Sant Lucas 12:20 - Bibl Koad 21: Ar Bibl e Brezhoneg evit ar Vretoned

²⁰ Met Doue a lavaras dezhañ: Den diskiant! En noz-mañ memes, da ene a vo goulennet diganit. Ar pezh ac’h eus dastumet, da biv e vo?

Testamant Nevez 1897 (Jenkins)

²⁰ Mes Doue a lavaraz dezhan: Den diskiant, en noz‐man memeus, e vezo goulennet da ene diganez; hag an traou ec’h euz dastumet, da biou e vezint?

Sant Lucas 12:20 Referencias Cruzadas

Ester 5:11

Neuze Haman a gomzas dezho diwar-benn gloar e binvidigezhioù, niver e vibien, kement en doa graet ar roue evit e uhelaat, ha penaos en doa e savet dreist priñsed ha servijerien ar roue.

Levr Job 27:8

Peseurt esperañs eo hini an den dizoue, pa troc'ho Doue, pa lamo Doue e ene digantañ?

Salmoù 39:6

Setu ec'h eus lakaet va deizioù e muzul ar palvad, ha va oadvezh a zo dirazout evel un netra. Ya, pep den en e sav war an douar n'eo nemet c'hwez!  Ehan

Salmoù 49:10

evit ma kendalc'hint de vevañ da virviken, ha ma ne welint ket ar poull.

Salmoù 73:19

Setu, distrujet int a-daol-trumm, lamet ha kuzumet dre un termen buan.

Salmoù 78:30

N'o doa ket kollet ar c'hoant anezho. Ar meuzioù a oa c'hoazh en o genoù,

Krennlavarioù 10:2

Teñzorioù ar fallagriezh ne dalvezont netra, met ar reizhder a zieub eus ar marv.

Krennlavarioù 11:4

Ar madoù ne servijint da netra da zeiz ar gounnar, met ar reizhder a zieubo eus ar marv.

Krennlavarioù 13:7

Unan en em ra pinvidik ha n'en deus netra, unan all en em ra paour ha koulskoude madoù bras en deus.

Krennlavarioù 27:1

N'en em veul ket evit deiz warc'hoazh, rak n'ouzout ket petra a c'hell un devezh genel.

Krennlavarioù 28:8

An hini a gresk e vadoù dre gampi ha dre uzurerezh, a zastum evit an hini en devo truez ouzh ar beorien.

Izaia 56:12

hag e lavaront: Deuit, mont a ran da gerc'hat gwin, en em vezvomp gant evajoù kreñv, hag e vo warc'hoazh evel hiziv ha kalz muioc'h c'hoazh.

Jeremiaz 17:11

An hini a akuizit pinvidigezhioù hep reizhder a zo evel ur glujar a c'hor ar pezh n'he deus ket dozvet, lezel a raio anezho e-kreiz e zeizioù, ha d'an diwezh e vo kavet diskiant.

Amoz 6:13

Laouenaat a rit er pezh n'eo netra, hag e lavarit: Ha n'eo ket dre hon nerzh hon eus kemeret galloud?

Nahum 1:10

Rak, pa vefent kenweet evel spern, ha mezv en o gwin, peurlonket e vint evel plouz sec'h.

Sant Lucas 11:40

Tud diskiant! An hini en deus graet an diavaez, ha n’en deus ket graet ivez an diabarzh?

1 Tesalonikiz 5:3

Rak pa lavarint: Peoc’h ha surentez! neuze un distruj buan a zeuio warno, evel ma c’hoarvez ar gwentloù gant ur wreg a zo brazez, ha ne dec’hint ket.

1 Timote 6:17

Kemenn da re binvidik ar c’hantved-mañ ma chomint hep bezañ ourgouilhus hag hep lakaat o esperañs en argred ar pinvidigezhioù, met en Doue bev a ro deomp an holl draoù gant fonnusted evit ma laouenafemp ganto,

1 Timote 6:7

rak n’hon eus degaset netra er bed hag eo sklaer na c’hellimp kas netra anezhañ.

S. Jakes 4:14

N’ouzoc’h ket petra a vo warc’hoazh. Rak petra eo ho puhez? N’eo nemet ur vogedenn en em ziskouez evit un nebeud amzer hag a dec’h goude.