Sant Lucas 12:31 - Bibl Koad 21: Ar Bibl e Brezhoneg evit ar Vretoned

³¹ Klaskit kentoc’h rouantelezh Doue, hag an holl draoù-se a vo roet deoc’h ouzhpenn.

Testamant Nevez 1897 (Jenkins)

³¹ klaskit kentoc’h rouantelez Doue, ha kement‐se holl a vezo roet deoc’h ouz‐pen.

Sant Lucas 12:31 Referencias Cruzadas

Salmoù 34:9

Tañvait ha gwelit pegen mat eo an AOTROU! Eürus an den a ya etrezek ennañ.

Salmoù 37:19

Ne vint ket mezhek da vare ar gwalleur, hag o gwalc'h o devo da zeizioù an naonegezh.

Salmoù 37:25

Yaouank on bet hag on deuet da vezañ kozh, ha ne'm eus ket gwelet an den reizh dilezet, nag e lignez o klask e vara.

Salmoù 37:3

Fiz en AOTROU, gra ar mad, bez o chom war an douar, debr ar wirionez evel boued.

Salmoù 84:11

Rak un devezh ez leurioù a zo gwelloc'h eget mil e lec'h all. Gwelloc'h eo din en em zerc'hel war dreuzoù ti va Doue, eget bezañ o chom e teltennoù ar re zrouk,

Izaia 33:16

hennezh a vo o chom el lec'hioù uhel, kreñvlec’hioù ar reier a vo e repu, bara a vo roet dezhañ, doureier ne vankint ket dezhañ.

Mazhev 6:33

Met klaskit da gentañ rouantelezh Doue hag e reizhder, hag an holl draoù-se a vo roet deoc’h ouzhpenn.

Sant Lucas 10:42

Met un dra hepken a zo ret. Mari he deus dibabet al lodenn wellañ, ha ne vo ket lamet diganti.

Sant Lucas 12:30

Rak tud ar bed eo a glask an draoù-se. Ho Tad a oar hoc’h eus ezhomm anezho.

Sant Ian 6:27

Na labourit ket evit ar boued a ya da goll, met evit an hini a chom betek ar vuhez peurbadus hag a vo roet deoc’h gant Mab an den. Rak Doue an Tad en deus e verket gant e siell.

Romaned 8:31

Petra a lavarimp eta diwar-benn an traoù-se? Mar d-eo Doue evidomp, piv a vo a-enep deomp?

1 Timote 4:8

rak embreg ar c’horf a zo mat da nebeut a dra, met doujañs-Doue a zo talvoudek d’an holl draoù, o kaout ar bromesa eus ar vuhez a-vremañ hag eus an hini da zont.

Hebreed 13:5

Ra vo ho kundu hep pizhoni, bezit laouen gant ar pezh hoc’h eus rak eñ e-unan en deus lavaret: A-dra-sur ne lezin ket ac’hanout ha ne guitain ket ac’hanout.