Leviegezh 26:42 - Bibl Koad 21: Ar Bibl e Brezhoneg evit ar Vretoned

⁴² Neuze em bo soñj eus va emglev gant Jakob, eus va emglev gant Izaak, eus va emglev gant Abraham em bo soñj, hag em bo soñj ivez eus ar vro-mañ.

Leviegezh 26:42 Referencias Cruzadas

Geneliezh 15:18

En deiz-se, an AOTROU a reas un emglev gant Abram, o lavarout: Me a ro ar vro-mañ da'z lignez, adalek stêr an Ejipt betek ar stêr vras, ar stêr Eufratez,

Geneliezh 26:2

An AOTROU en em ziskouezas dezhañ hag a lavaras: Na ziskenn ket en Ejipt, chom er vro a lavarin dit.

Geneliezh 26:24

An AOTROU en em ziskouezas dezhañ en noz-se hag a lavaras: Me eo Doue Abraham da dad. Na'z pez ket aon, rak e vin ganit hag e vennigin ac'hanout hag e kreskin da lignez abalamour da Abraham va servijer.

Geneliezh 26:5

dre m'en deus sentet Abraham ouzh va mouezh ha miret ar pezh am boa urzhiet dezhañ, va gourc'hemennoù, va reolennoù ha va lezennoù.

Geneliezh 28:13

Ha setu, an AOTROU en em zalc'he a-us dezhi hag a lavaras: Me eo an AOTROU, Doue Abraham da dad ha Doue Izaak. An douar ma'z out gourvezet warni a roin dit ha da'z lignez.

Geneliezh 28:15

Setu, me a zo ganit hag e tiwallin ac'hanout e kement lec'h ma'z i, hag e tegasin ac'hanout er vro-mañ rak ne zilezin ket ac'hanout ken em bo graet ar pezh am eus lavaret.

Geneliezh 35:11

Doue a lavaras: Me eo an Doue holl-c'halloudek. Bez frouezhus ha kresk; ur vroad ha zoken un engroez a vroadoù a c'hano diouzhit, rouaned a zeuio diouzh da lounezhi.

Geneliezh 35:12

Me a roio dit ar vro am eus roet da Abraham ha da Izaak, hag e roin ar vro-mañ da'z lignez war da lerc'h.

Geneliezh 9:15

em bo soñj eus va emglev a zo etrezon-me ha c'hwi ha kement boud bev a bep kig, hag an doureier ne zeuint ken ul liñvadenn evit distrujañ pep kig.

Geneliezh 9:16

Ar wareg a vo eta er c'hoabrennoù, hag e sellin outañ evit kaout soñj eus an emglev peurbadus etre Doue hag an holl voudoù bev a bep kig a zo war an douar.

Ester 4:14

Mar tavez en amzer-mañ, sikour ha silvidigezh a savo eus ul lec'h all bennak, met te ha ti da dad a yelo da get. Ha piv a oar ha n'eo ket evit un amzer evel houmañ ez out deuet d'ar rouantelezh?

Salmoù 106:45

Soñj en deus bet en o c'heñver eus e emglev, hag en deus bet keuz hervez braster e drugarez.

Salmoù 136:23

An hini en deus bet soñj ac'hanomp pa oamp izelaet, rak e drugarez a bad da viken,

Ermaeziadeg 2:24

Doue a glevas o hirvoudoù, ha Doue en doe soñj eus e emglev gant Abraham, gant Izaak ha gant Jakob.

Ermaeziadeg 6:5

Klevet em eus ivez hirvoudoù mibien Israel dalc'het er sklaverezh gant an Ejipsianed, hag em eus bet soñj eus va emglev.

Izaia 14:1

Rak an AOTROU en devo truez ouzh Jakob, dibab a raio Israel c'hoazh; adlakaat a raio anezho en o douar, an diavaezidi en em unano outo, hag en em stago ouzh ti Jakob.

Ezekiel 16:60

Koulskoude em bo soñj eus an emglev am eus diazezet ganit en deizioù da yaouankiz, hag e tiazezin ganit un emglev peurbadus.

Joel 2:18

An AOTROU a zo gwarizius evit e vro, ha trugarezus e-keñver e bobl.

Sant Lucas 1:72

evit ober trugarez e-keñver hon tadoù ha kaout soñj eus e emglev santel,

Adlezenn 4:31

rak an AOTROU da Zoue a zo un Doue trugarezus, na'z tilezo ket ha na'z tistrujo ket, na n'ankounac’haio ket emglev da dadoù, en deus touet dezho.

Adlezenn 9:27

Az pez soñj eus da servijerien, Abraham, Izaak ha Jakob, na sell ket ouzh kaleter ar bobl-mañ, nag ouzh e zrougiezh, nag ouzh e bec'hed,

Ar Varnerien 2:1

Ael an AOTROU a bignas eus Gilgal da Vokim hag a lavaras: Ho lakaet em eus da bignat er-maez eus an Ejipt, ho tegaset em eus d'ar vro em boa touet d'ho tadoù reiñ deoc'h, hag em eus lavaret: Biken ne dorrin an emglev am eus graet ganeoc'h,