Leviegezh 19:3 - Bibl Koad 21: Ar Bibl e Brezhoneg evit ar Vretoned

³ Pep hini ac’hanoc’h a enoro e vamm hag e dad, hag a viro va deizioù sabad. Me eo an AOTROU ho Toue.

Leviegezh 19:3 Referencias Cruzadas

Geneliezh 48:12

Jozef o zennas diwar e zaoulin hag a stouas e zremm d'an douar.

Nehemia 9:14

Desket ec'h eus dezho da sabad santel, ha kemennet gourc'hemennoù, reolennoù hag al lezenn dre Voizez da servijer.

Ermaeziadeg 16:29

Gwelit penaos an AOTROU en deus roet deoc'h ar sabad, setu perak e ro deoc'h er c'hwec'hvet devezh bara evit daou zevezh. Ra chomo pep hini ac'hanoc'h eta en e lec'h ha ra ned aio den er-maez eus e lec'h ar seizhvet devezh.

Ermaeziadeg 20:12

Enor da dad ha da vamm evit ma vo hiraet da zeizioù war an douar a ro dit an AOTROU da Zoue.

Ermaeziadeg 20:8

Az pez soñj eus deiz ar sabad evit e santelaat;

Ermaeziadeg 21:15

An hini a skoio e dad pe e vamm a vo lakaet d'ar marv.

Ermaeziadeg 21:17

An hini a villigo e dad pe e vamm a vo lakaet d'ar marv.

Krennlavarioù 1:8

Va mab, selaou kentelioù da dad, ha na zilez ket kelennoù da vamm,

Krennlavarioù 23:22

Selaou da dad, eñ eo en deus roet dit ar vuhez, ha na zispriz ket da vamm pa vo deuet da vezañ kozh.

Krennlavarioù 30:11

Bez' ez eus ur rumm a dud hag a villig e dad ha na vennig ket e vamm,

Krennlavarioù 30:17

Lagad an hini a ra goap ouzh e dad hag a zispriz kelennoù e vamm, a vo toullet gant brini an traoñ, ha re vihan an erer a zebro anezhañ.

Izaia 58:13

Mar dalc'hez da droad e-pad ar sabad, evit tremen hep ober ar pezh a fell dit em deiz santel, mar anvez ar sabad: Va flijadur, deiz santelaet evit an AOTROU, mar enorez anezhañ hep heuliañ da hentoù, hep ober ar pezh a blij dit, hep lavarout traoù aner,

Ezekiel 20:12

Roet em eus dezho ivez va deizioù sabad da vezañ un arouez etrezon-me hag int, evit ma oufent ez on me an AOTROU a santela anezho.

Leviegezh 11:44

Rak me eo an AOTROU ho Toue; c’hwi en em santelaio hag e viot santel rak me a zo santel. N’en em lakait ket dic’hlan en abeg da hini ebet eus ar stlejviled a ruz war an douar.

Leviegezh 19:25

D’ar pempvet bloaz e tebrot ar frouezh anezho, hag e kresko deoc’h ar c’hementad dastumet. Me eo an AOTROU ho Toue.

Leviegezh 19:30

Mirout a reot va deizioù sabad ha doujañ a reot va santual. Me eo an AOTROU.

Leviegezh 19:31

N’it ket da gavout an igromañserien, nag ar re a c’halv ar speredoù, evit en em saotrañ ganto. Me eo an AOTROU ho Toue.

Leviegezh 19:34

An diavaeziad a zo o chom en ho touez a vo evel un henvroad, hag e karot anezhañ rak diavaezidi oc’h bet e bro Ejipt. Me eo an AOTROU ho Toue.

Leviegezh 23:3

Al labour a vo graet e-pad c’hwec’h devezh, met er seizhvet devezh e vo ar sabad-diskuizh, bez’ e vo ur c’hengalv santel. Ne reot labour ebet, sabad an AOTROU e vo en hoc’h holl chomlec’hioù.

Leviegezh 26:2

Mirout a reot va sabadoù hag ec’h enorot va santual. Me eo an AOTROU.

Malaki 1:6

Ur mab a enor e dad, hag ur servijer a enor e vestr. Mard on tad, pelec'h emañ an enor a zo din? Mard on mestr, pelec'h emañ an aon a zo dirazon? eme AOTROU an armeoù deoc'h-c'hwi, aberzhourien a zispriz va anv, hag a lavar: E petra hon eus disprizet da anv?

Adlezenn 27:16

Milliget ra vo an hini a zispriz e dad hag e vamm! Hag an holl bobl a lavaro: Amen!

Adlezenn 5:16

Enor da dad ha da vamm, evel m'en deus gourc'hemennet dit an AOTROU da Zoue, evit ma vo hiraet da zeizioù ha ma vi eürus war an douar a ro dit an AOTROU da Zoue.

Hebreed 12:9

A-hend-all hon tadoù hervez ar c’hig o deus hor c’hastizet hag hon eus o enoret, ha ne sentimp ket muioc’h ouzh Tad ar speredoù evit kaout ar vuhez?