Leviegezh 5:7 - Bibl Koad 21: Ar Bibl e Brezhoneg evit ar Vretoned

⁷ Ma ne c’hell ket pourchas un oan pe ur c’havr, e kinnigo d’an AOTROU evel aberzh a gablusted evit ar pezh en devo graet div durzhunell pe div goulm yaouank, unan evel aberzh-dic’haouiñ hag eben evel loskaberzh.

Leviegezh 5:7 Referencias Cruzadas

Leviegezh 12:6

Pa vo peurdremenet deizioù he glanidigezh, evit ur mab pe evit ur verc’h, e tegaso un oan eus ur bloaz evit al loskaberzh hag ur goulm yaouank pe un durzhunell evit an aberzh-dic’haouiñ, ouzh digor teltenn an engalv.

Leviegezh 12:8

Ma n’he deus ket aez da zegas un oan, e kemero div durzhunell pe div goulm yaouank, unan evit al loskaberzh hag eben evit an aberzh-dic’haouiñ. A aberzhour a raio an dic’haou eviti hag e vo glanaet.

Leviegezh 14:30

Neuze e kinnigo unan an div durzhunell pe unan an div goulm yaouank, hervez ar pezh a c’hello kaout,

Leviegezh 14:31

unan evel aberzh-dic’haouiñ hag eben evel loskaberzh, gant an donezon, hag an aberzhour a raio an dic’haou dirak an AOTROU evit an hini da c’hlanaat.

Leviegezh 15:30

An aberzhour a ginnigo unan evel aberzh-dic’haouiñ hag eben evel loskaberzh. Evel-se e raio an aberzhour an dic’haou eviti dirak an AOTROU, abalamour d’he berad a lakae anezhi dic’hlan.

Leviegezh 16:5

Daou vouc’h a zegemero digant bodadenn mibien Israel evit an aberzh-dic’haouiñ hag un tourz evit al loskaberzh.

Leviegezh 27:8

Mar d-eo re baour an hini en devo graet ar gouestl evit paeañ da brizadur, e vo degaset dirak an aberzhour, hag eñ a brizo anezhañ; an aberzhour a raio ar priz hervez aez an hini en devo graet ar gouestl.

Leviegezh 5:11

Ma ne c’hell ket pourchas div durzhunell pe div goulm yaouank, an hini en deus pec’het a ginnigo evit e brof un dekvedenn efa (1/10 efa   3 l) flour bleud evel aberzh-dic’haouiñ; ne skuilho ket eoul warnañ ha ne lakaio ket ezañs warnañ, rak un aberzh-dic’haouiñ e vo.

Leviegezh 7:1

Setu lezenn an aberzh a gablusted. Un dra santel-meurbet eo.

Leviegezh 9:3

Komz a ri da vibien Israel hag e lavari: Kemerit ur bouc’h evit un aberzh-dic’haouiñ, ul leue hag un oan eus ur bloaz, disi, evit ul loskaberzh,

Niveroù 5:6

Komz da vibien Israel: Pa o devo graet ur gwaz pe ur wreg ur pec'hed bennak evel ar re a reer e-keñver an dud, o tismegañsiñ an AOTROU, ha ma vo evel-se en em lakaet kablus,

Niveroù 6:10

D'an eizhvet deiz e tegaso div durzhunell pe div goulm yaouank d'an aberzhour ouzh digor teltenn an engalv.

Niveroù 6:11

An aberzhour a ginnigo unan evel aberzh-dic'haouiñ hag eben evel loskaberzh, hag e raio dic'haou evitañ eus ar pec'hed en deus graet diwar-benn an hini marv. Santelaat a raio e benn en deiz-se,

Mazhev 10:16

Setu, e kasan ac’hanoc’h evel deñved e-touez ar bleizi, bezit eta evezhiek evel naered ha eeun evel koulmed.

Mazhev 21:12

Jezuz, o vezañ aet e templ Doue, a gasas kuit an holl re a werzhe hag a brene en templ. Hag e tiskaras taolioù an drokerien-arc’hant ha kadorioù ar varc’hadourien goulmed.

Mazhev 3:16

Goude ma oa bet badezet, Jezuz a savas raktal eus an dour. Ha setu, an neñvoù a oa digoret a-us dezhañ, hag e welas Spered Doue, e doare ur goulm, o tiskenn warnañ.

Sant Lucas 2:24

hag evit kinnig en aberzh, hervez ar pezh a zo skrivet e lezenn an Aotrou, ur re durzhunelled pe ziv goulmig.

2 Korintiz 8:12

Rak mar d-emañ ar gred ganeoc’h, ez eo plijus hervez ar pezh a zo ha nann hervez ar pezh n’eus ket.