Leviegezh 21:5 - Bibl Koad 21: Ar Bibl e Brezhoneg evit ar Vretoned

⁵ Ne raint ket a lec’hioù moal war o fenn, ne douzint ket kornioù o barv, ne raint flañch ebet en o c’hig.

Leviegezh 21:5 Referencias Cruzadas

Izaia 15:2

Pignat a reer war-zu Bajid ha war-zu Dibon, war an uhellec'hioù da ouelañ. Moab a hirvoudo war Nebo ha war Nedeba, an holl bennoù a vo touzet, an holl varvoù a vo troc'het.

Izaia 22:12

E-pad ma c'halve an Aotrou, AOTROU an armeoù, da ouelañ en deiz-se, da huanadiñ, da douzañ ho pennoù, da c'hourizañ ar sac'h,

Jeremiaz 16:6

Ar re vras hag ar re vihan a varvo er vro-mañ, ne vint ket sebeliet, ne vint ket gouelet, den n'en em raio flañch ha den n'en em douzo evito.

Jeremiaz 48:37

Rak pep penn a vo moal, pep barv a vo troc'het, war bep dorn e vo flañchoù, ha war an divgroazell e vo seier.

Ezekiel 44:20

Ne douzint ket o fenn, ha ne lezint ket o blev da greskiñ, met e troc'hint o blev.

Ezekiel 5:1

Ha te, mab an den, kemer ur c'hleze lemm, ha kemer ivez un aotenn varver a dremeni war da benn ha war da varv. Hag e kemeri ur valañs da bouezañ, hag e lodenni ar pezh az po troc'het.

Leviegezh 10:6

Moizez a lavaras da Aaron, ha da Eleazar ha da Itamar e vibien: Na zizoloit ket ho pennoù ha na rogit ket ho tilhad, gant aon na varvfec’h ha na teufe fulor a-enep an holl vodadenn. Ra ouelo ho preudeur, holl di Israel, abalamour d’an entanadur en deus enaouet an AOTROU.

Leviegezh 21:4

Ur penn-bras e-touez e bobl eo, n’en em lakaio ket dic’hlan oc’h en em zisakrañ.

Amoz 8:10

Treiñ a rin ho kouelioù e kañvoù, hag hoc'h holl ganaouennoù e klemmganoù; lakaat a rin ar sac'h war an holl groazelloù, hag ar moalder war an holl bennoù, hag e lakain ar vro e kañv evel evit ur mab nemetañ, hag an diwezh a vo evel un devezh a c'hwervder.

Mika 1:16

En em laka moal ha touz da vlev, en abeg da'z mibien karet-mat. En em laka moal evel an erer, rak ez int harluet pell diouzhit.

Adlezenn 14:1

Mibien an AOTROU ho Toue emaoc'h-c'hwi. N'en em reot flañch ebet ha n'en em douzot ket etre ho taoulagad evit unan marv.