Leviegezh 26:22 - Bibl Koad 21: Ar Bibl e Brezhoneg evit ar Vretoned

²² kas a rin a-enep deoc’h al loened gouez a skrapo ho pugale, a zistrujo ho chatal, a nebeutaio ac’hanoc’h, hag e vo didud ho hentoù.

Leviegezh 26:22 Referencias Cruzadas

2 Rouned 17:25

Pa en em lakajont da chom eno, n'o doa doujañs ebet e-keñver an AOTROU, hag an AOTROU a gasas a-enep dezho leoned a lazhe anezho.

2 Rouned 2:24

O tistreiñ, e welas anezho hag o milligas en anv an AOTROU. Neuze div arzhez a zeuas eus ar c'hoad hag a ziframmas daou-ugent eus ar vugale-se.

2 Danevelloù 15:5

En amzer-se, ne oa ket a surentez er vro evit ar re a yae hag a zeue, rak trubuilhoù bras a oa e-touez holl dud ar vro.

Izaia 24:6

Abalamour da-se eo lonket an douar gant ar vallozh, e annezerien a zoug o foan, tud an douar a zo kuzumet, ne chom ken nemet nebeut a dud.

Izaia 33:8

An hentoù a zo didud, n'eus ket ken a veajourien, torret en deus an emglev, disprizet en deus ar c'hêrioù, ne ra van ebet eus an dud.

Jeremiaz 15:3

Hag e kasin warno pevar seurt gwalenn, eme an AOTROU: Ar c'hleze evit lazhañ, ar chas evit stlejañ, laboused an neñv ha loened an douar evit lonkañ ha distrujañ.

Jeremiaz 42:2

hag a lavaras d'ar profed Jeremiaz: Degemer mat hon aspedenn, ha ped an AOTROU da Zoue evidomp, evit an nemorant a zo chomet amañ! Rak eus kalz, omp chomet nebeut, evel ma wel da zaoulagad.

Klemmganoù 1:4

Hentoù Sion a zo e kañv, rak den ne zeu ken d'ar gouelioù. Hec’h holl zorojoù a zo didud, hec'h aberzhourien a huanad. He gwerc'hezed a zo glac’haret, hag hi a zo leuniet a c'hwervoni.

Ezekiel 14:15

Ma lakafen loened noazus da dremen er vro, evit he gwastañ betek ma vefe ur gouelec'h, ul lec'h na dremenfe den ken en abeg d'al loened-se,

Ezekiel 14:21

Rak evel-henn e komz an Aotrou AOTROU: Petra bennak ma kasan va fevar barn drouk a-enep Jeruzalem, ar c'hleze, an naonegezh, al loened noazus hag ar vosenn, evit lemel diouti tud ha loened,

Ezekiel 33:28

Hag e lakain ar vro da vezañ ur glac'har hag ur gouelec'h, hag e paouezo lorc'h he nerzh. Menezioù Israel a vo gwastet, den ebet ne dremeno ken drezo.

Ezekiel 5:17

Kas a rin a-enep deoc'h an naonegezh hag al loened fall, a lamo diganit da vugale. Ar vosenn hag ar gwad a dremeno dre da zouez, hag e lakain ar c'hleze da zont warnout. Me an AOTROU am eus komzet.

Leviegezh 26:6

me a lakaio peoc’h er vro hag e kouskot hep bezañ spouronet, kas a rin kuit al loened fall eus ar vro hag ar c’hleze ne dremeno ket en ho pro;

Mika 3:12

Setu perak en abeg deoc'h, Sion a vo troet he douar evel ur park, Jeruzalem a zeuio da vezañ ur bern rivinoù, ha menez an ti ur c'hrec'h goloet a goadeg.

Zakaria 7:14

O c'haset em eus kuit dre ar gorventenn etrezek an holl vroadoù n'anavezent ket, ha war o lerc'h eo bet gwastet ar vro, hep tremeniri ken, hag ar vro a zudi-se a zo deuet da vezañ ur glac'har.

Adlezenn 32:24

Kuzumet e vint gant an naon, debret gant an derzhienn ha gant ur walenn spontus, kas a rin a-enep dezho dant al loened gouez, ha binim ar stlejviled a ruz er poultr.

Ar Varnerien 5:6

En deizioù Shamgar mab Anad, en deizioù Jael, an hentoù a oa dilezet, ar veajourien a yae dre wenodennoù kammigellek.