Leviegezh 9:24 - Bibl Koad 21: Ar Bibl e Brezhoneg evit ar Vretoned

²⁴ An tan a zeuas er-maez a-zirak an AOTROU, hag a guzumas war an aoter al loskaberzh hag al lard. An holl bobl henn gwelas hag en ur leuskel kriadennoù a levenez e em daoljont war o dremmoù.

Leviegezh 9:24 Referencias Cruzadas

Geneliezh 15:17

Pa voe kuzhet an heol, e voe un deñvalijenn vras. Ha setu, e voe ur fornez mogedus, hag ur flamm-tan a dremenas etre ar c'harterioù lodennet.

Geneliezh 17:3

Abram a gouezhas war e zremm ha Doue a gomzas outañ, o lavarout:

2 Rouned 19:15

Hag Ezekiaz a bedas an AOTROU o lavarout: AOTROU Doue Israel, te hag a zo o chom etre ar cherubined! Te hepken, te eo Doue holl rouantelezhioù an douar, te ac'h eus graet an neñvoù hag an douar!

1 Danevelloù 21:26

Ha David a savas eno un aoter d'an AOTROU , hag e kinnigas loskaberzhoù hag aberzhoù a drugarekadennoù, hag e c'halvas an AOTROU , a respontas dezhañ dre an tan a ziskennas eus an neñv war aoter al loskaberzh.

2 Danevelloù 6:2

Ha me am eus savet un ti evit da lojeiz, un annezlec'h evit ma vi o chom ennañ da viken!

Ezdra 3:11

Hag e raent ur c'han-ha-diskan, o veuliñ hag o trugarekaat an AOTROU evel-henn: Rak mat eo, rak e drugarez a bad da viken evit Israel! Hag an holl bobl a laoske kriadennoù bras a levenez, o veuliñ an AOTROU dre ma veze diazezet ti an AOTROU.

Salmoù 80:1

D'ar mestr-kaner; salm Azaf; war "Shoshanim-Edud".

Ermaeziadeg 3:2

Ael an AOTROU en em ziskouezas dezhañ en ur flamm tan, e-kreiz ur vodenn. Sellout a reas ha, setu, edo ar vodenn o teviñ en tan, met ar vodenn ne veze ket kuzumet.

Leviegezh 10:2

Un tan a zeuas er-maez a-zirak an AOTROU hag a guzumas anezho, hag e varvjont dirak an AOTROU.

Leviegezh 6:13

An tan war an aoter a vo dalc’het enaouet dibaouez, ne varvo ket.

Niveroù 14:5

Moizez hag Aaron a gouezhas war o dremm dirak holl vodadenn mibien Israel.

Niveroù 16:22

Neuze e kouezhjont war o dremmoù hag e lavarjont: O Doue, Doue speredoù pep kig! Un den hepken en deus pec'het, hag e fulorfes a-enep an holl vodadenn?

Niveroù 23:21

N'en deus ket merzet direizhder e Jakob, n'en deus ket gwelet drougiezh en Israel. An AOTROU e Zoue a zo gantañ, hag e vez klevet eno youc'h ur roue.

Mazhev 26:39

O vont un tamm a-raokoc’h, en em daolas war e c’henoù d’an douar hag e pedas o lavarout: Va Zad, ma pellaio an hanaf-se diouzhin mar gell-se bezañ! Koulskoude, n’eo ket evel ma fell din, met evel ma fell dit.

Apocalyps 4:9

Pa roe ar bevien gloar hag enor ha gras d’an hini a oa azezet war an tron, d’an hini a vev e kantvedoù ar c’hantvedoù,

Apocalyps 5:8

P’en doe kemeret al levr, ar pevar bev hag ar pevar henaour warn-ugent a zaoulinas dirak an Oan, o kaout pep hini anezho telennoù hag hanafoù aour leun a c’hwezhioù-mat, a zo pedennoù ar sent.

Apocalyps 7:11

An holl aeled en em zalc’he en-dro d’an tron, d’an henaourien ha d’ar pevar bev, hag en em stoujont war o dremm dirak an tron hag ec’h azeuljont Doue

Ar Varnerien 13:23

E wreg a lavaras dezhañ: Ma vije fellet d'an AOTROU hol lakaat da vervel, n'en dije ket degemeret eus hon dorn al loskaberzh hag an donezon, ha n'en dije ket graet deomp gwelout an holl draoù-se, na klevout anezho, en amzer ma'z omp enni.

Ar Varnerien 6:21

Ael an AOTROU a astennas beg ar vazh a oa en e zorn, hag a stokas ouzh ar c'hig hag ar gwestell hep goell. An tan a bignas eus ar roc'h hag a zevas ar c'hig hag ar gwestell hep goell. Hag ael an AOTROU a yeas kuit a-zirak e zaoulagad.