’ar re uvel.

1 Samuel 1:18

Hag hi a lavaras: Ra gavo da servijerez trugarez dirak da zaoulagad. Hag ar vaouez a yeas gant hec'h hent, hag e tebras, hag he dremm ne voe ken evel diagent.