Leviegezh 9:9 - Bibl Koad 21: Ar Bibl e Brezhoneg evit ar Vretoned

⁹ Mibien Aaron a zegasas dezhañ ar gwad, hag e soubas e viz er gwad, e lakaas dioutañ war gerniel an aoter hag e skuilhas ar gwad ouzh troad an aoter.

Leviegezh 9:9 Referencias Cruzadas

Ezekiel 43:15

Krec'h an oaled en deus pevar ilinad, ha diouzh an oaled e sav pevar c'horn.

Ezekiel 43:20

Hag e kemeri eus e wad, a lakai war he fevar c'horn, war bevar c'hogn ar framm ha war ar rizenn tro-dro. Evel-se e c'hlanai anezhi hag e ri an dic'haou eviti.

Leviegezh 16:18

Mont a raio d’an aoter a zo dirak an AOTROU hag e raio an dic’haou evitañ; kemer a raio eus gwad ar c’hole hag eus gwad ar bouc’h, hag en lakaio war gerniel an aoter hag en-dro dezhi.

Leviegezh 4:25

An aberzhour a gemero gant e viz eus gwad an aberzh-dic’haouiñ, en lakaio war gerniel aoter al loskaberzhoù, hag e skuilho ar gwad ouzh troad aoter al loskaberzhoù.

Leviegezh 4:30

An aberzhour a gemero gant e viz eus ar gwad, en lakaio war gerniel aoter al loskaberzhoù, hag e skuilho ar gwad ouzh troad an aoter.

Leviegezh 8:15

Moizez en lazhas, a gemeras ar gwad, en lakaas gant e viz war gerniel an aoter hag en-dro dezhi, a c’hlanas an aoter, a skuilhas ar gwad ouzh troad an aoter, hag a santelaas anezhi evit ober dic’haou warni.

Leviegezh 9:10

Hag e lakaas da vogediñ war an aoter al lard, al lounezhi hag ar flipezenn a zo war an avu eus an aberzh-dic’haouiñ, evel m’en doa gourc’hemennet an AOTROU da Voizez.

Leviegezh 9:12

Lazhañ a reas al loskaberzh. Mibien Aaron a zegasas dezhañ ar gwad, a skuilhas war an aoter hag en-dro dezhi.

Leviegezh 9:18

Lazhañ a reas kole ha tourz an aberzh a drugarekadennoù evit ar bobl. Mibien Aaron a zegasas dezhañ ar gwad, a skuilhas war an aoter hag en-dro dezhi.

Hebreed 2:10

A-dra-sur, e oa dereat penaos an hini emañ an holl draoù evitañ ha drezañ, o fellout dezhañ degas d’ar gloar meur a vibien, a lakaje da vezañ peurvat dre boanioù Priñs o silvidigezh.